انين الروح || Im Sorry

حلقة 31

الحلقة31:
نجري...نجري بأقوى ما عندي...وماكس ورايا...يلعب...اصلا هكا العادة... من ايام...ماكس اجي مع رجالو...وهو غايب...تعودت على ماكس وحنانو...حبست نلهث نشوف فالكرسي...لي موالف نشوف فيه...تبسمت وحبطت نكاريسي في ماكس...
انا: بششتت...مولاك وين...بففف وانا علاه نسقسي فيك...كلي راح جاوبني...بففف أصلا علاه ما حبش يخرج من مخي انا...أصلا شكون هو...بففف هبلت انا خلاص...
شاف فيا الكلب...ودار صوت حزين...وتربع على الارض...
قربت منو اكثر...نكاريسي فيه...معرف علاه هو ثاني ماوش مليح... يمكن متوحشوا...
انا: ششش...اكيد مشغول بلا ما تزعف...اصلا انا لي عندي كثر من شهر نلعب معاك...ما عجبتكش...
جاوبني بصوت...حزين مرة اخرى...
انا: اوهوووه...هيا مستر ماكس...مش وقت حزنكح والله حابة نجري... ماكش شايف الحال شحال شباب...
دور راصو شوية وطلعو...
انا: ماكسي شبيك...
تخلعت كي سمعت صوت خطوات مورايا...وصوت نبيح ماكسي جاء معاه...دقات قلبي قوات...حتى اني سمعتها...زادت الحرارة في عز الشتاء...وكي سمعت صوت نفسو...توترت اكثر..."حافضة صوت نفسو... نفس اكي مليحة...شبيني متوترة انا...نفس ولي لعقلك كلو واحد شفتيه من بعيد شبيك"...
سمعت صوت حمحمتو...تنهدت...ودورت ليه...مي صدمني بلبستو... وهندامو...دورت عينيا عليه....كان بلا لبلاطر لي على رجلو....ولابس ومعطر...رحتو من لبعيد شميتها...تبسمت بلا ما نحس...حتى لقيتو حتى هو يتبسم...
سيف: بونجور...
انا: مبروك...
تبسم مرة اخرى...
سيف: مرسي...
حبط لماكسي يلعب معاه...ولي هو فرحان بيه...وكأنو عندو شحال ما شافوش...رمالو البالو...وخلاه يروح موراها...
حسيت بتوتر...دقات قلبي كانت في حفلة...حتى حسيت بالامان رجعلي...شعور غريب وانا نشوف فيه مرة أخرى قدامي...تبسم ورفد حجرة...رواح جيهة الشجرة...لي ديما نكتب عليها...غمضت عينيا شوية نحب نفهم واش راه ادير...تبعتو بلا ما نكثر هدرة...اصلا بطريقة غريبة نفهمو بلا ما يهدر...دورت عينيا عليه...لابس سروال كحل كلاسيك... شوية مزير عليه...وشوميز كحلة مطلع يديها...شبيه هذا يسخن في عز البرد...تبسمت من تخمامي...شفت شعرو لي كان مطلعو شوية... حمحم ودور ليا...تنهدت وقربت...نقرا واش مكتوب..."لا تترك للهموم مكان... املا نفسك بالسعادة...هذا ما تعلمته من نسمة في حياتي"...سبقني وقرالي كلماتو بصوتو...دورت ليه لقيتو حاطلي يدو قدامي وحكا...
سيف: ساعة وحدة...ساعدة وحدة نوريك فيها شمعناة السعادة بالنسبة ليا...
شفت فيه مترددة...دقات قلبي حاضرة كي لعادة...وحشمت...حسيت برغبة غريبة اني نحضنو وكأني كنت فرحانة...فرحانة جوست خاطر مدلي يدو...طلعت راصي مصدومة من روحي...وشفت فعينيه... حكيت فقلبي..."مستحيل نفس...كفاه تحبي واحد...من بعيد...كفاه ترتاحيلو... ارجعي لوعيك...شكون هو نفس"...
تبسم ودور عينيه...على وجهي...وحكي...
سيف: جوابك وصل...
وحكملي يدي...
شفت في يدي وفيه...حسيت بيه كي زيرلي عليها اكثر...ومشى وخلاني نمشي وراه....وتمتمت..."ساعة وحدة...حاولي...لا رح تخسري...ولا تربحي...جوست عيشي"...دورت عينيا عليه...وعلى ظهرو وزيرت على يدو...وين جاوبني كي زير اكثر...قربت منو وعطيتو ثقتي...ما علاباليش وين حاب يديني...لي نعرفو انو انسان غريب...كل ما نشوفو.. قلبي يضيع مني...