Burmese Translation of "Doomed to be Cannon Fodder".
Translator - No Coz
(၁၂၇) ဇာတ်လိုက်မကိုယ်စား ဒုက္ခရောက်ရ
'တကယ်ဆိုရင်လေ၊ နင်က အရံအမျိုးသမီးဇာတ်ကောင်၊ ပြန်လည်မွေးဖွားလိုက်လို့ ဒုတိယ အခွင့်အရေး ပြန်ရလာတာ၊ ဘာလို့ ကျိုးကြောင်း သေချာ မဆင်ခြင်နိုင်ရတာလဲ ဟာ. . . မမှည့်သေးဘဲနဲ့ အတင်းကြီး ခူးရင် မချိုဘူးလေနော်၊ နင် ဘယ်လောက်ပဲ နက်နက်ရှိုင်းရှိုင်း မြတ်နိုးနေပါစေ၊ ဇာတ်လိုက်က ပြန်မချစ်ရင် ဘာထူးမှာလဲ၊ ပြီးတော့ အရံဇာတ်ကောင်ကို ဖမ်းပြီး ဘာလုပ်တာလဲလို့၊ ပျော်စရာ ကောင်းအောင်လို့လား'
သူမ အတွေးများနေတုန်းမှာပဲ လက်တစ်ဖက်က သူမ ရင်သားတွေပေါ်ကို ရောက်လာတယ်။ 'အဟု အဟု အဟု...!!! မဖြစ်ဘူး၊ ဒါ ငါ့ကို စော်ကားတော့မလို့ အစပြုနေတာလား၊ ဒီအရံဗီလိန်မ ဘာဖြစ်နေတာလဲ၊ ငါ့ကို အသားယူဖို့ လျှောက်ကိုင်နေတာလား'
"စော်ကားနေပါတယ်ဗျို့...!" အချိန်အတော်ကြာကြာကြီး ကြောင်အနေပြီးတဲ့နောက်မှာ စကားလုံးတွေ ပျောက်ရှနေရှာတဲ့ ပိုင်ရှန်းရှို့ အော်ထွက်လိုက်နိုင်တဲ့ တစ်ခွန်းတည်းသော စကားပဲ။
ပိုင်ရှန်းရှို့က သူမ ဘယ်သူ ဘယ်ဝါဖြစ်ကြောင်း ရိပ်မိသွားပြီဆိုတာ ယာယာမသိဘူး။ ပိုင်ရှန်းရှို့ အော်လိုက်တဲ့အချိန်မှာ မျက်နှာကို ဖြတ်ရိုက်လိုက်ဖို့လောက်ပဲ သူမ အာရုံထားတာ။ ပိုင်ရှန်းရှို့က ယာယာထင်တာထက် လျှာထက်တဲ့ အပြင်ကို လက်ပပါ လှုပ်ရှားရဲနေတယ်လေ။ သူမကို ပိုင်ရှန်းရှို့ ပါး ပြန်ရိုက်လောက်လိမ့်မယ်လို့ ယာယာ ထင်မထားခဲ့တာ။ ဒါပေမဲ့ ပါးပေါ်က ပူစပ်စပ် ခံစားချက်ကြီးက တကယ် အချခံလိုက်ရတယ်ဆိုတာကို သက်သေပြနေလေရဲ့။ သူမ တစ်ခဏလောက်တော့ ကြောင်သွားမိတယ်။ မြင့်မြတ်တော်ဝင်တဲ့ အမျိုးသမီးလေး၊ သိမ်မွေ့ နူးညံ့လှပါပေ့ဆိုတဲ့ဟာလေး ဘယ်ရောက်သွားတာတုန်း။ လုံဟန့်နဲ့ ကျန်တဲ့ သူတွေ၊ ပြီးတော့ သူမရဲ့ ဆရာသခင်၊ သူတို့အားလုံး ကန်းများ ကန်းနေကြသလား။
အတိတ်ဘဝမှာတုန်းက သူမ တွမ့်ယွင်ရင်ကို သိပ်ချစ်ခဲ့တာ။ ဒါပေမဲ့ သူကတော့ သူမအတွက် နည်းနည်းလေးမှ မစဉ်းစားပေးဘဲ တခြားမိန်းမတစ်ယောက်နဲ့ လက်ထပ်သွားတယ်။ အခု အဲ့ဒီဘဝ အဆုံးသတ်ပြီးဆုံးသွားခဲ့ပြီဆိုတော့ သူမ ဘဝအသစ်မှာ တွမ့်ယွင်ရင်ကို မမှန်းရဲတော့ဘူး။ သူမ ရင်ထဲ အသည်းထဲကနေလဲ သူ့ကို တလှိုက်လှိုက် မုန်းနေမိတယ်။
YOU ARE READING
ဗီလိန်ဖြစ်ရန် ကြမ္မာဖန် [Book 1]
Historical Fictionဘာသာျပန္ဝတၳဳပါ။ [Zawgyi + Unicode] ___ အမ်ိဳးသမီးဇာတ္ရံအျဖစ္ သူမ ဝတၳဳတစ္အုပ္ထဲ ေရာက္သြားခဲ့တယ္။ အဓိကဇာတ္လိုက္မင္းသားကို တစ္ဖက္သတ္စြဲမက္ေနခဲ့တဲ့ ဇာတ္ေကာင္ေပါ့။ သူမမွာ သူ႔လက္ကိုေတာင္ ဆုပ္ကိုင္ခြင့္မရလိုက္ဘဲ အရွင္လတ္လတ္ရိုက္သတ္ခံရမယ့္ ၾကမၼာရွိေနတယ္လား...