شوية وكان فالحلبة...مبدل ولابس بشورت برك...الكل يهتف باسمو... رغم لي هو اصغر من خصمو..."مكانش مستحيل"...تبسم وسڨم شعرو... شوية وبدا يضرب ضرباتو دقيقة...وكل مرة يطيح خصمو...مي حتى خصمو مش سهل...حطيت يدي على قلبي...وفي كل ضربة كان يتضرب فيها...كنت نحسلهم قبلو...وكأني مربوطة...بيه...تخلعت كي شفت خصمو رفد كرسي...وقعد يضرب فيه...للظهر...وهو يتوجع...شاف فيا... وتبسم...تبسمت بلا ما نحس...وين حرك راصو صحا...وبعد عليه...طاح فيه ضرب...اكثر واكثر...انا مش مستوعبة واش قاعدة نشوف...ولا علاه حبني نشوف هاد المناظر على الصباح...شفتو كي طلع...فوق بيليي (راحلي اسمهم بالعربية)...بيليي من الحلبة...وصوطا عليه...وين ولا كامل الناس تحسب فوقت واحد...10...9...8...7...وكأنو كان عد تنازلي لكاش حاجة...رغم لي هو رابح...مي شعور غريب...كان حاكمني... الشعور لحلو لي كان في قلبي...اختفى مع كل عدد...3...2..1.. وين ربح ولاو كامل الناس اعيطو... حسيت بيد على يدي...وين تخلعت ودورت راصي....وين شفت ملك...وعينيها مدمعين...ذيقت عينيا... خايفة....قربت مني وعنقتني...وانا نتساءل...كفاه صابتني...وانا موصية الرجال ما يتبعونيش...دورت عينيا على ماهر...ودين لي كانوا في نفس الحالة...حكيت بصوت خايف...
انا: واش بيكم...
زيرت عليا اكثر وبدات تبكي...
ملك: سامحيني...نفس...
انا: كفاش...
ملك: أهلك ماتو...
حسيت بتصفار...في ودني...وحبطو يديا من عليها...فجأة...وبعدتها عليا... حركت راصي لالا...غمضت عينيها وجات راح تعنقني...حبستها بيدي...وبعدت عليهم نجري....نو مستحيل...ماما...بابا...لالا...خرجت وين ولات الشتاء تصب بطريقة غريبة...رحت نجري بأقوى ما عندي...هاربة مرة جديدة...من الدنيا....وآلامها....لي ديما لاحقتني....مي هادخ المرة كانت ضربتها قوية...ماما...وبابا....اعلى ما عندي]]...
• fin de flash back 🥀
أنت تقرأ
انين الروح || Im Sorry
Romance• أنين الروح • Im sorry .. - كرونيك كاملة .. تكسر الروح ... ويختنق القلب... فهل يمكن للحب أن يكون... دواءً... لما افسده الزمن... ام أنه مجرد داء... يزيد الجرح شرخا... تعرض فتاة صغيرة التحرش في صغرها و عندما تكبر لا تدري كيف تتعامل مع عواقب سكوتها ت...
