تبسمت وخرجت...مخليتها تحكي وحدها...مش مهتمة لولا كلمة... من لي قاعدة تقول فيهم...شفت فموضفة الاستقبال حركتلها راصي...وهي تشوف فيا مستغربة...وخرجت...لقيت مول الطاكسي مزال يسنى...تبسمت نحكي...
انا: واش مزال دير هنا...
هو: هاو ربي بلاني بوحدة كيفك...شدي دراهمك اختي...بلحلال ومش رابحين خلي يا يزيد يدخل فيها لحرام...
شفت فيه مستغربة...وركبت قدامو نحكي...
انا: وصلني لشركة××××
هو: مدااام...ولاااا مادمازااال...يرحم والديك الواحد عندو خدمة...
انا: هاني أنا خدمة...والدراهم لي عندك خليهم حقك...
شاف فيا مصدوم...
انا: دوك تفهم...هيا الشركة هيا...
حرك راصو استخفر...وكمل طريقو...شوية وقت وكنا تما...
انا: ادخل...
هو: الصبر يا ربي...
انا: كمل ادخل للباركينڨ...
هو: مادمازال...وين دايتني كنتي قادرة...تدخلي وحدك...ولا تكوي فيا على زوج دورو لي عطيتيهملي...
مهتميتش بهدرتو وقعدت نحوس على طونوبيلتي...الجنون هو مودي بعد كل نوبة...نخرج من روحي ونولي انسانة وحدخرا... لغريبة اني حاسة...وفايقة...مي مش قادرة نتحكم فروحي...دورت راصي على كل الجهات وحبطت...جاب ربي لقيت العساس ادور...
انا: موسيو سمحلي...طونوبيلتي شفتها...
هو: والله يا مدام...الموسيو سيف داها...يعني هو امر واحد يديها...
انا: وين داها علابالك؟؟
هو: بلاك لدارو...
انا: لدارو...واش داها لدارو...
تنهدت وعاودت ركبت...
هو: مزال رحلتنا طويلة...
انا: واش اهمك نتا...المهم دراهمك في جيبك...
ستخفر مرة أخرى حتى ضحكني...ضربت بين عينيا نايا...لدرجة انو قلبي خبط في بلاصتو...
انا: تحرك هيا عندنا خدمة...
هو: وين نشالله...قريب نكملو دزاير ختي...
انا: نتا امشي وانا نوريلك...
هو: كان غير كل يوم نتلقا بوحدة كيفك...مالغري مهبولة...مي تهون عادي...
طنشتو...وقعدت نشوف من الزجاج...الطريق طويلة...وزادت طوالت...حتى لمحت الدار ملبعيد...
انا: هنا هنا هنا دور منا...
شاف فيا مخلوع ودار...
هو: حمدلله خفت على روحي...تقوشي طالعين لراص لجبل... يعني نتوما لي عندكم دراهم هنا عايشين...
تمتمت بين شفافي وانا نشوف في دار ماما حياة..."يعني كان تشوف دار الكلب لوخر طيح"...
هو: انعم مادمازال...
انا: ااهه...والو...كمل قبالا...اول دورة دور معاها...
اول ما دار شاف فيا...
انا: كمل قبالا دوك اقابلك البورتاي...
تمتم هدرة بين شفافو...وكمل اصوڨ...اول ما شفت البورتاي تبسمت وانا...نقرا في لي معلق فيه..."happy birthday naya"... حلولوا الرجال الباب...وكل ما يدخل اكثر...يصفار من عددهم لي يكثر...حتى حكى...
هو: مادمازال..واش رايك تكملي ابيي..
انا: ما تخافش حماية برك...
دور راصو وكمل يمشي...عادي...
نحيت لاسانتور...وطلعت راصي كي سمعتو...قال"الله اكبر" تبسمت من المنظر لي كنت نشوف فيه...رغم اني كنت مصدومة من واش داروا...فطنت من سرحتي...كي لقيت آدم جاي عندي...
مد دراهم لمول طاكسي...لي هو يحلف وآدم يحلف...
حبطت نجري نشوف في نايا لي قاعدة فالدروج...فوق حجر سيف...ستغربت من الشنوفة لي على شفافها...رحت نجري عندها واول ما شافتني...بعدت عليه...وجات ليا تجري...
نايا: نونو...نونوووووو...
عنقتها...وشفت فسيف لي ماحبش يحكي...حتى جاوبني ادم...
آدم: قالك نونو خلاتني...وراحت...كان ماشي سيف عمري نقدر نهديها...
بعدتها عليا شوية مصدومة...نحب نفهم منين جابت الهدرة هاذي...
انا: برانسس شكون قالك هكا...
شافت فيا وطرطقت بالبكا...عنقتها أكثر نطمنها...قعدت بيها فالدروج...وين قرب منها سيف...يحكي معاها...
سيف: ششششش...
استغربت أكثر كي جاوبتو و ما جاوبتينيش...
سيف: هاي جات لالة نفس...خلينا من لبكا...وخلينا نلعبوا بواش شيحتيلهم ريقهم باش داروه...
شافت فيا يعنى إذا نقدر...
انا: اذا بستيني...
باستني وصوطات عند سيف لحضنو...لغريبة وكأنها تعرفو من سنين...حتى آدم ومش هكا معاه...
YOU ARE READING
انين الروح || Im Sorry
Romance• أنين الروح • Im sorry .. - كرونيك كاملة .. تكسر الروح ... ويختنق القلب... فهل يمكن للحب أن يكون... دواءً... لما افسده الزمن... ام أنه مجرد داء... يزيد الجرح شرخا... تعرض فتاة صغيرة التحرش في صغرها و عندما تكبر لا تدري كيف تتعامل مع عواقب سكوتها ت...
