جماعة باش ميقعدش يتعاود السؤال تاع اذا راح تكملي و اذا مزال حلقة نقوللكم بلي مزالت وحدة نحطهالكم منبعد انا دوك نروح نتعشى و نتوما فرحوني بالتعليقات
اسيا : قمرة زيدي خممي
قمرة : وعلاش نخمم انا ديسيديت خلاص
اسيا : دوكا نتي راكي وسط والديك معندو مخصك حياتك ولات خير وعلاش ديري فالمشاكل
قمرة : نتي مشفتيش كيفاش بهدلوني قدام الناس رجعوني سراقة في عينين الناس .... المراة لي ظلمتها هانوها و مخلاولهاش و عايروها بيا كيفاش حابتني نسكتلهم
اسيا : يا قمرة وعلاش حابة ديري التبهدايل قدام الناس و ...
قمرة : اسيا خلاص اغلقي عليا السوجي هذا تعيشي
اسيا : دبري راسك
قمرة : ايه حقا وقت نرجع للقصر راح نشوف باش يخليوك تدخلي و نحوسلك خدمة فالقصر هكذا
اسيا : يعيشك زينة تاعي معلباليش كيفاش نشكرك
قمرة : مبيناتناش شوفة مرت عمك برك كيفاش تتشنف تكفي
اسيا : خلينا منها ايه احكيلي على داركم كيفاش بديتي تتاقلمي معاهم
قمرة : يعني ... فالحق والفتهم و وليت نعرفهم واحد واحد و كيفاش يخممو ... نبداو بعمومي الزوج عمي محرز مسكين عاقل كيما تقوليلو يقولك ايه و عمي فوزي حيلي يحب مرته بنته و الدراهم ... اذا جينا لعمتي هي مراة مليحة و تخمم بزاف على مصلحة عائلتها بنتها سيبال عسل طفلة تحشم و عاقلة بزاف
كاين طاطا اناهيد يمات الاغا بزاف هايلة فهديك العائلة اكثر وحدة نحبها هي متقدريش تامني شحال حنينة و مليحة .... و كاين 3 سوسات لميس بيلسان و هند يعيو بزاااف غيارات مسمومات
اسيا : ايه لميس هادي لي بسبتها صرالك هكذا
قمرة : ايه
اسيا : بصح انا مفهمتش وعلاش تغير منك على جال الاغا ياك نتي مكان مدخلك فيهتبسمت قمرة و اسيا عقدت حواجبها
اسيا : ولا ....
قمرة : ولا !!
اسيا : عينك عليه ولا عينو عليك
قمرة : اههه لالا وعلاش
اسيا : معلباليش قلت بلاك ..... احكيلي على الاغا تاعكم
قمرة : واش نحكيلك عليه
اسيا : كيما حكيتيلي على الاخرين
قمرة : نورمال الاغا اغا وشبيه
اسيا : شباب طويل قصير بيض سمر ؟؟
قمرة : اففف واش دانا للشكل تاعه
اسيا : و عقليتهضيقت عينيها مدنية وجهها عندها و قالتلها
اسيا : قمرة اسلام هذا ميعجبكش
قمرة : اههه لالا وعلاش
اسيا : يا لوكان شوية
قمرة : ميعجبنيش يا لوكان شوية ماشي جونر تاعي
اسيا : امممم ... ايه هكا خير متنسايش بلي عندو وحدة فحياتو و لي بيناتهم سيريو
قمرة : ايه ... هو يعني فالحق مخطوبين بالسيف مراهوش حابها
اسيا : ميهمش بصح قدام الناس راهي الفيونسي تاعو و راح تكون مرته مكان مدخلنا اذا زواجهم مصلحة ولا لالا .... قمرة بلاكيوقفت قمرة و عيطت
قمرة : اففف اسيا اففف واش دخلني فيهم يتهاردوا ... وليتي موسوسة ... شوفيلي وين نرقد عييت
اسيا : متتعشايش
قمرة : لالا كوبيتيلي لابيتي
اسيا : خلاص ارقدي فبلاصتي ؛ مكانش علبالي بلي الهدرة على الاغا راح تزعفك
قمرة : بلاكي بلاكيتكسلت مشنفة منبعد اسيا ضحكت و عنقتها
اسيا : خلاص حبسي ما تتشنفي
قمرة : روحي خطيني
اسيا : قممممرةبدات دغدغ فيها و هي بدات تضحك
قمرة : هههه خلاص حبسي ... حبسي هههه
اسيا : بو زينها الضحكة ياك مزعفتيش
قمرة : منزعفش من ختي
اسيا : ربي يخليك ليا.......
بعد مرور يومين :
كحلت عينيها الكبار ؛ دارت ماسكارا و روج حمر ... طلقت شعرها و رشت من البارفان تاعها
قمرة : اييي تهبلي تهبلي
هاي ليكم واش لبست
خرجت من شمبرتها رايحة لشمبرة زياد ... طبطبت بزاف بصح مردش ؛ فتحت الباب بلعقل و دخلت
قمرة : زياااد وين راك .... وين راح هذا
عقدت حواجبها وقت سمعت صوتو من الدريسينغ راحت بلعقل عندو
زياد : شوفي جاوني شابين ... ايه علبالي عمري انا فالاصل شباب
ضحكت و دخلت
قمرة : اوهوه راك تهدر مع الزوجة الكريمة
دور راسو وقت شافها و ضحك ؛ راحت عندو شافتها من لاكام لي كان فاتحها دارتلها بيدها باي
حياة : هادي هي ختك
زياد : ايه هادي هي
حياة : متشرفين قمرة
قمرة : اوهوه مليح راهي تعرف اسم لوستها معرفة خير ...
زياد : حياة
قمرة : معرفة خير حياة
زياد : ايا اتهلاي منبعد نعاودلك....
قمرة : مصبح و انا نطبطب مسمعتنيش
زياد : اههه سمحيلي مسمحتش
قمرة : معذور معذور ... ايه مقتليش كيفاش خرجت
زياد : تهبل ختي
قمرة : من بكري
زياد : ههه
قمرة : زياد حبيت نقصدك فحاجة
زياد : قولي
قمرة : كاينة وحدة صاحبتي راهي حابة جي تسكن هنا ... لقيتلها دار بصح باش تدخل لهنا لازملها اذن
زياد : خلاص منبعد مديلي اسمها باش كي جي تدخل يخليوها
قمرة : يعيشلي زياد الغالي
زياد : من عينيا حقا معامن راح تروحي
قمرة : مع ماما و بابا و مع الاسف راح نتحمل بيلسان و منى الطريق كامل بارسكو راح يجيو معانا
زياد : ارواحي معايا مالا
قمرة : يااااي رب يخليك
زياد : هيا مدموزال
قمرة : هياشدت فيدو و هبطوا ؛ تبسمت وقت شافتهم قاعدين فالصالون و هدرت بلعقل
قمرة : راني موجدتلكم سوربريز تهبل
يتبع 💚💚💚 ....
أنت تقرأ
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع