العلاقة بيناتهم غريبة...غست فيهم وانا نشوف فيها كفاه فرحانة...
حايرة في روحي كفاه خليتها تقعد معاه...بالعادة ما نخليها تحكي مع حتى واحد...حسيت بآدم لي قعد قدامي...وحط راصو على كتفي...شفت فيه...وحركتو حتى طاح...
آدم: يعني حتى الراحة محرومة عليا...
تبسمت بلا ما نجاوبو...
آدم: والله كان ماشي هو مستحيل نقدرو نهدوها...
ديقت عينيا نحب نفهم اكثر حتى جاء صوت علي لي قعد قدامي.. وخلاني في وسطهم...
آدم: نونو راحت وخلاتني...هاذي الجملة لي ناضت بيها...مي سيف قدر اهديها...ولي راكي تشوفي فيه...كامل هو سبابو...
دورت راصي نشوف فيه...لقيتو يشوف فيا...شوية وجابها معاه...
حكمها آدم ادغدغ فيها...
آدم: واش نون شبعتي ثلج...
نايا: حالة...
جات عندي قعدت عندي وعنقتني...زيرت عليها باش تفهم بلي عمري ما راح نخليها...اني نكون معاهم هكا شعور يعجبني...مالغري البرد والشتاء مي الحال كان شباب...حسيت بيها كي ناضت من عندي...وراحت للثلج لي خدموهولها...ورماتو على سيف...
سيف: راكي تلعبي بالنار...
نايا: نانا ماكش راح تحكمني...
وراحت تجري...ناض لحقها...وحكمها مرغها شوية فالثلج...وحتى هو كان ممرغ معاها...غمضت عينيا نسمع فالكلمة ونسيي نتفكرها "حبيتك"...حليتهم كي حسيت بالضربة على وجهي...وكامل يضحكوا عليا...
علي: حلوة منك شريك...
غمزلي...وضربوا حتى هو...ضحك مرة أخرى...وشوش لنايا حاجة في ودنها ناضت تضحك...رفد شوية وتيراه عليا...
انا: يعني متفاهمين عليا ياك...
نظن نجري ورا نايا...وهي تعيط وتضحك...غير جيت راح نوصللها...حسيت روحي طرت...ورجليا ترفعو من الارض...قلبي زادت دقاتو...وحسيت برعشة في جسمي...من لمست يدو...على كرشي...حطني على الارض...وتبسم...وغمزلي...واول ماجيت نستوعب حسيت بشفافو على شفافي...دورت راصي نشوف فلجماعة لقيتهم يلعبوا مع نايا...
سيف: واحد ما شاف...
وزاد قرب مني باسني مرة أخرى...
وتمتم بين شفافي..."رح تحكي"..
YOU ARE READING
انين الروح || Im Sorry
Romance• أنين الروح • Im sorry .. - كرونيك كاملة .. تكسر الروح ... ويختنق القلب... فهل يمكن للحب أن يكون... دواءً... لما افسده الزمن... ام أنه مجرد داء... يزيد الجرح شرخا... تعرض فتاة صغيرة التحرش في صغرها و عندما تكبر لا تدري كيف تتعامل مع عواقب سكوتها ت...
