اسلام : كاين حاجات لازم يتبعهم بصح واقيلا معلمتهملوش صهيب
صهيب : سمحلي يا اغا
اسلام : مكان مدخلك نتا
دنا الكرسي و خرج
.......
دخل للصالون لقاهم كامل قاعدين يستناو فيه غلق الباب و قعد
اناهيد : خير واش كاين اغا !!
اسلام : خير خير يما ..... الحاجة لي راح نهدر عليها اليوم تخصني انا و لميس و كنا حكينا فيها منقبل انا وياها
فوزي : على الزواج ... وقيلا خيرتو لادات
اسلام : لالا عمي .... ديسيدينا نحبسوا
لميس : قصدك نتا لي ديسيديت
خزر فيها خزرة تقتل حتى سكتت
اسلام : اذا لحق واحد و حب يحبس و محبش يكمل مع الاخر ميقعد حتى معنى للراي تاع طرف الاخر
فايزة : بصح وعلاش ....
اسلام : هكذا مقدرتش نوالفها و مقدرتش نتفاهم معاها منقدرش نكمل حياتي معاها
فوزي : نسيت بلي باباك وصاك على الارض
اسلام : اذا هامك بزاف خوك اكتب الارض عليا و اتهنى
فايزة : يا اغا حنا في مصلحة عشيرتنا ننساو روحنا و ننساو مصالحنا باباك و جدودك دايمن خدموا بعقلهم ماشي بقلبهم
اسلام : سييت عمتي مقدرتش ... مقدرتش نكون كيما هوما مصالحي نخمم عليها و منقدرش ننساها منقدرش نكمل حياتي مع وحدة مرانيش متقبلها بهاد الحاجة راح نظلم روحي و نظلمها معايا
فايزة : اسسسسسلام الزواج هذا يتكمل و وصية باباك تتنفذ كيفاش هذا تحبس كلش واشمن سبة تخليك دير هكذا
لميس : ههه بارسكو تعاونت مع سيرين باش نفضح قمرة على هادي
فايزة : لي راهي تهدر فيه صح ؟؟
اسلام : صح كاين منو
فايزة : راك تتمسخر بيا كيفاش تحبس على عفسة كيما هادي و قمرة واش دخلها فالوسط
اسلام : ما كان ما دخلها بصح لي دارته لميس يبين شحال راهي صغيرة فعقلها و انا منقدرش نقبل نكون مع وحدة هكذا الانسان لي يقدر يشوه تصويرة دمه هكاك غير على جال الغيرة محال نقدر نعيش معاه تحت سقف واحد
فايزة : يا اغا هي غلطت بصح لي جاز جاز مكانش لي ما يغلطش
اسلام : لي يغلط ميرجعش يعاود نفس الغلطة .... وعلاش نور في ميزك قالت بلي قمر لي هربت اسامة جابتها من راسها وقيلا ... لالة لميس لي حرضتها
لميس : انااا !!
اسلام : شوفي لميس كل حاجة تصرا فهاد القصر علبالي بيها بصح كاين شحال من حاجة مجوزها باش نقص المشاكل .... عمتي وحدة كيما هادي منقدرش نتزوج بيها مول الطبع ما ينطبع و لميس عمرها مراح تحبس هاد المشاكل دوكا هادي مستنية منها غدوة تتحمل مسؤولية الزواج و تكبر ولاد
لميس : جابلي ربي راني هنا
اسلام : justement لوكان مور ظهرك مكنتش راح نهدر عليك هكذا
فايزة : بصح هادي ماشي سبة يا اغا ... الزواج هذا كملوه و مكانش زوج ميجوزوش على هاد المشاكل
اسلام : المهم انا جبتكم باش نقوللكم بلي الخطبة هادي حبست و اليوم راح يخرج الخبر للعشيرة بلي الاغا فسخ خطبته من لميس ¤¤¤¤
للكاتبة you__chroniquedz
ناض عند لميس شدلها يدها و نحالها الخاتم
اسلام : يما خليه عندك انا نروح عندي شغالات لازم نديرهم
YOU ARE READING
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
