شدت فيدو و هبطوا ؛ تبسمت وقت شافتهم قاعدين فالصالون و هدرت بلعقل
قمرة : راني موجدتلكم سوربريز تهبل
تبسمت و دخلت
لورين : ربي يخليلي ولادي الغاليين ؛ راكم تهبلوا مع بعضكم
باسها زياد من راسها و قعدوا ؛ قمرة قاعدة تتبسم مع لميس لي تشوف فيها بنص عين
ليندة : هداك هو لازم نروحوا بصح الاغا مزال ماجاش
اناهيد : اههه لالا عندو شغل منبعد يجي هو
ريمة : مالا هداك هو نتكلوا على ربي
اناهيد : ايهكيما كان الحال خرجوا و سقموا رزحهم كل واحد مع من راح
........
وصلوا للعرس لميس و بيلسان و لميس راحو عند البنات لي يعرفوهم و قمرة قعدت مع سيبال ... منبعد داتها لورين عرفتها على الناس و هكذا حتى خرجت العروسة لي هي بنت هشام مع راجلها لبسوا الخواتم و قطعوا الباتيسري
اناهيد : مسيو هشام مدام سميرة كلشي مبروك على زواج بنتكم ربي يهنيها ان شاء الله
هشام : ان شاء الله مدام ؛ فرحت بجيتكم كامل بصح الاغا مكانشوا
اناهيد : اههه قالي قوليلو يسمحلي بزال خرجلو شغل الصباح مقدرش ياجلوا بصح دوك شوية و بعتلكم الكادو هذا نتمنى يعجبكم
سميرة : يعطيكم الصحة مدام
هشام : نرجعوهولوا فعرسوا ان شاء الله ياك قريب
اناهيد : اههه مزال مبان والو دوكا
سميرة : معليش خليهم براحتهم .....بداو ينقسوا الغاشي و قعدوا غير لحباب و لقراب ؛ قمرة قعدت تشوف فتليفونها حتى لحقلها ميساج من سيرين تقوللها فيه بلي لحقت تبسمت و رجعت راسها للباب حتى لقاتها داخلة ، فايزة وقت شافتها طرطقت عينيها فيها
سيرين : يا جماعة ؛ معليش دقيقة من وقتكم .... اذا شفيتوا عليا انا لي جيت المرة لي فاتت فالمناسبة تاع عشيرة الفارسي و كنت اتهمت قمرة بنتهم بالسرقة
اناهيد : واش جابك ؛ اخرجي كيما جيتي
سيرين : جيت باش نطلب منكم السماح و سورتو من قمرة حكمني تانيب الضمير مور واش درتراحت عند قمرة
سيرين : تعيشي قمرة اسمحيلي بزااف ... نتي عمرك ولا سرقتي ولا راح تسرقي لي فالدار كامل كانوا يعرفوا تربيتك و كانوا يديرو فيك كونفيونص حبيت نشوهلك تصويرتك بصح منبعد الاكسيدون لي درتها عرفت بلي راني نتعاقب على واش درت سمحيلي
قمرة : اههه سيرين وقتاش درتي اكسيدون ... راكي مسامحة ميهمكش المهم نتي ما صرالك والو
سيرين : لالا جازت سلامات بصح كنت قادرة نموت ولا نتعوق
قمرة : الحمد لله
سيرين : طاطا فايزة سمحولي بزاف .... انا صح كنت حابة نشوه تصويرة قمرة بارسكو كان صرا بيناتنا بروبلام بصح كايم واحد من عائلتكم هو لي حرضني
فايزة : من عايلتنا !!!
سيرين : ايه ... لميس هي لي حرضتني و قالتلي لازم تبهدليها
عائشة : يا وييليي
لميس : انااا ... جامي كيفاش .... يا اغا اننا .. انا
YOU ARE READING
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع