غمضت عينيا وحليتهم نحب نتأكد من لي صرا قبل زوج دقائق من دوكا...تبسم وبعد عليا عيطتلو نحكي...
انا: سيف فهمني واش صرا... دوكا...
دار شاف فيا وجاوبني وهو داير نص تبسيمة على فمو...والغرور يتقاطر من عينيه...
سيف: نففس...
حليت عينيا فيه...نحب نفهم...
سيف: القانون الاول...القبلة تأخذ ولا تعطى...تعلمي شوية...اكيد مش راح نسناك...
غمزلي ورجع دار...وقفت في بلاصتي حايرة منو...شبيه تبدل بين ليلة ونهار...كنت راح نلحقو...مي تصويرة عقد الوهاب...لي جات بين عينيا...خلاتني نوقف في بلاصتي...حايرة...كفاه ما تفكرتش وهاب المرة هاذي...رغم لي هو باسني...حطيت يدي على فمي...نتفكر في بوستو...هاذي اول مرة يبوسني راجل...ونحس بالدفء في قلبي...ما خفتش...طاحت دمعة من عيني وتبسمت...وتمتمت "ماخفتش" نوع من السعادة شتاح قلبي...دموع في عيني...وبسمة على فمي...بدون سبب....فرحة وحزن...تناقض غريب...حركت راصي يمين وشمال...وعقدت حواجبي كي شفتهم جايين...يضحكوا وفرحانين...اكيد داو صفقة جديدة...مرات نحب نكون كيفهم...حياة بسيطة...نجاحات قدهم...حتى مشوارهم بدأ يتشكل...شفت في دين لي راحتلها البسمة كي شافتني...تبسمت وهدرت...
انا: ملك..
حلت يديها تحكي...
ملك: بيبي...
حليت يديا عنقتها...باستني على خدي...وحكات في ودني...
ملك: مليحة...
غمضت عينيا وحركتلها براصي ايه...
انتبهت بلي سكتت شوية...وعينيها عليه كي العادة...وحتى هو دائما منتبهلها...جمحمت نحكي...
انا: كليه خير...
ملك: ناكلو ولا نقعد عمرو ما راح اشوف جيهتي...رح نبقى دايما اليتيمة...لي شفقت عليها يماه...ودخلتها لدارها...
حطيت يدي على فمي نحكي...
انا: شششش...كلنا يتاما هنا...واش تشوفي فيا مثلا...
ملك: كفاه حتى جيتي لهنا...
دورت راصي شفت فدين...لي تشوف فينا ملبعيد...ومن عينيها فاهمتها...وفاهمة كرهها ليا...
انا: اوامر الدولة خاطيني انا...
ملك: هكاك ما جي غير بالعين الحمرة صدقتلك...(جملة سيهام الفترة هاذي)...
شفت فنايا لي جاية تجري عندي...بعدت على ملك ورفدتها...نجري ندغدفوا فيها...
ملك: علاه قاعدين هنا فالبرد...واش دايرين فالجاردا...
انا: احكي مادمازال نايا...
نايا: ما درت والو...
وحطت يدها على فمها...وتحرك في راصها...
تبسمت وعنقتها...وين شفت دين نضرتها...قساحت اكثر...وناضت دخلت لدار...
ملك: تعرفي بلي ما عندك حتى دخل في حكايتها...
انا: مالا علاه راي تحاسب فيا على الماضي لي ما عنديش فيه...
نفس: وقت وتولي طبيعية...
انا: شحال من وقت 5 سنبن وانا بعيدة عليها...
خلعني صوت آدم لي دخل فودني يحكي...
آدم: تعرفيها حقودة وقلبها قاسح...واش ديريلها...
دور راصو لدين يحكي...
- نقطعوها نون...
دارتلو براصها لالا...دورت راصي نحوس عليه بعينيا ما لقيتوش... حسيت بشعور غريب داخلي...تنهدت وحكيت..
انا: خلونا ندخلوا برد الحال...
وين لحق صوتها وهي تعيط علينا...
ماما حياة: حمدالله كاين وحدة عاقلة بينكم...هيا للدار...
ضحكنا كامل ودخلنا...
YOU ARE READING
انين الروح || Im Sorry
Romance• أنين الروح • Im sorry .. - كرونيك كاملة .. تكسر الروح ... ويختنق القلب... فهل يمكن للحب أن يكون... دواءً... لما افسده الزمن... ام أنه مجرد داء... يزيد الجرح شرخا... تعرض فتاة صغيرة التحرش في صغرها و عندما تكبر لا تدري كيف تتعامل مع عواقب سكوتها ت...
