دخلت ونحيت المونتو...عاونت نايا نحاتو...وهي فرحانة بالزينة لي دايرينها...شفت فماما حياة...هزتلي براصها لالا...حتى حكمني ادم...
آدم: والله الشركاء...علي خويا...وصاحبو هذاك...
انا: سيف؟؟!.
دين: علاه تحسابلك كامل الناس كيفك...
شفت فيها وطنشتها...
انا: ماما حياة...طالعة للبيت لي موالفة نبدل فيها...
حبستني تحكي...
ماما حياة: بيتك نفس بيتكم...كل واحد هنا عندو بيتو حتى وهذي مش داري ولا حتى دار وليدي...مي لي فيها كامل اخضني حتى عبادها...
حرت من هدرتها مي ما هتميتش بزااف...اصلا ملي رحت لفرونسا ووليت بزاف حوايج تبدلوا...وكي وليت لقيتهم دايرين روتين بيناتهم...لدرجة اني نحس روحي دخيلة بيناتهم...رغم حنانهم وحبهم ليا...شديت نايا و طلعت الدروج وحدة وحدة...حتى وصلت لآخر طابق...ملي وليت وهاذي هي بيتي...و فالكولوار ما كاين غير زوج بيوت...اصلا ڨرونيي وستيلها كيما نحبوا بالضبط...تبسمت كي شفت نايا حلت الباب ودخلت تجري...حليت الدريسينڨ...مرتب وكل قطعة نسيتها...مغسولة ومخبيتها هنا...هاذ البيت نحس بالامان فيها...حتى الحب والدفء فيها...عكس البيت لي فالقصر... دوشت وبدلت لنايا...وزدت دوشت حتى انا وبدلت لروحي...سمعت طبطيب الباب...لقيتها ملك...
ملك: هاي برينساسات...
تبسم كي شفتها عنقت نايا...ودغدغ فيها...اصلا هاذي نقطة ضعفها...
ملك: ممنوع نايا تخرج منا...ونتي احبطي شوفي...
ديقت عينيا نحب نفهم...دارتلي براصها معرف...تبسمت وهبطت... حرت مي ما لقيت حتى واحد...خرجت للجاردا...لقيتهم كامل مجتمعين...على باربكيو...غير هو مش موجود...كلش كيما تحبوا نايا خصوصا الحوت...لغريبة انو ريحتو تشبه...لي موالف أنا نديرو...لي تعلمتو عند عمي صالح...وقف قدامي علي وقال...
علي: واش رايك...
انا: واو...كفاه قدرتو ديرو...هاذا كامل وحدكم...
علي: اااا...وحدنا نو...وحدو...
دورت راصي نشوف فيه...جايب لا تارت..وأهم حاجة...انها على شكل Elsa la reine des neiges...وقفت مصمرة في بلاصتي نسمع في ماما حياة...
ماما حياة: الراجل تع الصح ما يهربش من الكوزينة...وليدي لعزيز لازم نزوجك...ونتهنى عليك...
تبسم وسلملها على راصها وشاف في علي...
سيف: تعلم شريك...
ومرة أخرى غمزني...
حط علي يدو على كتفي...
علي: ربي معاك نفس...راحت فيك..
شفت فيه مستغربة وضربتو...
لي محيرني انو هاذي اول مرة نشوفوا هنا..
لي محيرني انو هاذي اول مرة نشوفوا هنا...كنت نعرف بلي قريب منهم...وديما نتجنب نكون معاه...برا الشركة...دائما نعتذر من ماما حياة على دعواتها...ما نحبش نشوفوا...الشعور لي يحكمني...وانا قدامو يا لوكان بعيدة عليه...حرقة قلبي لبنينة...وحتى الرجفة لي فكرشي...وفي كامل جسمي...تخليني نحب نهرب منو..تنهدت وقربت منو...كي شفتو وحدو...يتكيف ويشوف...من جيهة المدينة...حنا هنا في بلاصة عالية...وكلش ابان من الجاردا...حتى لبحر...جوزت عينيا عليه...كي العادة...تريكوه لكحل لي مفصل كامل جسمو...يدو في جيبو...وريكتو دائرة حالة...دورت راصي لاحظت بلي مشيت بزااف...وولينا بعاد عليهم...يادوب ابان الضوء...لي حاطينو لتما...خلعني صوتو كي حكى...
سيف: لوقتاش تبقاي ورايا...
دورت راصي لقيتو مزالو عاطيني بظهرو...لغريبة اني حسيتو انسان وحدوخر...كلي مش نفس الانسان...لي كان رافد لاتارت قبل شوية...كلي انسان وحدوخر...هاديء غامض...قربت منو...وقفت موازية ليه سواسوا...تبسم وكمل يتكيف...
انا: شبيك...
سيف: والو...بالعادة تهربي مني...
تبسمت كيفو...
انا: جيت نشكرك...على واش درت لنايا ليوم...
سيف: واجب بالنهاية كانت قادرة تكون بنتي...
وغمزني...ومرة اخرى...حسيت الدم فار في عروقي...ووجع كرشي زاد...شاف فيا ملفوق للتحت...مي ما هتميتش...وحكيت...
انا: بيجاما عادي...
سيف: حتى هكا ومغرية...
دورت راصي شفت فيه...مي هو ما هتمليش وكمل اشوف فلبحر... صح بعيد مي ريحتو واصلة...النجوم بانت...عكس ليام لي فاتو..
YOU ARE READING
انين الروح || Im Sorry
Romance• أنين الروح • Im sorry .. - كرونيك كاملة .. تكسر الروح ... ويختنق القلب... فهل يمكن للحب أن يكون... دواءً... لما افسده الزمن... ام أنه مجرد داء... يزيد الجرح شرخا... تعرض فتاة صغيرة التحرش في صغرها و عندما تكبر لا تدري كيف تتعامل مع عواقب سكوتها ت...
