انين الروح || Im Sorry

حلقة 13

ملك: نظن هدفنا واضح...نكتشفو مواهب جديدة...و نوسعوا اسمها فالسوق...
دين: خطوة مليحة لينا...وللمواهب لي رح تتعرف...
آدم: اكيد مش اي واحد تصحلو يخدم مع هاذا وعصبيتو...
يحكي و اشر على سيف...
شديت ضحكتي بسيف على الخزرة لي طلڨهالو...
آدم: الصراحة ما تصحلوش خير...
أنا: آدم...
مي قاطعتني...وهي تحكي...بعصبيتها المعروفة...ولي كلنا متعودين عليها...
دين: آااادمم...شوية جدية خدمة هاذي...
حمحم سيف يحكي..
سيف كيان: نظن حكينا فالمفيد موعدنا وقت يرجع علي من سفرتو...أفكاركم راجعتها...مي نظن لازم نحكوا عليها فالاجتماع الجاي...بشكل مفصل...بون جورني...
وحرك يدو بمعنى تفضلو...
ناضو كامل...حتى انا معاهم...مي وصط الدوامة هاذي ...ما علاباليش كفاه صابني...ولا كفاه...لحق احط يدو عليا...وعرفني من بين هاد الناس كامل...تفاصيل تخليني...كل يوم نتخلع منو...ونكرهو أكثر...وأكثر....هبطت راصي نشوف في يدو...يدو لي نترتها اول ما حسيت بيها...تبسم وقال...
وهاب: للطونوبيل...ما تجبرينيش..نستعمل معاك طرق اخرى... دورت راصي نشوف شكون شافنا...لقيتهم...كل واحد مشغول فحاجة...تنهدت براحة...وكملت نمشي بلا ما نودع حتى واحد...
اول ما وصلت لاسونسور غلقتها في وجهو...ودايرة حسابي بلي كي نخرج...راح نلقى رجالو عند وجهي...وصح غير حطيت رجلي برا الشركة...لقيتهم في وجهي...واحد من يميني ولاخر من يساري...
هو: آنسة نفس بلا ما تعاندي...أركبي فطونوبيل...
دورت نشوف فكامل الجهات...نتأكد بلي واحد ما راح اشوف...واش راح يصرا...مي اول ما جيت راح نحرك يدي...حبستني لعصا لي كانت بعيدة عليا بملمترات برك...قرب مني بخطوات...متوازنة...دقات قلبي زادت من الخوف لي حكمني...تبسم وقرب لودني...بعد ما زيرلي على يدي...
وهاب: أركبي نايا ماشي بين يديك دوكا...
حليت عينيا...نشوف فيه...نترتلو يدو...وبعدت عليه بخطوة...كي حسيت بيدو طالعة لشعري ركبت...ونسمع فيه يحكي...
وهاب: ما تنفع معاك غير القوة...
دورت راصي نشوف فالتاقة...لقيت سيف اشوف جيهتنا...يعن.. يعني شاف كلش...لا مستحيل يفهم...زعما فهم...حركت راصي ننفي فالفكرة...لالا...لالا...ذكريات الماضي رجعت...وكأني قاعدة نعيش فيها ليوم...هربت مني دمعة وتمتمت"7سنين" دورت نشوف فيه...قاعد مستقيم بلا ما يحكي...في عالم وحدو...وحش على هيأة انسان...واحد ما يعرف حقيقتو...غيري...أنا الوحيدة لي شفت حقيقة رجل الاعمال لكبير..."عبد الوهاب كريم" رمز القوة والمصداقية...دورت ليه نحكي...باستسلام... استسلام يمكن عمرو ما شافو عليا...
انا: واش حاب مني...
وهاب: نفس انتي أكثر وحدة تعرفيني فالدنيا...حتى انك حافضتني عن ظهر قلب...
انا: عمري سقسيتك علاه...مي ليوم لازم نسأل... علاه...علاه انا...علاه...علاه مش غيري...علاه مخليني تحت جناحك...وسيطرتك...علاااااه...
دور راصو بلا ما يجاوبني...تبسمت وحكيت...بعد ما مسحت دموعي...
انا: ما عندكش جواب...
