الحلقة8:
سيف يحكي: (كيان)
قاعد فالطونوبيل...نسمع في صوت نفسي...نخمم بيني وبين الماضي...حليت عينيا...نشوف فالسماء...والجو لي مڨلبين...ولبحر لي مهول...دورت راصي نشوف فيه واقف...عند باب الريستو تاعو تبسمت وحبطت...ونسمع فيه يحكي...
عمي صالح: اذا على بلاصتك محكومة اليوم...
قربت سلمت على راصو...
انا: الظاهر حوريتك ولات...
عمي صالح: هي ضايعة من سنين...وواحد ما قدر ارجعها...
حركت روحي...نمشي موراه...حتى سمعت صوتها مورايا...
لوجي: سيييف...
دورت راصي نشوف فيها...
عمي الصالح: هاي راح تولي طبيبة القزمة...
حركتلها براصي صحا...جات عندي ترددت بين انها تسلم عليا... ولا تعنفني...رميتلها يدي خمست معاها وعاوت جبدتها...
لوجي: سافا؟!
عاودت نفس الحركة...نقصد بيها حمد لله...وكملت طريقي...خرجت للتيراس...نسمع في صوت الموج...وكأنو يغني في ودني...جبدت كرسي وقدت...ونشوف فيه قعد مقابلني...
عمي الصالح: كفاه جابتك الرياح ليا مرة وحدخرا...
انا: ريحت هاذ لبلاصة ولي فيها...
عمي صالح: تكذب...همومك لي جابوك...روحك معذبها...وشاويها ومش هاذي هي لبلاصة لي راح...تقدر تردلك الروح...
انا: روحي مفقودة من سنين عمي...
عمي صالح: نتيجة طيشك وتسرعك...كلش ذاب فالماء...
أنا: تقصد تحرق وولا رماد...
عمي الصالح: تعرف الفرق بينك و بين الحورية...وعلاش نفضلها عليك...
تكيت روحي للور نحب نفهم حديثو...
- الفرق بين الماء...يقدر يولي جليد...مي رماد عمرو ما يرجع حطب...
حطيت يدي على الطالبة بهدوء...
انا: أما أنا حرقت وما تحرقتش...
عمي صالح: انك تربح مش معناها ماكش مشوي...دير فبالك انو ميداك الرابح الاكبر فنفس الوقت...هو أكبر خاسر...
تبسمت على احكامو...وهديت روحي...من كمية الذكريات لي رجعتلي...
انا: مش صار الوقت تعرفني عليها...فالنهاية...هي أكبر منافسة ليا... ضحك ضحكتو تاع العادة يحكي...
عمي الصالح: تعرف علاه سميتها الحورية...
كملت مركز معاه...بطريقة غريبة بلا ما نعرف السبب...
- خاطر حتى هي كيفك ملي كانت صغيرة...وهي تجي لهنا مع باباها...روحها لحلوة لي كانت تحطها بيناتنا...وباباها كان ديما يعاوني كيفكم...هاد لبلاصة...وهاذ الطابلة...كانت أعز بلاصة ليها... ملي جي وهي تلعب فيها...مرة كنا فالكوزينة...الطلبات كثروا علينا ونسيناها...فجأة سمعنا صوت حاجة طاحت فالماء...رحنا ليها نجرو نلقاوها تعافر فالماء...وكي جبدوها...قعدت ترعش...
وكي جبدوها...قعدت ترعش...كي الفلوس...البردان...وخاطر ضحكنا عليها...زعفت...وقعدت سوايع ما تحكيش معانا...ومن وقتها ولات الحورية فنضري...هي رغم برودها و حزنها تخلي الناس تفرح...
أنا: والله وداتلي بلاصتي يا معلم...
عمي الصالح: نتوما الزوج بذات مكانتكم خاصة عندي...
قاطعتني لوجي كي حطت السحونة قدامي...
ديقت عينيا نحكي...
أنا: ما طلبت والو...
لوجي: أوامر الرئيس...أنا ما عنديش دخل...
هزيتلها براصي...وخليتها راحت...
دورت راصي نشوف فالماكلة...كلها أطباقي المفضلة...
تبسم يحكي...
عمي الصالح: من زهرك هي طيبت المونو لقديم اليوم...
قربت رفدت لمغرفة نفس المذاق...كفاه لحقت تولي بنفس براعتو...شاف فيا وهو يتبنن...
عمي صالح: اول مرة علمتها ترفد الموس...كان عمرها 5 سنين...
تكيت على الكرسي نحكي...
انا: لي يشوفك هنا ما يقولش بلي انت جلالة رجل الاعمال... صالح الصادق...
تبدل وجهو كيما كل مرة نفتحلو هاد السوجي...
عمي صالح: خلي الصادق فالماضي وليدي...
حركت راصي...ودورت نشوف من جيهة لبحر...ونخمم...رحت بعيد بأفكاري... لبلاصة...أنا قررت ندمرها بيدي...جزء أنا لي عفست عليه وخليتو...حرقتو ورديتو رماد...يمكن واحد ما يعرف هاذ الجزء... مي راح يبقى أجمل ذكرى فحياتي...
أنت تقرأ
انين الروح || Im Sorry
Romance• أنين الروح • Im sorry .. - كرونيك كاملة .. تكسر الروح ... ويختنق القلب... فهل يمكن للحب أن يكون... دواءً... لما افسده الزمن... ام أنه مجرد داء... يزيد الجرح شرخا... تعرض فتاة صغيرة التحرش في صغرها و عندما تكبر لا تدري كيف تتعامل مع عواقب سكوتها ت...
