انين الروح || Im Sorry

حلقة 29

انو يكون عندي اخ كيما ماهر حاجة كبيرة بالنسبة ليا...مي قلبي ديما يقلي بلي ما نستحقوش...وبلي انا خاينة عضت اليد لي دعمتها وقواتها...حبست تقطاع لخظرة...وانا نشوف فيهم...اعاونوا فيا...ادمانهم على ماكلتي كبير...يديروا كلش باش ياكلوها...نشوف في ماهر ودين... عايشين في عالمهم...دايرين موسيقى هادية وقاعدين...حتى قربت مني ملك...
ملك: بسسست...
دورت شقت فيها حايرة واش بيها...
ملك: يعني واش فيها كان جينا كيما هوما...
تنهدت وحركتلها راصي...بمعنى انساي...ضحكت وضربتني...
ملك: زين وطاي...ومزال ما درتي والو...شوفي الزرودية قدامك...داية سلعة حرة...
تبسمت وكملت نقطع...
ملك: بففف ديما ساكتة احكي...اضحكي...افرحي عيشي...يا بنتي...
بعدت منها بلا ما نجاوب...حطيت الخظرة فوق المقلة...مور ما سخنتها شوية وكان فيها شوية زبدة...زدت شوية ملح...وخليتها تدبال...مع شوية بصل... حركتها ونحيت السباڨيتي...وحطيتها ملفوق...بلا ما ننسي بلي درت شوية فيونداشي...تبسمت ورفدت السحونة ديتهم معايا للجاردا...رغم البرد والثلج...مي حبوا ياكلوا هنا...
شوية وقت وكملنا... دورت راصي عليهم وتبسمت...انا نكونوا مجموعين هكذا والفرحة...باينة من عينيهم...لحظات حلوة بالنسبة ليا...الغيرة لي بين ملك ودين...المناوشات لي بين ماهر ودين...وحتى المشاعر لي بيناتهم حلوة...رغم لي هوما بعاد على بعضاهم...حبهم كبير وقوي...وتغلب على بزاف صعاب...وقفت فوق الحجرة لي كانت فالجاردا نشوف فالسماء...رغم لي الثلج والبرد...مي كانت صافية والنجوم فيها تلمع...وهذا شيء نادر عنا... تنهدت وتمنيت نعيط...نعيط بأقوى ما عندي...مي دين لي وقفت قدامي...خلاتني نتخلع ونشوف فيها...وتبسمت... وعيطت بلا ما تخمم حتى ثانية واحدة....
دين: ماااااااااهههههرر...
شفنا فيها كامل...اما هو قرب غير بالشوية ليها...وقبل ما يوصل. .عيطت بأقوى ما عندها...
دين: نحححححبببك وعمممررك تخرججج منييي...
شفت فيها مستغربة من قوتها...قوتها انها قالت ببساطة لي كاين داخلها...مش كيفي هي...انا لي داخلي ثقيل...وحملوا اثقل...شفت فماهر لي رفدها ودار بيها في لحظة وحدة... وهي عنقتو بأقوى ما عندها...الثقة بيناتهم واضحة...واضحة لدرجة الاعمى ويشوفها...حسيت بيد ملك لي تحطت على كتفي وتبسمت...حليت فيها عينيا...كي فهمت واش حابة دير...قربت مني وفاتتني... وشافت فلقمر وضحكت...
ملك: علييييي....ياااا حمااار...ياااا اعمى...
شافت فيا...وضحكت بحزن...مديتلها يدي...وهي شدتها تجري...وكأنو يدي كانت قوة بالنسبة ليها...وعيطت مرة أخرى وماهر...ودين معنقين بعضاهم ويشوفوا...
ملك: امااا هكاااك ونحبككك...ستنييييتك...نستناااك...وراح نستناااااك...وعمرييي ننساكك...
ونقصت من صوتها..."رغم انك عمرك ما شفتني"....
تبسمت وشفت فيها...مور ما حضنتها...نعرفها ونعرف شحال...حساسة في موضوعها مع علي...علي حُبها من سنين...وسنين وهي رافدتو في قلبها...سنين وهي تتعذب بصمت...هاذي هي ملك...روحي ونصفي الثاني...أكثر وحدة نرتاحلها....هي اختي...ومستحيل نعيش بلا بيها...مي الزمان خلاني...نخبي عليها...اهم سر في حياتي...بعدت عليها شوية وحكيت...
انا: u knew that i love u right...
تبسمت وباستني...عنقتها اكثر...على أمل انو تخلي عندي شوية من همومها...نعرفها ما تحكيش...ومش راح تحكي...سمعت دين لي تعيط من لهيك...وماهر شادها...مش راضي يطلقها...
دين: احمدوا ربي...اني شفتو اليوم...سينو كان راني...خرجت هاد التعنيقة من عينيكم...وقولوا دين ما قالتش...
فجأة سكتت...خاطر ماهر حرمها من انها تكمل باقي الحروف...وقطعها ببوسة خلاتها تسكت...وما يبانش حسها...ناضت تعيط ملك...
ملك: اوهوووه...جاء لي يقدرلك...
بعد عليها شوية...وكانو فحالة غريبة عمري...شفتهم عليها...نوع من الهدوء...مي دين وعاداتها....بلا حشمة...عاودت غطست فيه...وهذا لي خلاني نضحك...
ملك: هاا...كلاتو المخلوق...
انا: ششش...هيا نروحوا...
ملك: بففف والله عجبني الحال هنا...
تبسمت وشديتلها يدها...
انا: عندي واحد احسن...حتى انك راح طيري من الفرحة...
مشينة فلجنينة...ناسيين ماهر ودين...مخليينهم في عالمهم...اما انا فكان همي...ملك متوحشتها...ومتوحشة نحكيلها...صاحبتي...لي كانت رافدة همي...ولي قاسمت معايا...اهم نقاط حياتي...قربت من الباب... وقريت لي مكتوب عليه...بهمس...وملك معايا..."cette porte est magique c là où tu va te retrouver c là où tu vas trouver ta réalité"...تبسمت وجبدت المفتاح...وحليت...تفتح الضوء غير دخلنا...وبانت بيت معمرة تصاور...ومعلقين في كل جيهة... تصاور ملك ودين ماهر ماما بابا...خالتي...الكل هنا موجود...
ملك: بيت واش هاذي...
تبسمت وبعدت عليها...نتفقد في كنزي...
انا: كنزي...أحلامي...حياتي...
ملك: تتمسخري...هادو تصاورنا...
تمشي وتعدي يديها عليهم...
ملك: مي علقتيهم بطريقة تسحر والله...
شافت فيا شوفة غريبة...
ملك: ما كنتش علابالي بلي عندك موهبة تصوير...
حركت كتافي بمعرف...ورفدت وحدة من لي كاميرا صورتها...وهي تضحك...
انا: merci pour le souvenir...
ملك: بلا مزية...
بعدت عليها....وحليت الباب الثاني...باش نخدمها...بيت معمرة دي برودوي...خرجت الفوتو ونقعتها فالماء...بلعقل وبهدوء...وغير حسيت بملك حكيت...
انا: بالاكي تمسي...ملك تتحرق يدك...
ضحكت وحركت راصها...وتمشي ودور...حتى غاب حسها...ستغربت...
انا: وين راح حسك....
نحيت التصويرة ودخلتها فالماء بانت...وعلقتها...
دورت ليها لقيتها رافدة...مجموعة تصاور وتشوف...وقفت قدامها نشوف في تصويرتو بين يديها...شافت فيا...وحكات...
ملك: شكون هذا نفس...