وهاب: واش درتلك ابار اني ربيتك...حميتك وما خليت حتى واحد يقرب منك....
حليت عينيا فيه مصدومة...وتبسمت باستهزاء...
انا: ربيتني؟...حميتني؟...تحكي عليا أناااا؟؟...أنا نفس قدامك...ولا على اما عبد الوهاب...قاعد تحكي...
قربت منو اكثر نحكي...
انا: خليني نفكرك مالا...عبد الوهاب هو السواد...سواد السواد...هو الهلاك...هو الهلاك لي عماني ورماني...في عز النور ما نشوف والو...هو وحش... وحش عمري حبيتو...ولا عمري راح نحبوا...هاذي هي الحقيقة وأقعد دائما متفكرها...خاطر عمري ما راح نخليك تنساها...باابيي...نظن من سنين ما سمعتش هاد الكلمة مني...مي راح نرجعها... رح تخليك متفكر عمايلك...وكل حاجة درتها...
حط يدو على يدي...بعد ما فرينات الطونوبيل...وطحت عليه...
حط يدو على رقبتي وزير عليها...وقطع عليا النفس...عينيه من الخضر راحو لكحل...عينيه لي الناس اشوفوا فيها براءة...أنا نشوف فيها الموت...عبد الوهاب...قصة القرن...رجل الاعمال لي فقد بصرو...مي ما ستسلمش...عينيه كانوا مجرد ثمن...ثمن لجرائموا وظلاموا...تبسمت كي سمعتو يحكي....
وهاب: اخر مرة تحكي عليا...هكا...شوفي فيا مليح...وهاب ما يرحمش نفس...ابقاي بعيدة على البركان لي داخلي قد ما تقدري... والا راح تموتي...تموتي نفس...
حسيت...بدوخة في راصي...حطيت يدي على يدو نسيي...نجبدها...وتبسمت نحكي حروف يا دوب يتسمعوا مي متأكدة انو سمعها...وفهمها...ووصلتلو...بالطريقة لي أنا حابتها و اكثر...
انا: مش وقت موتي...خاطر موتك على يدي...وعد مني...
طلقني...حتى طحت على الأرض نسعل...دموعي على خدي... وتتعاود في راصي غير جملتي..."مش وقت موتي...خاطر موتك على يدي...وعد مني..."
وهاب: وصلنا لمسيد نايا...
حطيت البخاخة على فمي...نرد فالنفس...بيها...ونضت..مسحت دموعي...حسيت على الراجل كي حل باب الطونوبيل...
هو: تفضلي آنسة نفس...
حركت راصي بايه...وخرجت...خبطتني نسمة لهواء...حسيت وكأني تحررت منو...نشوف فالدراري الصغار يلعبوا في كل جيهة... فرحانين هانيين...براءة...براءتهم في تصرفاتهم لعبهم ضحكهم... حتى مضارباتهم...حبطت الدروج كل همي اني نشوفها....واول ما شفتها سڨمت شعري...ضحكت وقربت مني تجري...تعيط وتسوطي...
نايا: نونووووو...نونووو نونووو...
تبسمت وحبطت للأرض...حليتلها يديا...حضني مفتوح ليها وحدها...هي أملي وانا نورها...النور لي راح يضويلها طريقها... عمري ما راح نخليها نفس قدري...تبسمت وقت دخلت بين ضلوعي...حضنتها بأقوى ما عندي...هربت مني دمعة سخونة...مي مسحتها قبل ما تشوفها...قابلتني بوجها تشوف فيا...وتحكي...
نايا: نونووو ديت 10...
تبمت وسڨمتلها شعرها...
انا: برافوو برانسس...براافووو...
قربت منها بستها...مي اول ما بعدت راحت ضحكتها...حركت راصي لفوق بمعنى وشنو...
قربت مني حضنتني تحكي...
نايا: نونو البرد عليك...علاه مكيس لابسة مونتو...
حبست نشوف في روحي...وكأني نحب نتأكد من هدرتها... ومن صدمتي...ما عرفتش واش نجاوبها...مي صوتو لي جاء مورايا زادني صدمة على صدمة...دورت نشوف فيه حايرة...وحتى هدرتو خلاتني حالة فمي وساكتة..."نونو كانت معايا"...