انين الروح || Im Sorry

حلقة 15

قاعدة فالطونوبيل...ونشوف فيه واقف مقابل لبحر...من الطريقة لي صاڨ بيها...فهمت اني مستحيل نقدر نتخلص منو اليوم...تنهدت وحبطت...صوت الموج داير حالة...انغامو واصلة... لبلاصة خالية...فيها غير حنا...تنهدت وقربت منو خطوة خطوة... وقبل ما نوصل...ضربتني ريحتو كي العادة...هودوؤو خوفني...ما علاباليش علاه خايفة...مي مش حابتو يعرف الحقيقة لا هو ولا غيرو...مي اول ما وقفت قدامو سمعت كلامو وانا ساكتة...
سيف: جملة في كل كتاب تقرايه و في كل فيلم تشوفيه...راح تسمعي انو لبحر حامل هموم الناس...
شاف فيا...وتبسم باستهزاء...
سيف: مي لي داخلك انتي اكبر من انو يتقبلوا بحر ولا انسان...لي داخل اخليك خايفة طول الوقت...لي داخلك سر أكبر من لي نقدر نتصورو بعقلي...قلبك واش مخبي نفس...
طاحوا دموعي وانا نشوف فيه بلا ما نحس...عطاني بظهرو وكمل يحكي...
سيف: ونفس لبحر علمني نفهم الناس...وحكالي عليهم...نفس لبحر كبرني...وكان في مقام بابا وامي...الراجل لي قدامك بدأ من الصفر...الراجل لي قدامك تحدى...وقوا من روحو...حتى ركب اسم سيف كيان عمران...رجل أعمال...الفكرة عمرها كانت في بالي...
انا: مي وصلت...
سيف: بعد ما خاطرت...وطحت وأهم حاجة نحيت الخوف...قويت ووقفت على رجلي...حتى اني خسرت...
تبسمت وقربت للبحر بخطوة...وين ضربتني نسمتو...مع الموجة...
انا: أنا مش كيفك...وعمري راح نكون كيفك...
سيف: واش لي يمنعك...
انا: عمرك راح تفهم...
سيف: مش نتي لي تحكمي...
انا: سري اكبر من انو يتسمى سر...سري ثقل خانقني وخانق قلبي...
دورت راصي لقيتو نحى نواضرو ويشوف فيا...
سيف: السر مهما كان كبير يبقى سر...
سكتت وكملت نشوف فالبحر حتى حكا...
سيف: مي إذا حكيتيه راح ينقص ثقلوا...
تبسمت باستهزاء...وقربت أكثر من البحر...
انا: مع الاسف مش أنا لي نحكي...
سيف:انتي لي تتعذبي...
تبسمت بمرارة وشفت فيه...نحكي...
انا: نو...أنا لي نخون...
سكتت وما جاونيش...حط يديه في جيابو...وولا للطونوبيل بخطوات...وتكى عليها...وتبسم...
سرقت نظرة منو وتنهدت...قعدت قداموا...
انا: أنا مش بحر...
شاف فيا بعينيه...لي خلاوني نرجع للماضي...ماضي كارهتو ومش حاملتو...حتى بيني وبين روحي ما نقدرش نتفكرو...
انا: أنا مستنقع...مستنقع غامق...وموسخ لدرجة انو يوسخ اي حاجة جوز عليه...
شاف فيا مصدوم...تبسمت وكملت نشوف في لبحر...نسيي نسكت الاصوات لي خرجت من راصي...
صوت الموجة رجعني سنين للور...لنفس البيت...بيت القدر الاسود...بيت الظلم...بيت السواد والكره...تخلعت وانا نسمع في صوتو...لي خرج قوي...وكأنو حقيقي...حتى خلاني نترعد..."نفس"..."نفس"..."نفس"..."انا جيت"..."نفس هاذي لعبة...لعبة بينا...وإذا عرف كاش واحد بيها...راح يصراو عفايس أنتي مش راح تحبيهم"..."نفس قاعدة تحسي بيا"..."بوسيني"..."نفس هكذا ولا هكذا"..."نلعب معاك خاطر نحبك"..."خليها سر بينا عندك تفشيها"..."نفس حلي رجليك هكا مش راح تحسي"..."نفس"..."ما تخافيش مش راح نظرك"..."أنا نحبك وراح نحافظ عليك"..."وجعتك"..."مش راح نخليك تنسايني"..."راح تتفكريني طول عمرك"...غمضت عينيا نسيي نمحي كل جملة من هاذوا...غمضت عينيا نسيي نهرب...نحب نمحي عوام وعوام...نحب ننسى اسمي نفس...نحب نمحي عوام طفولتي...حابة نرجع براءتي...غمضت عينيا...مش حابتو يقرا الصراع لي داخلهم...صراع الماضي...حقيقة الراجل...الراجل الصالح...لي قضى عوام وهو يتحرش بيا... عوام وهو يستمتع بجسمي...عوام وهو يلعب بيا...بلا ما يخلي حتى دليل وراه...كان ذيب بكل معنى الكلمة...لعب بطفلة صغيرة وشرفها...مستقبلها وأحلامها...وحلهم قداموا دمرهم ورماهم على الارض...تخلعت كي حسيت بيد سيف على يدي...لدرجة اني نطرتها وبعدت عليه...خايفة...
انا: ما تقدربش مني...
ناض شاف فيا مصدوم...وعقد حواجبوا...
سيف: واش دارلك...نفس احكي...
حطيت يدي على ودني...نعيط بأقوى ما عندي...
انا: ماااا تقووولش نفس....نفسسس ماتتت...نفسسسس ماتتت...تفهممم....نفسس راحت...نفس قتلتها...نفس قتلتها كاممملل...قتلتوها...ومشيتووو في جنازتهااااا...نفففسس ماتتت... نفسسس مارااااحش ترجعععع....فهمت نفففس بحح...نفس طارت...نفس دمرتت...مش حابة دمركم معاهاا...نفسس...ن...ف...