كانت راح تقوللها لالا منبعد حشمت وقت شافتها خايفة عليها و هي تستبعدها ؛ هبطتها لتحت و وصلتها حتى للبونك تاعها
لورين : قمرة اذا حبيتي نخليهم يوجدولك شمبرة معانا الفوق
قمرة : لالا راني لاقية راحتي هناكانت راح تهدر منبعد هبطت راسها شادة دموعها
لورين : المهم نتي تكوني بخير
.......
محستش بالطريق حتى لقات روحها وصلت لشمبرتها وقتها طرطقت بالبكاء ... سكتت تمسح فدموعها وقت تفتح الباب
زياد : يما وين ..... يما وشبيك
لورين : اههه والو
زياد : كنتي تبكيراح عندها و هبط على رجليه مقابلها يمسحلها فالدموع
زياد : وشبيها يما شكون بكاها
لورين : زياد انا عييت ....
زياد : يما اذا على ختي صدقيني راني داير جهدي باش نلقاها
لورين : ..... انا لقيتها ....
زياد : كيفاش ... و وعلاش انا معلباليش .... مخلييني نجري كل يوم و انا نحوس عليها و نتوما عارفينها
لورين : .... واش حبيتني نحكيلك 😔 ... نحكيلك عليها بلي راهي رافضتنا و مراهيش حابة حتى تستعرف بينا ... ولا بلي بنتي راهي تخدم علينا كل يوم و انا شادتها فقلبي و ساكتة
زياد : تخدم علينا !! .... قمر هي ... هي الخدامة الجديدة ... قمرة
لورين : اييه 😭
زياد : و وعلاش مخليينها تخدم
لورين : وعلاش انا قدرت و خليتها .... مفهمتش ياك حنا ما غلطنا فوالو ؛ كان علبالي بلي بنتي و رميتها ياك وقت عرفت هي عرفنا حنا وعلاش راهي تبعد علينا و تتهرب .... حتى الناس لي تخلاو عليها اليوم وقت شافتهم راحت تجري عندهم
زياد : خلاص يما متقلقيش روحك خليها للوقت
لورين : زياد راهي فالشهر و هي مدية نفس الموقف حابة نفهم وعلاش راهي دير هكذا ... قلبي تحرق
شفت الناس لي رباوها جاو يشوف بنتهم عادي بصح انا ...
زياد : يما متمرضيش روحك دور دور و تولي لعائلتها و خليها عليا انا نهدر معاها
لورين : بلاك برك تسيف عليها ولا تقلقها
زياد : كوني مهنية.......
نورة : منى ما خصك والو بنتي
منى : معندو مراح يخصني فدارنا
نورة : فالوقت لي تحبي جي فيه تقدري جي ... و منها تتعرفي على ختك كاينة وحدة صغيرة عليك و ...
منى : منسحقش راني مليحة هنا ما عندي وعلاش نجي لعندكم يعني سمحولي ... بصح قمرة بعثتوها تخدم هنا معنتها مقدرتوش على مصروفكم على هادي منقدرش نجي نتعذب انا و قمرة ماشي كيف كيف انا نضت فالقطن
كمال : ايه عندك الحقنورة بلعت غصتها و قالتلها
نورة : معليش خوذي راحتك ... كمال هيا نروحو
كمال : ايه ؛ منى اتهلاي فروحك بنتيتبسم بخبث و خرج مع نورة و منى قلبت عينيها
......
عائشة : الياس وليدي اذا راك قاعد نقدر نهدر معاك
الياس : ايه
عائشة : .... الياس .... باباك حاب يزوجك
الياس : ههه
عائشة : بسيبال بنت عمتك
الياس : كيفاش !!!! راهو منيتو
عائشة : ايه ؛ راني سوور بلي فايزة هي لي دخلتلو فراسو
الياس : سيبال اصلا متقبلش
عائشة : وليدي مسكين راقد على وذنيه ... الكفلة راهي بدات توجد
الياس : كيفاش !!
عائشة : راهي قابلة و باباك راهو شاد فكلمتك
الياس : يما انا مرانيش حاب
عائشة : شغل معلبالكش بلي فايزة كي تقول كلمة خاوتك يموتوا و يحياو عليها
الياس : ميهمني حتى واحد علبالك بلي انا نحب لميس
عائشة : الياس لميس مراهيش باينة اذا راح تكون معاك ولا لالا
الياس : انا هدرتي قلتها و غير سيبال لي منديهاش
عائشة : وقت يهدر معاك باباك نتا فهمو انا مدخلنيخرج مقلق و غير لحق للدروج لقا لميس طالعة ؛ تبسمت معاه و قالتلو
لميس : اوهوه الياس قالتلنا عمتو بلي راح تخطب سيبال
الياس : هه لحقك الخبر ديجا
لميس : اممم فرحتلك بزاف علبالك نتا هو الكبير فالاحفاد و مزال متزوجتش هكذا خير باش نتهناو عليكم
الياس : نحب كي نتزوج نتزوج برضايتي بارسكو الزواج ماشي بالسيف على الراجل ولا المراةتبسمت التبسيمة الصفراء كي فهمتو بلي معنى عليها هي و اسلام ؛ دنات عندو سقمتلو لفاست
لميس : سيبال ولا غيرها مراحش يقدرو ينسوك فيا ..... حبيت ولا كرهت نتا راح تظل تخمم غير فلميس و بسيف عليك
طلعت مخلياتو يغلي هو غير هبط سمع صوت باباه من الصالون يعيطلو
.....
الياس : انعم بابا عيطتلي
محرز : الياس ادخل ادخلقعد و فايزة قاعدة تخزر فيه
محرز : هو يا وليدي كنا حابين نهدرولك على ....
الياس : راني قابل بابا ... حكاتلي يما على سيبال و راني قابلفايزة عقدت حواجبها مكانتش تتوقع منو يقبل بلخف
محرز : يعني ... راك سوور
الياس : ايه بابا
محرز : فرحتني علبالك
فايزة : حتى انا ربي يهنيكم و يكمللكم ان شاء الله.......
اسيا : قمرة تاخذي رايي سيي تقربي من والديك وعلاش راكي ديري هكذا مفهمتش
قمرة : اسيا فهميني عقليتهم و عقليتي ماشي كيف كيف انا عشت فالميزيرية و الفقر و هما .... و زيد انا دخلت لهنا بصفتي خدامة كيفاش نجي نقلب العائلة و ندخل وسطهم شغل ما صرا والو
اسيا : قمرة كلش يتحل مع الوقت و توالفي ياك هما راهم يحوسو عليك وعلاش راكي ديري هكذة حتى لي رباوك تخلاو عليك ..... علبالي بيك خايفة
قمرة : معندي وعلاش نخاف
اسيا : بكل بساطة خايفة يكون عندك اب و نتي متعرفيش واش معنتها اب خايفة تحسي بحنانتهم و نتي ماشي موالفة خايفة تعيشي مع ناس مكانوش معتابرينك من عايلتهم
قمرة : اسيا يعني ... كيفاش حبيتي وحدة كانت تخدمهم وحدة كانوا يهينوها بين ليلة و نهار تولي بنتهم ....
أنت تقرأ
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع