جايه و خايفه بصراحه 😂😂😂
عارفه ان القفله صدمتكوا اوي و الي جاي هيصدمكوا اكتر بس متأكدة اني هرضيكوا و اوي كمان و ياريت بلاش كومنتات سلبيه اصبروا اصبروا اصبروا عشان انتوا ممكن تكتبوا الكومنت و تنسوه بس انا مبنساش و الكلمه الوحشه بتسيب آثر كبير علي نفسية الكاتب و مش معني كدا اني مش قابله النقد أبدا انا بحب جدا اشوف رأيكوا و دائما بقول ناقشوني بس ياريت النقد يكون بأسلوب كويس و ألفاظ مهذبه وقتها هيبقي علي عيني و راسي لكن اي ألفاظ مش حلوة أو نقد بيقلل مني أو من الروايه اكيد مش هقبل بيه ربنا عالم الكتابه متعبه و مرهقه قد ايه و أنا علي قد ما بقدر بحاول اني اكتب و انزلكوا البارتات في معادها
حاجه كمان اانا مش هتدخل في اي كومنتات بين الفانز و بعضها الا لو فيها تطاول أو كلام مش كويس يعني حصل موقف حد دخل انتقد الروايه بأسلوب مكنش حلو معجبنيش و أنا رديت جت بنوته من الفانز معجبهاش أسلوبها و دخلت ردت عليها تيجي هيا تعملي منشن انتي مبتقبليش النقد و المفروض محدش يدخل في كومنت حد و محدش يرد و كلام كتير كدا ..
لا طبعا مش هقول للناس متردوش لأن زي مانتي مش حابه الروايه في ناس حابينها و بيزعلوا لو سمعوا كلام مش حلو عنها أو عني
و يعلم ربنا اني عمري ما دخلت لحد قولتله رد عني بس طبعا اي حد بيرد عني دا علي دماغي و أنا شاكرة له جدا و تاني هقول الكلام يكون بأسلوب مقبول و محترم ❤️
في ناس بتقول الروايه فيها نكد كتير و كدا انا والله بحاول البارت يكون في كل انواع المشاهد دراما اكشن حزن رومانسيه و دائما بدخل شويه كوميديا كدا في النص بحاول انوع بس هيا مشاهد انا مرتباها في دماغي عشان اوصل للحبكه المطلوبه
كمان معظم المشاهد دراميه و في الأول و الاخر الروايه تصنيفها دراما اكشن غموض رومانسي
في النهاية عايزة اقولكوا اني حقيقي بحبكوا جدا و بحب كومنتاتكوا اوي و بحب نتناقش سوي في الأحداث و عارفه أن قفلة البارت الي فات جننتكوا و عصبتكوا جدا بس اصبروا هتتفاجئوا أن شاء الله
و مقصدش ازعل حد مني بكلامي بس كل الي طلباه الأسلوب يكون في احترام ليا ككاتبه و لروايتي الي ربنا يعلم انا بتعب فيها قد ايه فمجيش الاقي حد بيقول في الكومنتس انا كنت عايزة اقرأها بس لما شوفت الكومنتس عنها اتخضيت انا اتضايقت جدا بصراحه ..
انا كنت بحاول انزلكوا بارت كمان النهاردة بس حقيقي مقدرتش و مبعرفش انزل بارتات قصيرة لازم انزل حاجه مٌرضيه
عايزة اعرف توقعاتكوا بقي للأحداث الي جايه ❤️❤️
