انين الروح || Im Sorry

حلقة 22

الحلقة22:
حطيت البخاخة على فمي...محاولة مني باش نرجع نفسي...موراها حطيت يدي على قلبي وتمتمت..."شششش تحمل"...ومشيت جيهة الباب الخلفي...أكيد حالتي مزرية...ومش حابتهم اشوفوني بيها... واول ما وصلت حليت الباب ودخلت...تنهدت وتكيت عليه...نشوف فالساعة...ال7 تع لعشية...تبسمت وطلعت للبيت نجري...اول ما دخلت لقيت نايا تلعب وملك مكسلة تخرب فتيليفونها...دخلت نجري...للدريسينڨ...قبل ما تلحقني...عدلت شعري...ولبست...تريكو كول غولي...و سويت تشبه للي داها...سمعت صوت تيليفوني... قريت الميساج لي جاني من عندو..."أن رائحتك لبقصة ٱخرى"... تنهدت وحطيت التيليفون جيهة قلبي...وشديت سنسلتي...بعدها طليت على كفاه مسميتو...والتصويرة لي حاطتهالو...ضحكت... وسڨمت واش خربت...وأول ما حليت الباب لقيتها عند وجهي...
ملك: شبيك...
انا: ؛واش؟؟..
ملك: بدلتي حوايجك...وجهك مشرق...مالغري عيانة شوية...عينيك فيهم لمعة من عام فرونسا لول ما شفتهاش...
دورت راصي...كي خربطتلي مشاعري...فرحتي بقات مي فنفس الوقت اشتاحتني ذكريات...حسيت بيها كي حضنتني...تحكي...
ملك: سامحيني...
انا: ششش ما صرا والو...جوست صحبتك صندوق ذكريات...
ملك: وكاتم تاني...
تبسمت كي تفكرت بوستو ونفس الكلمة لي قالها "صندوقي الكاتم"
ملك: ششش والله صح وين رحتي...
انا: هنا برك...شفت واش دارو...
ملك: واو...اصلا سيف كل ما يحط في يدو حاجة...ما نحكيش...
تبسمت...وقربت من نايا رفدتها...نحكي...
انا: نون عندك سوربريز...
نايا: ثح...
حركت ملك راصها وانا تاني...
ملك: أنا نسبق...الحقي نتي ونونو...اوكي...
دارتلها براصها ايه وشافت فيا...
نايا: نونو...حبك...
تبسمت وبستها...وانا اكثر...مي الكادو مش أنا درتو...سيف...وكامل العايلة...
حبطت من عندي تجري...وخرجت من الييت...لحقتها وانا مش فاهمة وين رايحة...ولا فاهمة علاه حلت باب البيت لي قدام بيتنا...مي كي سمعت زعقتها وصوتو فهمت...تبسمت وقربت منهم...واول ما وصلت لباب لبيت يبست في بلاصتي من المنظر... عظلاتو وجسموا المنحوتين...حتى المنشفة لي كان لافها على خصرو (نظن فاهمين علاه دوش) تبسم كي شافني...وهو يحكي مع نايا...وهي مش سامعة اصلا كل لي يهمها تحكي معاه...حتى هو فرحان ويجبد في حوايجوا...تبسم وشاف فيا...
سيف: نايا هاذا ولا هاذا...
نايا: فيزوج كحولة...وانا اصلا نونو تلبسني...ثقثيها...
شاف فيا وغمزني...
سيف: أما نونو...
تبسمت...وشفت فنايا...وين جات عندي تجري...وصيتها على وش حبيت...وخليتها راحت جابتهم...حطتهم فوق السرير...وخرجت تجري...ما بدلتلوش ذوقو أصل حبيت الاسود عليه...وعمري حبيت نبدلو...سيف بالنسبة ليا تمثال...كل ما كان بعيد كل ما كان احلى... ما فقتش كفاه حتى لقيتو قدامي...تبسم وحكى...
سيف: سلعتي معروضة عليك في أي لحظة يكفي تقولي ايه...
شفت فيه ملفوق للتحت...وعطيتو بدهري...مي يدو لي دارت على رقبتي وردتني عندو...ودتني لنفس نقطة من نص ساعة...شفافنا ملتاحمين...بعد وقت تبسم...يحكي...
سيف: صدري...مش ورقة المسودة تاعك ترسمي عليه كيما تحبي...
حبطت عينيا لسدرو...لقيتو روحي مخبشتو...شفت فيه حاشمة... تبسم...وكان راح ابوسني مي بعدت عليه...
انا: ولا شفافي...ورقبتي...
خرجت من البيت نجري...قبل ما يلحقني...مش فاهمة كفاه وليت معاه هكا...في أقل من 24 ساعة...لي يشوفني...ما يقولش الصباح كنت نبكي...مي سيف...خلاني نتصرف معاه على طبيعتي...سيف خلا مشاعري تتمرد بلا ما نحس...هو روحي وكيفو كيف نايا... مي راح نختفي من حياتو كيما دخلتلها...مش مستعدة...نشوف عينيه بعد ما يعرف الحقيقة...سيف حلم كيما كان البارح...وكيما هو اليوم...وكيما راح يبقى ديما..

