هاااي حبيباتي ... كيما علبالكم بالاربعاء مكانش حلقات ابدا محسوب هي الخميس على 1h المهم فهمتوني الحلقة هادي تاع الاربعاء و بحكم انا نحطهم روطار جي بالخميس .... و نظرا لطلبكم قلت نديرلكم حلقة شوية طويلة باش منخليكمش متشوقين على هادي شوية تعليقات و نجمات حق تعبي فنهار الراحة تاعي نقوللكم دوكا قراءة ممتعة نحبكممم 🌸🌸
شرقت الشمس و بدا معاها نهار جديد مع احداث جديدة
قاعد مقابلها يستنى فيها وقتاش تحل عينيها شوية و بدات تحرك في يديها دنا عندها بلهفة يستنى فيها وقتاش تتفاطن ؛ فتحت عينيها بلعقل عينيها لي كانوا ذابلين و وجهها صفر
اسلام : قمر ... كيفاش راكي تحسي دوكا
قمرة : .... واش صرالي ... و وين راني
اسلام : ... راكي فالسبيطار .... كنتي تسممتي لبارح على هاديك جبناك لهنا
قمرة : ..... كيفاش تسممت
مسحلها على شعرها و قاللها بصوت خافت
اسلام : وعلاش راكي تحوسي دوكا ... المهم كي راكي مليحة ، قوليلي كاش حاجة راهي توجع فيك
قمرة : تتت
اسلام : تحبي نجيبلك كاش حاجة
قمرة : لالا
اسلام : حابة تشوفي كاش واحد
قمرة : ... اسيا حابة نشوف اسيا
اسلام : خلاص دوك نبعت لاسيا جي .... و نعيط لوالديك نقوللهم بلي نضتي
قمرة : ههه وعلاش راحو
اسلام : متفهميش النقص ، هوما كانوا قاعدين سورتو يماك محبتش تخليك بصح الطبيب مخلاناش نقعدو بارسكو اصلا مكنتيش فاطنة
قمرة : و نتا
اسلام : ... قعدت خافت تنوضي و متلقاي حتى واحد
تبسمت حتى حمارو خدودها
قمرة : صحا
اسلام : وشبيه لسانك تسقم
قمرة : ههه .... هو صح انا لساني طويل و بلاك زدت معاكم بزاف فالهدرة بصح جامي لحقت و اذيت واحد فيهم ولا حتى تمنيتلو حاجة ماشي مليحة ... مفهمتش وعلاش دارولي هكا
اسلام : ..... ( شدلها صباعتيها ) راكي تشوفي هاد الخمسة ماشي كيف كيف .... هكاك حنا ، كل واحد كيفاش يخمم كاين لي متهموش حياة الناس ..... المهم انا نخرج نعيط لصهيب و والديك ..... ياك متسحقي حتى حاجة
قمرة : لالا
تبسملها و خرج ؛ رفد التليفون و عيط لصهيب
اسلام : صهيب جيب اسيا لسبيطار تشوف صحبتها
كوبا و خزر فعمه و مرته و زياد لي كانوا جايين
لورين : راك هنا ، قمرة ناضت
اسلام : ايه كيما كنت راح نعيطلكم .... عميمعليش دقيقة
دخلت لورين و زياد و اسلام دار لعمه
اسلام : عمي قلت اذا تروحوا للقصر القديم تقعدو هاد اليامات على الاقل حتى تبرا قمر و نلقاو الخدامة
شاهين : ايه هكا خير
اسلام : خلاص مالا نقوللهم يوجدوه
أنت تقرأ
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
