تفكرت شريط عبد الوهاب وهو يحكي...نفس الكلمات ونفس الدوامة في راصي...نفس لكلام يتعاود...كل كلمة حرف حرف... تدور في راصي...صوتو كلي راهو فالبيت معايا...دورت راصي نحوس منا ولا منا ناسية بلي هذا وهم...قلبي زادت دقاتو...خوفي خلاني نتكمش اكثر...صوتو رجع وهو يحكي وكأنوا يغني...نفس دقات الساعة...تدور وتدور في راصي..."ناافااس"..."انا جيت"..."وهاب جاء"... "شششش ما تبكيش"..."خايفة مني"... "وجعتك"..."كرهتيني"...حطيت يدي على ودني اكثر...ونحكي بهستيرية...خلاااص...خلاااص...اسكت...اسكت...اسكت...اسكت... اسكت...اكست.... خلاص...خلاص...خلاص...حطيت يدي على صدري نبعد في يديه مني...حطيت يدي على فخدي...وشعري... وكل شبر من جسمي...كل بلاصة جازت يدو عليها...كبرت وأنا عايفتها....ونحسها ناجسة...نحيت التريكو...وحطيت ظفاري على صدري...وجرحت روحي...ونتمتم..."هذا الصدر لي حبيتو...هذا ×××× لي كنت ×××"...انا راح نمحي اي حاجة تذكرني... بيك... تبسمت اكثر وبانت ابتسامتي عريضة...رفدت مقص...وكنت راح نجرح روحي... "حتى وجهي مش راح يبقالو اثر"...واول ما جيت راح نظرب روحي... حسيت بيدو...لي خلات جسمي يتكهرب...ما فهمتش كفاه دخل... ولا كفاه...وصل عندي...جوزت عينيا عليه... مخلوع عينيه حمورة...شفت فيه وتبسمت نحكي...(كانت كي شغل مزطولة ولا شاربة)
انا: علاه مش راضي تخليني...يا خي حياتي وانا حرة فيها... ففف خنقتني...خناااقتووونيييي....اخطوني...هنوني...بعدونيي...
حط يدو على خصري...وقرصني...وحكى بكل هدوء...
سيف: شششش فالدار ونتفاهموا نفس...
كان يحكي...عكس وش حاسة كي نمسو...دمو فاير وفأي لحظة ينفجر عليا...ضحكت وانا بين يديه...وهو رافدني...الكل يشوف فيا حاير...مي هاذي هي بلاصتي الحقيقي...مي نفس هاذي مش موالفة تخرجش قدام الناس...مي ملي رجعت هنا...كلش زاد...وردود افعالي وليت ما نقدرش نتحكم فنوباتي...دورت عيني على نايا وعلى كل واحد فيهم...حسيت بفشلة غريبة...وحطيت راصي على صدرو...وتبسمت كي كفر عليا...
سيف: نفس اركحي نعل ×××××...
غمضت عينيا...هاربة من انو راح اسقسيني...على الماضي...وعلى حاجة كل ما نتفكرها...نحب نموت...ولا تنشق الارض...وتبلعني...
ووليت للوور سنين طويلة جازت...مي هادوك ليام عمري ننساها...
Flash back 🥀
[[الدنيا ربيع...مي كان البرد...السماء زرقة...الطيور طايرة في كل بلاصة...زقزقتها دايرة حالة...حطيت يدي على قلبي وحسبت... واحد...زوج...ثلاثة...تبسمت كي زادت دقاتو...كي لمحوه عينيا... اصلا حس بيه اول ما دخل للجاردا لي كنت فيه...كلبو يمشي قبلو وهو يمشي بوهرتو...رغم لي لابس سورفات وعندو رجل مكسرة... مالغري البرد ما زايد والو فوق جسمو...شعرو مشمخ وطايح على جبهتو...ورما ثقلو على الكرسي لي مقابلني...وتكى راصو للور... غمضت عينيا مرة أخرى نحس بالنسمة على وجهي...وفرحت كي طار شعري شوية...حليت عينيا لقيتو مركز معايا...مش اول مرة... ما نعرفش اسمو...مي تعودت نشوفو هنا...مرات نبكي..مرات نضحك...مرات نرسم...ومرات نلعب مع جوجو...وهو كان حاضر على هاذو اللحضات كامل...دورت راصي نشوف فالشجرة... لي دائما نكتب عليها...رفدت حجرة ورحت كي العادة...قريت لي عليها كامل..."اذهبي ايتها الحروف...وعبري عن ما بداخلي"..."الحقيقة تعاش فهي جزء من الماضي...تروي عن حاظرنا...وتحدد مستقبلنا"...تبسمت كتبت جملة أخرى...تبسمت وانا نقرى فيها... مي الصوت لي قراها معايا خلاني...نجمد...دقات قلبي قوات... وبدون سبب حشمت..."لن يكون لحلقة الضياع...مكان في حاضري...بل ستبقى سما قاتلا...ضائع في الا مكان"...
تبسم كي شافني جامدة قدامي...وحكى...
سيف: بونجور...
دورت راصي نشوف بلاك يحكي مع واحد غيري...مي تنهدت كي لقيت روحي وحدي...
تبسم وقال...
سيف: ما تهدريش...
حركت براصي لالا...تبسم...وحكى..
سيف: انا سيف...ونتي...
بقيت نشوف في يدو...وحطيت يدي عليها...وين زير عليها اكثر...
انا:ن...نفس...
سيف: يعني اكسجين...
انا: كفاش...
تبسم وجبد روحو عليا...مالغري دائما مقابلني مي كانت أول مرة نشوفوا يضحك...بالعادة ديما منرفز...يحكي فالتليفون...ولا يتضارب مع رجالو...
صونات الساعة لي فيدي...وقت رجوعي للدار...تبسمت وحكيت...
انا: سامحني...وقت رجوعي...
ورحت نجري كي عادتي...اصلا بقائي هنا...كان مور ما درت سبور... جوست باش نجوز وقت...
تبسم وعلا في صوتو..
سيف: نتشاوفو سندريلا...
تبسمت...وزدت فالفيتاس...فرحانة خاطر حكى معايا لاول مرة... واهم من هكا...دزيري كيفي كيفو...وصلت للدار وحليت الباب... كيما خليتها...كلش مرتب وفي بلاصتو...صونا تيليفوني مع تكونيكتا...نسمع في صوتهم فرحانين...ومجتامعين...
بابا: نفس بنوتي سافا...
انا:سالو بابا سافا...توحشتك...
أنت تقرأ
انين الروح || Im Sorry
Romance• أنين الروح • Im sorry .. - كرونيك كاملة .. تكسر الروح ... ويختنق القلب... فهل يمكن للحب أن يكون... دواءً... لما افسده الزمن... ام أنه مجرد داء... يزيد الجرح شرخا... تعرض فتاة صغيرة التحرش في صغرها و عندما تكبر لا تدري كيف تتعامل مع عواقب سكوتها ت...
