حرت كي شفتو يمشي باتجاه...موطو...حبس وجبد الكاسك...لبسهولي... وجابلو واحد من رجالو جاكات...كي لبستو جاء قدي..."كفاه عرف سايزي هذا"...تبسم ولبس كيفي...ركب وعاوني ركبت معاه...ما سقسيتوش...ما حبيتش نخرب مفاجأتو...ولا لحظاتي معاه...جوست عشت اللحظة مستمتعة بقربو بطريقة غريبة...الساعة 6 تع الصباح... الطرق بين الخالي ولمعمر...نسمت لهواء ظاربة في شعري وطير فيه... حليت يديا نستقبل فيها...وين حكى وقال...بصوت مقطع...
سيف: بعدك حرام...
انا: واش تقصد...
سيف: شدي فيا ما عندناش وقت...
شديت فيه...وين ولا يلعب بموطوه....
سيف: عيطيي...
انا: علاه هبلت...
سيف: عيطي...
زاد فالسرعة...وولا يمشي على رجل وحدة...وين لقيت روحي نعيط... بلا ما نفيق...وساحت دمعة مني...عيطت اكثر...وطلقت العنان لكلش فيا يخرج...لحظات عمري ننساها...ولا عمري ننسى هاذ الشخص لي فهمني..."سيف"...قلتها وحسيت بيها...هو قال ساعة...مي هو نطقني في دقائق...هو فهم فيا واش ما قدرتش نفهم انا في روحي... حسيت روحي طائرة وخفيفة...سعادة...شعور جديد...وغريب فنفس الوقت... حطيت يدي على قلبي وتبسمت...زاد فالسرعة وين شوية ولحقنا... كان شارع قديم من شوارع باريس...واحد من الشوارع لي ممنوع ندخلها... نحيت الكاسك...وحسيتو بديدو...لي تغرست في يدي مرة وحدخرا... طاوعتوا بدون اسئلة...ودخلت معاه...وين صوت الناس لي تشجع جاء من كل بلاصة...تبسم وزير عليا اكثر...الاحترام وهيبتو في هاد لبلاصة... واضحة...كانت الناس تنشق وتخلينا نحوزوا...
سيف: هذا اول سبب لاصابتي...
انا: والثاني...
سيف: سر...
قلبت عينيا وكملت نمشي معاه...
سيف: مش خايفة...
جاوبتو بكل ثقة..."نو"...حبست فجأة...متفاجأة من روحي...كفاه مش خايفة...تبسم ومشاني معاه...اما انا فكنت في عالم اخر...ياخي شبيني انا...حبس فجأة وقال...
سيف: كلامي ليك بعد المبارات...
ذيقت عينيا نحب نفهم كلامو...
انا: كفاه...
سيف: كيما حكيت عند الشجرة...ابتسامتك املي...مي اليوم هي قوتي...
دورت راصي نشوف فالسيد لي عند الحلبة لقيتو...اضخم منو بليار مرة...
انا: سيف...
تبسم وقرب مني باسني من جبيني...
سيف: حاجة ماي مستحيلة نفس...هاذي رسالتي ليك اليوم نفس...
طلق يدي وراح...حسيت بالادرينالين طلعلي بطريقة غريبة...
عيطتلو بأقوى ما عندي باش يقدر يسمعني...هو صح غريب مي قلبي مش حاس...بهاد الحاجة...
انا: سييييف...
دار شاف فيا...تبسمت ومسحت الدمعة لي طاحت مني من غير سبب...
انا: ما ناسي والو...
تبسم قرب مني...خطواتو ثابتة...عينيه فيهمح لمعة غريبة...جوز يدو على شعري...بعدها حطها على رقبتي...وقرب شفافو من شفافي...اول قبلة ليا...حنانو كان كبير...بعد عليا كي حس بنفسي راحلي...تبسم قريب من شفافي...رجع باسني بوسة خفيفة سريعة...كي سمع اسمو من المايكروفون...تنهد وبعد عليا...ما علاباليش علاه...خليتو..حتى يمكن انا طلبتها منو...لي يهمني هو انو قلبي ثاير عليه...تهدت وقربت اكثر باش نقدر نشوفو...
आप पढ़ रहे हैं
انين الروح || Im Sorry
रोमांस• أنين الروح • Im sorry .. - كرونيك كاملة .. تكسر الروح ... ويختنق القلب... فهل يمكن للحب أن يكون... دواءً... لما افسده الزمن... ام أنه مجرد داء... يزيد الجرح شرخا... تعرض فتاة صغيرة التحرش في صغرها و عندما تكبر لا تدري كيف تتعامل مع عواقب سكوتها ت...
