ليندة : اوهوه شكون جا ... قمرة جيتي تهببببلي
قمرة : تعيشي
نور : غير دخلي لشمبرتك تخافي يحسبوها هي العروسة
هند : ماشي لهاد الدرجة بعدااا ؛ هذي غير كي مولفتوهاش بحاجة مسقمة
ليندة فتحت فيها عينيها و قمرة تبسمت و رجعت شعرها للور و هدرت بكل ثقة
قمرة : الطابع غالب حنونتي ... شفناهم راهم يلبسو و يماكييو و يقعدو هوما هوما لي شباب شباب و الحديث قياس
اناهيد ضحكت و غمزتها و هند دورت راسها مشنفة
وقتها دخلت بية و فيدها باطة
بية : مدام لحقو السوايع تاع الاغا
اناهيد : اههه مليح بارسكو طولو نورمالمون البارح يوصلو خلي نديهملوا
....
فايزة : اناهيد ارواحي ارواحي نسحقك شوفي معايا حاجة
اناهيد : دقيقة ... قمرة تعيشي طلعيهم لاسلام
قمرة : اممم
.......
وقت فتحولها الحراس دخلت و حطتلو الباطة فوق البونك تاعو وقتها شافتو خارج من الدريسينغ يربط فلاكرفات
قمرة : يا اغا وصلوا السوايع تاعك ....... ماشي هكا يربطوها
رجع نحاها و هي داتها سقمتها ؛ فالاول ترددت تحطهالو منبعد دارتها و بقات تربط فيها .... عينيها قعدو مركزين مع لاكرافات وقت حست بيه يخزر فيها مقدرتش ممبا تطلع راسها
قمرة : كملت
طلعت راسها لقاتو مزالو مركز معاها توترت و رجعت شعرها لي هبط للور و قاعدة تلعب بعينيها
قمرة : اذا متسحق والو نقدر نخرج
وقت لقاتو ساكت رجعت طلعت راسها و هنا تقابلو عينيهم ..... مفهمتش وعلاش كي تشوف فعينيه تلقى روحها غاست بسيف ... وجهها حمار و عينيها لمعو وقت رجعلها شعرها للور و حط يدو عليه
دنا قدام وذنها و همسلها
اسلام : راكي شابة اليوم قمر
حمارت و خضارت و دخلت بعضها وقت جبد روحو مست خدودها لي حمارو و راحت للباب منبعد دارت
قمر : انا دايمن شابة ماشي غير اليوم يا اغا
خرجت تجري تتبسم و راحت لشمبرتها عيطت لاسيا
قمرة : عمري
اسيا : الزينة تاعي ... وشراكي
قمرة : مليحة مليحة ؛ اسمعي واش كنت راح نقلك كاينة وحدة تخدم هنا وقت حكيتلها عليك و قالتلي بلي دارها راهي فارغة يعني اذا تساعدكم ارواحوا تقعدوا فيها حتى تلقاو حل
اسيا : زعما ... معلباليش اذا ماما تقبل و زيد خاوتي يقراو
قمرة : انا قتلك دوكا نتي شوفي معاهم اذا قبلو باش نحكي مع الطفلة و لازم قبل يوافق الاغا باش تدخلوا بارسكو راهم مزيرين الدخلات و الخرجات للعشيرة
اسيا : ايه خلاص منا للعشية نردلك بالخبر
قمرة : ان شاء الله
......
وقت سمعت صوت الباب دورت راسها
سمرة : قمرة مدام اناهيد قالتلك اطلعي عاوني سيبال
قمرة : ايه
سمرة : و ادي معاك روبتها .... هاكي
شدتها عليها و طلعت ؛ دقدقت و وقت سمعت صوتها دخلت لقاتها مع جيهان و المراة لي قاعدة تماكييلها
سيبال : اههه قمرة
قمرة : سيبال جيتلك روبتك
سيبال : يعيشك .... قوليلي جاني مليح المكياج
قمرة : ايه بزاف شباب مام المشطة واتاتك
سيبال : صح ... مارسي تقدري تخرجي ؛ روحي عند ماما راهي تستنى فيك باش تخلصك
خرجت لي كانت تماكييلها و قعدو بين ثلاثة
جيهان : سيبال جامي شفتك فرحانة كيما ليوم
سيبال : ههه
قمرة : ربي يدومها
سيبال : تعرفي حتى لدوكا مرانيش مامنة بلي اليوم الفيونصاي تاعي انا و الياس
جيهان : امني امني
قمرة : باينة فيك تحبيه
سيبال : بزااف بصح مفهمتش وعلاش خايفة
قمرة : نورمال تخافي ههه ماشي موالفة
جيهان : اييي يشوف الياس هاد الزين اليوم يدوخ
سيبال : بعيد الشر عليه
قمرة : هههه ... انا نخليكم البنات نهبط نشوف اذا مايسحقوا والو لتحت
هبطت قمرة لتحت و قعدوا يتعاونوا حتى بداو يجيو الناس لي عرضوهم
اناهيد : هداك هو غير ابداو سربو الناس عندها شحال ملي جات و نتي فايزة اخرجي شوفي ناسك
لورين : قمرة ارواحي معانا
قمرة : اههه لالا معليش نقعد نعاون البنات
لورين : هيا
سمرة : قمرة كلش راهو واجد معندك ما تعاوني فينا
جبدتها لورين و داوها معاهم ؛ دخلت لقات ناس بزاف متعرفهمش فايزة و اناهيد و لورين راحو يسلمو عليهم ، و قمرة جبدت روحها فجهة وقت دورت راسها شافت اسلام ؛ زياد عماد و صهيب واقفين مع بعضهم وقتها دخلت لميس هند و بيلسان و منى لابسين الحطة و المكياج و لميس تمشي و تتمايل و ترجع فشعرها للور ؛ قمرة قلبت عينيها و كي جات جيهان قعدت قدامها بحكم كامل البنات ميتفاهموش معاها من غير سيبال و جيهان
سيبال : اههههه شكوون جاااا
وذنيها صوناو كي سمعت صوت تعرفو دورت راسها تسيي تتاكد و لوكان غير ما دارتش سراج و سيرين واقفين حست الوقت حبس بيها
سيرين : ليلي توحشتك
لميس : حتى انا
سلمت عليها و سراج راح عندهم
لميس : سراج وشراك يوووه شحال عندنا متلاقيناش علبالكم مكنتش مستنية جيو
سراج : كيفاش ما نجيوش و طاطا فايزة عيطتلنا
سيرين : ههه ايه حقا كلشي مبروك اسلام و لميس على الخطبة كنا حابين نجيو بصح مقدرناش
لميس : العقوبة ليكم
هادو هوما حلقات اليوم ان شاء الله يكون عجبوكم خليولي ارائكم فالتعليقات و اقترحاتكم و الى الملتقى ان شاء الله في بارت اخر 💚💜💚
أنت تقرأ
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