قربت من نايا...لي لقيتها تلعب مع جوجو...لي حتى هو ما نساوهش وخلاوه جزء من فرحتها اليوم...غير شافني جاء عندي يجري...يسوطي حابني نرفدو متوحشني...تبسمت ولعبت معاه شوية...حتى فرح هو ونايا اكثر...نايا لي كيما العادة تغير منو...حبست كي حسيت بخطواتو...طابس وقرب منو...وحتى حرت كي لعب معاه...وهو موالف ما يحبش...الناس لغريبة عليه...رفد نايا ولحقتو...لبسها مونتوها...وعطاني موننويا...مي هو كان خرج هكاك...حبستو بهدرتي...
انا: سيف البرد...
قرصني من خشمي (نيفي) وتبسم...
سيف: متعود...
شفت فيه وتنهدت...غير خرجنا...الكل ناض اغني... Happy birthday naya...شافت فيا وحمارت من الحشمة...وغطست في رقبة سيف...لي شاف فيا...تبسمت و خليتهم مش خايفة عليها منو...وجودو احسسني بالامان...قربنا من الطابلة...وقعد كل واحد في بلاصتو...جوزت عينيا عليهم...فرحانين...يضحكوا...وآدم يهبل في دين كي عادتو...ملك حاشمة من علي...وهو داير روحو مش فايق بيها...أما سيف فلاتي مع نايا لي حباتو...وهبلاتو...تبسمت مع ماما حياة كي شفتها تشوف فيهم...وهزيتلها راصي...تبسمت وحكات لدرجة انو كامل لي فوق الطابلة سكتو...
ماما حياة: سيف وليدي...
طلع راصو شاف فيها...وضحك...
سيف: انعم حيوت...
ماما حياة: لالة عليا...من  سنين ما شفناها...وقتاش ناوية ترجع...
حسيت بيدو لي تزيرت...تنهدت وحطيت يدي عليها...صح رح نخرج من حياتو...مي الحاجة لي نقدر نقدمهالو مستحيل نبخلو عليها...يمكن واحد ما راح يفهم هدرتي...مي علاقتي بيه طول عمرها كانت غريبة...بين مد وجزر...تجاهل و وجع...زير على يدي أكثر وجاوبها...
سيف: نحكي معاها ونقلك حيوت...
دار شاف فيا...وغمزلي...ضحكتلو وجيت راح نجبد يدي منو...ما خلانيش...وين حتى نايا حطت يدها فوق يدنا...
ماما حياة: هيا جيبو لاتارت...
اول ما قالت هاد الجملة حسيت بتيليفوني فيبرا في جيبي...حليت عينيا وانا نشوف بلي الرسالة من دين...طلعت عينيا عينيا نشوف فيها...وانا نقرا في هدرتها..."ما تفرحيش بلا تارت والحفلة...راح نخليك تتفكري ذنبك كل ما شفتي فيا...يا أنتيمتي"...شفتها كي تبسمت...ودورت راصها...تنهدت مي غير سمعت صوت الخطوات...فهمت واش قصدها...فهمت بلي هي فاهمة...وعازمة أنها تزعجني...على حاجة أنا ما عنديش ذنب فيها...تبسمت وحركت راصي بصحة...ورديت..."اذا راح تفيدك و تنقس كحولية قلبك...مرحبا"...