الحلقة 16:
تنهدت وطاحوا دموعي...كي لقيت روحي في حضنو...بين ضلوعوا كلماتو لي كانت كيف السحر عليا...هديت ونسيت...كلشيء تمحى في لحظة...
سيف: شششش...احكي نوعدك...كلش يتصلح...احكي...
دقات قلبي تسارعت وقوات...لدرجة اني حسيت بيها... في كل بلاصة من جسمي...السخانة رغم لي حنا فالشتاء...كلماتو ونفسو السخون لي ضارب في وجهي...خلاني نرعش...حركت راصي بلالا وتمتمت "لالا أنا مش حابة هاد الشعور"...حركت راصي يمين وشمال وطبعتو...مش حابتو يسكتني...خاطر غدوة واحد ما راح يرأف بحالتي...كامل راح اوشوفوني كلبة...وانا مش حابة...والله ما عندي ذنب....بعدتو عليا بأقوى ما عندي...لدرجة انو تصدم مني...نحكي بهستيرية دموعي نزلو اكثر...دموعي لي سنين وانا حابستهم...خرجوا اليوم وصابوا طريقهم على خدي...
انا:خلاااااااص...خلااااص...واحد ما يزيد امسني....نتوما كامل كيف كيييف...بعدونيي...تفهم بعدوني...
هربت منو ولمحت طاكسي...ركبت بلا ما نسقسيه...دورت راصي لقيتو متبعني...
انا: خويا تعيش...تقدر تبحرو...
تبسم وبقا يتمتم بين شواربو...شوية وضاع بين الطونوبيلات... تنهدت وتكيت راصي للور...حتى لحقني مساج مرة اخرى...
"لم يكن الضعف في البكاء...لكن في الهروب" طفيت تيليفوني وحكيت...
انا: معليش توصلني لهاذ العنوان...
هو: نتوما ديروها واحنا نحصلو يا ربي...
انا: خويا واش تقصد...
هو: والو ختي دوك نوصلك...
شوية وقت وكنت تما...حطيت يدي غي جيبي صبت دراهم... حمدت ربي وعطيتهملو...وخرجت...
سمعتو يعيط باش اردلي الصرف...مي قطعت بلا ما نشوف لا ورايا...لا قدامي...سمعت الطونوبيلات لي ناضوا يصونيو...مورايا...
والعساس لي باينة في وجهو الدهشة...تبسمت باستهزاء...وطلعت الدروج...ما سنيتش الطفلة لي فالاستقبال تهدر معايا...ودخلت عليها بلا ما نطبطب...يمكن هاذي اول مرة ندخل...بلا ما نخمم... لقيتها مع مريضة ليها...وين شافت فيا مخلوعة...
يسر: نفس...
تبسمت باستهزاء...وقعدت...حطيت رجل على رجل...نشوف فهذيك لمراة...
هي: مادمازال...هاذي كابيني...ماشي داركم...
طلعت عينيا نشوف فيها...ناسية اخلاقي...ولا ادبي ومبادئي... وليت نسخة منو كيما رباني وكبرني...نفس ال××××
انا: والله في دارنا...واش ديري زعما...
يسر: نفسس...
دورت راصي نشوف فيها...وحركتو بمعنى وشنو...
شفت فيها كي شفتها تعيط وتسوطي وحدها..
يسر: نفسس...
دورت راصي نشوف فيها...وحركتو بمعنى وشنو...
شفت فيها كي شفتها تعيط وتسوطي وحدها...
هي: اسمعيييي...أنا مهبولللة...فهمتييي...سما كيما راكي...ترفدي حواسجك...و ×××× عليا منا...تسناااي دالتك يا ××××... ايا كي الشاطرة....
تبسمت وحركت راصي...بقلة صبر...سڨمت روحي يديا... على حجري قربت منها وحكيت...
انا: نوضي لا نحرش عليك الرجال ××× حتى يرجعوك ×××
شافت فيا مصدومة...ويسر مش اقل منها...تبسمت وربعت يديا... وحرتهلها عينيا للباب بمعنى برا...
هي: يا يما مهبولة قدامي...يا يما حبو يوخدوني...
وانا نشوف فيها خارجة وتندب...خبطت الباب وخرجت...دورت راصي نشوف في يسر...تبسمت وقربت منها...
انا: مسجاتك يا طبيبتي النفسية...اخرجوا غير نفس المجنونة... والرجال علاه ديما ورايا...ويوصلولك اخباري اول بأول...
عدلت روحها...وشافت فيا...
يسر: خاطر نتي من النوع الصعيب...لي ما نقدرش نتحكم فيه... ولا نعرف واش صرالو غير من جلسة 1 ساعة...نتي لازمني معاك... ساعات وساعات...وهاذي طريقتي...
انا: مزال عندك امل اني راح نحكي...
يسر: راح اجي نهار وتطرطقي...
انا: ونتي هذاك النهار راح تتشمتي...
يسر: يمكن...
انا: متمنية يصرا لي فبالك وامالك...
يسر: حالتك كل يوم تسوء أكثر نفس...لازم تحكي وتفضفضي... راح تولي عدوانية...وهذا شيء نشوفوه كامل بين فترة وفترة...
انا: مش لحتى تشوفيني...باش تشوفي...
يسر: نفففسس...
انا: حقيقة انك راح تتشمتي كاش نهار...مستحيل نلوبيها...
يسر: واش لي يخليك متأكدة..
انا: دوافعك قوية...
يسر: مادامك تعرفي علاه خترتيني طبيبتك النفسية...
انا: باش نتأكد اني عمري ما راح نحكي...
تصدمت مني...لدرجة اني طرطقت فوجها...رتحت بطريقة غريبة... الحقيقة...اني نستعملها باش ننسى...طبيبتي النفسية...مي بطريقتي الخاصة...أنا لي نداوي روحي وحدي...بلا ما نحل جرح الماضي...وبلا ما مخاطر انو سري يتكشف...ويولي علكة على فم كل لسان...
~~~~~~~~~~~~~~~~~~~
شخصية جديدة دخلت يسر...حبيت نعرف توقعاتكم ليها وعلاقتها بنفس واش رايكم فيها...واش رايكم فنفس وسرها...طفلة كيفها تقدر تعيش طبيعية...طفلة محافظة على سر فضيع...وعايشة بيه
YOU ARE READING
انين الروح || Im Sorry
Romance• أنين الروح • Im sorry .. - كرونيك كاملة .. تكسر الروح ... ويختنق القلب... فهل يمكن للحب أن يكون... دواءً... لما افسده الزمن... ام أنه مجرد داء... يزيد الجرح شرخا... تعرض فتاة صغيرة التحرش في صغرها و عندما تكبر لا تدري كيف تتعامل مع عواقب سكوتها ت...
