တင်းကျပ်သော ဆုပ်ကိုင်မှုအောက်တွင် မျက်လုံးအိမ်သည် အတွင်းမှ အလင်းတန်းများ ပေါ်ထွက်လာခဲ့ကာ လေဟာနယ် အတွင်းမှ တစ်နေရာနှင့် ဆက်သွယ်သွားခဲ့သည်။
ဤမျက်လုံးအိမ်သည် ရှီထျန်းရီ၏ အသိစိတ်နှင့် ဆက်သွယ်ထားခြင်း ဖြစ်သည်။ သူ၏ အပေါ်တွင် ဤမျှဖိအား ပေးထားခြင်းသည် သူ၏ရုပ်ခန္ဓာကိုယ်အား ဖိခြေထားခြင်းနှင့် အလားတူနေပေသည်။ သူသည် နာကျင်စွာနှင့် အော်ဟစ်လိုက်၏။
"ပြီးသွားပြီ" ရှီထျန်းဟောင်က ပြောလိုက်ကာ ရှီထျန်းရီ၏ နောက်ဆုံးကျန်နေသော အရာထံသို့ လှမ်းသွားလိုက်သည်။
"ငါကမင်းထက် မနိမ့်ကျဘူး" ရှီထျန်းရီက ဒေါသတကြီးဖြင့် အော်လိုက်သည်။ သူ၏ အခြေတည် ဝိညာဥ်သည် တောက်ပသော အလင်းတန်းစက်လုံး တစ်ခုအဖြစ်သို့ ပြောင်းသွားခဲ့၏။ ထိုစက်လုံး၏ ဘေးမှ လေဟာနယ်သည် တွန့်လိမ်ကာ အတွင်းသို့ ချိုင့်ဝင်သွားသကဲ့သို့ ဖြစ်နေခဲ့သည်။
ခဏအကြာတွင် ထိုအလင်းတန်း စက်လုံးလေးသည် စတင်ကျယ်ပြန့်လာခဲ့ကာ သူ၏ အက်ကွဲကြောင်းများ အတွင်းမှ အလင်းတန်းများ ထွက်ပေါ်လာခဲ့သည်။ ထိုအလင်းတန်းများသည် အဆုံးစွန် ဖျက်ဆီးနိုင်သော စွမ်းအားများနှင့် ပြည့်နှက်နေခဲ့၏။
ရှီထျန်းရီသည် သူ၏ အခြေတည်ဝိညာဥ်အား ဖောက်ခွဲလိုက်ကာ မိမိကိုယ်ကိုယ် ဖျက်ဆီးပြီး ရှီထျန်းဟောင်အား သူနှင့်တစ်ပါတည်း ခေါ်သွားချင်နေသည်မှာ သိသာနေ၏။
"မင်းရဲ့ကြမ္မာကို မင်းကိုယ်တိုင် ဖန်ဆင်းတာပဲ" ရှီထျန်းဟောင်သည် မျက်လုံးအိမ်ကို ထပ်ဖန်တစ်ခါ ထပ်ဖိလိုက်သည်။ "ခေတ်!" ရှီထျန်းဟောင်က ရေရွတ်လိုက်၏။
ထိုမှော်ကျိန်စာ စတင်ထွက်ပေါ်လာသည်နှင့် အချိန်ကာလနှင့် လေဟာနယ်တို့သည် အလင်းတန်း စက်လုံးနှင့် ရှီထျန်းရီတို့၏ အနားတွင် အေးခဲသွားသကဲ့သို့ ဖြစ်သွားကြသည်။
ကျောက်တုံးဓားသည် ရှီထျန်းဟောင်၏ လက်အတွင်းတွင် ပြန်ပေါ်လာခဲ့၏။ နောက်ဆုံးတိုက်ခိုက်မှု အနေနှင့် သူသည် အလင်းတန်း စက်လုံးနှင့် ရှီထျန်းရီ၏ အသိစိတ်တို့ နှစ်ခုစလုံးတို့အား ထိုးဖောက်သတ်ဖြတ်ခဲ့လိုက်သည်။
YOU ARE READING
ဂန္တဝင်ဂိုဏ်းချုပ် အတွဲ(၃) Unicode
Adventure✓✓✓✓ MC က FAကြီး ✓✓✓✓ ဇာတ်လမ်းအကျဉ်း ------------- လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမ...
အပိုင်း ၅၈၈ : ကြမ္မာပန်းတိုင်နှင့် အန္တိမ ဟင်းလင်းပြင်အောက်မှ တစ်ဦးတည်းသောသူ
Start from the beginning