تلموا على طابلة القهوة ؛ قمرة رفدت الكاس تاع جو تاعها و غير شربت عقدت حواجبها و هي تسمع فكلام سمرة
سمرة : يا اغا مدموزال ماريا راهي برا ندخلوها ؟
اسلام : ماريا !! .... بيانسور خليها تدخلقمرة تحكي :
انا سمعت اسمها و انا نولي نفور و نغلي شديت روحي و مبينتش شوية و نلقاها داخلة ... الطفلة عندو الحق كي طاح فيها بسم الله ما شاء الله زينها الله يبارك و كلش فيها يهبل بصح نقعد انا خير منها ببزاف ؛ بدات تهدر و كانت باينة عليها متعرفش تهدر العربية مليح
ماريا : الاغا واش ... رايك فالسوربريز تاعي
ناض اسلام عندها يتبسم
اسلام : مكنتش مستنيها منك
سلمت عليهم بحكم تعرفهم منقبل منبعد دارت لاسلام
ماريا : اههه و عندي سوربريز واحد اخرى
راحت شوية و جات و فيدها الفاليزا
ماريا : راح نقعد هنا معاكم ... بارسكو مامي و بابي راحو يامات باش يحوسو و انا محبيتش نروح معاهم قلت نجي عندكم
ليندة : زارتنا بركة و زيد توحشناك هذا شحال مشفناكش
ماريا : وش معنتها بركة ... المهم حتى انا توحشتكمفتحت عيني وقت رمات يدها على كتف اسلام تتبهلل و قالتلو
ماريا : عجباتك لاسوربريز
زيرت على شواربي وقت لقيتو مدناش يدها يعني لهاد الدرجة مداصرين بعضهم قلبت عيني رجعت شعري للور و نطقت
قمرة : وشمن سوربريز ههه سمحيلي انا ستنيت كاش حاجة فالاخر خرجت فاليزا
.........
اناهيد لي فتحت فقمرة عينيها وقتها تبسمت و قالت
قمرة : قصدي سوربريز تاعك كانت original
ماريا : اههه شكون هادي جامي شفتها هنا
قمرة : انا بنت عم الاغا بنت شاهين و لورين ماشي هكا يا اغاغمض عينيه و فهمها بلي معجبهاش الحال كي جات ماريا
ماريا : اههه enchanté
قلبت قمرة عينيها و اناهيد نطقت باش تلطف الحالة
اناهيد : ماريا اقعدي كولي معانا
ماريا : ههه منقولش لالاقعدو ياكلو حتى نطقت ماريا
ماريا : بصح اغا نتا قلتلي بلي راح نوريلك العشيرة و دورني فيها
قمرة : اممم اسلام الطاكسيور
اسلام : كشما قلتي قمر
قمرة : اههه والو ... قلت برك بلي لازم تديها توريلها العشيرة كيما ديتني انا عام عام يا اغازير على يدو و حسها تستفز فيه
اسلام : كاش مرة ماريا هاد اليامات راني مشغول
ماريا : ايه كيما تحب ... تعرفوا حبيت نجيب مامي و بابي يشوفوا العشيرة على هادي قلت لازم نشوفها قبل
قمرة : ماريا عزيزتي مقالولكش بلي تهدري بزاف ولا فبلادكم معلبالكمش بلي وقت الماكلة ماشي مليح الهدرة
ماريا : انا اصلي جزائرية قمر
فايزة : باين من لبستك 😏
ليندة : فايزة دوك تسمعك
ماريا : ههه قمر بانتلي محبتنيش
قمرة : تفهميها و هي طايرة
ماريا : مفهمتش !!
قمرة : متفهميش خير
أنت تقرأ
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع