عشيرة الاغا _ باللهجة الجزائرية _

الحلقة 48

ناضت تجري لقات الباب تفتح خرجت تمشي و تحوس بعينيها على كاش بنادم حتى سمعت الحس يجي من الجهة لي ملهيك تبعتو بلعقل حتى شافت شيخ و معاه مراة شوية كبيرة .... شوية و بانلها اسلام يقسر معاهم و يضحك

قمرة : اسلام
👴 : راهي ناضت
🧕 : ارواحي بنتي

حست روحها تنوم ناضت من النعاس لقات روحها مع ناس متعرفهمش

👴 : اقعدي وشبيك خايفة
🧕 : ههه وشبيك
قمرة : اسلام ارواح دقيقة

ناض و هي داته لوين كانت

قمرة : وين رانا
اسلام : انا جبتك لهنا
قمرة : وقتاش !!
اسلام : كي كنتي راقدة ؛ بسلامتك نعاسك ثقيل محسيتيش كامل للطريق
قمرة : و كيفاش جيبني بلا ما تسقسيني
اسلام : كي نفحتلي كنتي راقدة
قمرة : و وعلاش جيبني معاك
اسلام : نفحتلي
قمرة : و دوك يتقلقو عليا و ...
اسلام : سقسيت باباك اذا يخليك جي معايا لهنا و هو قبل
قمرة : و شكون هاد الناس
اسلام : الشيخ هداك جدي و المراة خالتي
قمرة : و واش جينا نديرو هنا
اسلام : بسلامتك شحال تسقسي ارواحي مخلية الناس تهدر معاك و نتي جايبتني لهنا

راحوا عندهم

👴 : راهم جاو
🧕 : واقيلا خافتي منا
قمرة : اههه لالا كنت برك مدوخة من الرقاد
🧕 : ههه كنت نتمسخر معاك برك
اسلام : قمر هذا جدي حسين و هادي خالتي حسناء و هادي قمر بنت عمي لي حكاتلكم عليها يما

......

حسين : متشرفين بنتي ، حسناء روحي وجدي اللحم للشواء و انا خليني  ندي الطفلة نوريلها المزرعة

تبسمت قمرة و خرجت معاه عجبتها بزاف البلاصة

حسين : منا كاين العواد .... هاد الاسطبل بابا الله يرحمو كان يحبو بزاف كان عزيز عليه و كان نهارو كامل يجوزوا فيه
قمرة : يااا شحال حطة ... نقدر نشوفهم
حسين : بيانسور راهم لداخل ارواحي معايا

دخلوا و مدلها حبات سكر باش تمدهم للعواد

قمرة : شحال شابين
حسين : اذا حابة تسيي تركبي عليهم نخرجلك واحد
قمرة : يا صح ... بصح نخاف نطيح
حسين : ههه متخافيش نوريلك كيفاش
قمرة : ايه .... امممم نخير هذا

خرجلها الحصان لي خيرتو و داه لبرا عاونها باش طلعت و بدا يدور بيها غير بلعقل شوية و تشوف اسلام جاي دارتلو بيدها باي و كملت تمشي على الحصان و حسين معاها .....

قمرة : بلعقل بلاك نطيح
حسين : اهبطي متخافيش

هبطت بلعقل و قالتلو

قمرة : يعطيك الصحة جدو
حسين : بلا مزية بنتي
قمرة : انا نخليكم نروح نشوف طاطا كشما نعاونها
......

حسين : ايه اسلام كيفاش حتى ديسيديت جي اسلام : عييت جدي من القصر و مشاكله
حسين : على حكاية الزواج ياك
اسلام : على كلش جدي .... كل يوم لازم يخرج بروبلام جديد على هادي حبيت نريح راسي شوية .... و اذا على الزواج حبستو
حسين : خير ما درت نتا مالاول مكنتش حاب هاد الزواج باباك خير الجاه و نسى حياة ولادو
اسلام : الله يرحمو
حسين : امين ..... و هادي الطفلة وعلاش جبتها
اسلام : ..... هكذا
حسين : كيفاش هكذا
اسلام : تقدر تقول هي لي ضررت بزاف من المشاكل لي صراو
حسين : و من وقتاش وليد اناهيد ولا يخمم على بنات الناس خواتاتك و متحوسش عليهم
اسلام : قمر ماشي كيما هوما ..... صح مرات تلعبلك على المورال بصح قلبها بيض عليهم
حسين : هممممم عندك الحق كي قلبها بيض لازم جيبها معاك

تبسم و قاله

اسلام : ههه جدي بسلامتك شحال تحب تزيد عليها 
حسين : اهههه لازم .... ايا نوض نوض نشعلوا الشواية هداك هو

عاونوا باش ينوض و راحو

........

حسناء : استناي ... خلاص سقمتهالك

دارتلها فولارة و مدتلها جبة منعدها

قمرة : يعطيك الصحة
حسناء : بلا مزية عزيزتي
قمرة : تعرفي تشبهي بزاف لطاطا اناهيد
حسناء : هه كامل يقولولي هكا
قمرة : ايه فواش نعاونك
حسناء : كملت كلش الزينة قعدلنا نخرجوا الماكلة برا باش نبداو نشويو
قمرة : ايه

.....

خرجوا قعدوا برا مور ما كملوا حطوا الماكلة و تلموا كامل كيف كيف اسلام كان يشوي و حسين يعاون فيه تعشاو و قعدو يقسرو وسط الضحك و التمسخير جوزوا عشية هايلة كي لحقت 11 تاع ليل نطق حسيت و هو يتثاوب

حسين : يا جماعة انا سمحولي نعست لازم نروح نرقد سهرت بزاف اليوم
حسناء : ههه بابا موالف يصلي العشاء و يرقد ديراكت جامي سهر هكذا
حسين : بصح يعطيكم الصحة جازت هايلة
حسناء : انا نروح نفرشلك معايا قمرة
قمرة : ايه و انا نفرز هاد الحالة

و كيما كان الحال حسين راح رقد حسناء راحت سقمت الفراش و قمرة فرزت الحالة

......

قمرة : افففف بسيف حتى تفرزت الحالة

نشفت يديها و راحت للشمبرة لقات حسناء راقدة تبسمت و رجعت للكوزينة وجدت زوج كيسان اتاي و خرجت برا لقاتو متكي و مغمض عينيه وقت قعدت قدامه و حطت الكيسان فتح عينيه وقتها دارت ليه

قمرة : ياك تشرب

تقعد و جبد الكاس عندو سكتو شحال منبعد نطقت

قمرة : دار يماك بزااف ملاح ، ماشي كيما فاميلة باباك
اسلام : البنادم ميقدرش يخير عايلته malheureusement
قمرة : صح .... ايه مقتليش كيفاش حتى جبتني لهنا
اسلام : هكا جاتني في راسي نجيبك لهنا جبتك
قمرة : يعني كيما تحب

   يتبع  💚💜💚 .....