A Stranger's Heart[Completed]

CHAPTER 58

ZACK'S POV

Time check....

7:45 am

Maaga pa pala...pero kailangan ko ng maghanda..

Makaligo na nga...

Pagkatapos kong makigo ay nagbihis na ako. Pinakapili-pili ko pa nga yung susuotin ko.

Naka-dark blue polo ako at itim na pantalon. Ini-style ko pang mabuti ang  ayos ng buhok ko pero paulit-ulit ko rin lang naman ginugulo dahil hindi ako masiyahan sa ayos nito.

Naka-ilang beses pa akong agusin ito hanggang sa makontento na ako sa ayos nito saka ko lang inayos muli ang suot ko. Naka-3/4 pa nga ang mga manggas ng polo ko, sinuot ko rin ang regalong relo ni dad sa akin nung nakaraang birthday ko.

Ayos na...Teka kulang pa pala...

Kulang ng pabango.

Ini-spray ko naman ng todo ang pabango na kulang na lang ipaligo ko na ito sa buong katawan ko.

Hmm...Okay na, baba na ako.

Itetext ko pala muna si Elle.

Compose message...
To: Ms. S
Hey, Goodmorning, Ready ka na ba? Just text me if your'e ready:)😙
Message sent
7:47 am

Pagkatapos non ay pinatay ko na ang cellphone ko. Makababa na nga muna.

Pagkababa ko, as usual ay naabutan ko na naman si mommy naghahanda ng umagahan.

"Hi mom"...bati ko sabay halik sa pisngi nya. "Oh, good mood tayo ah"...biro ni mommy at ngumiti lang ako sa kanya. "I'm just happy mom"...sagot ko.

"Ay sus, ang baby ko talagang binata na oh"...puri ni mommy sabay yakap sa akin. "Mom, alam nyo na ba kung babae or lalaki toh?"...pagtutukoy ko sa tiyan ni mommy.

"Actually papunta nga ako sa Ob-gyne ko today"....sabi ni mom kaya naman napangiti ako sa kanya.

"Oh, ba't natahimik ka naman jan, pinag-usapan lang natin si baby eh"...sita ni mommy sa akin at napatingin naman ako sa kanya.

"Ano lang kasi mom, malungkot lang ako kasi di man lang nya naabutan si Ate Bri, di man lang nya mararanasan ang pagmamahal na binigay nya sa akin noon"...paliwanag ko at lumapit naman sa akin si mommy at tinapik ako sa aking likod.

"Alam ko namang kahit nasa itaas na ang ate mo, alam kong masaya na sya doon, At alam ko ring hindi mo naman pababayaan tong bago nyong kapatid, isa kang mapagmahal at maalagang anak, kaya alam kong magiging ganun ka rin kay baby"...sabi ni mommy at napatango naman ako sa kanya.

"Oh sya kumain ka na, baka masira pa ayos mo sa date nyo"...biro ni mommy pero ngumiti lang ako sa kanya at nagsimula ng kumain.

Pagkatapos kong mag-agahan ay muli akong umakyat sa kwarto ko. Kinuha ko ang bulaklak na ibibigay ko sa kanya mamaya.

At bago pa ulit ako makababa ay muli akong humarap sa salamin at tiningnan kung ayos pa ba ang hitsura ko.

Muli ko pang inayos ang buhok kong medyo nagulo at pagkatapos non ay bumaba na ako.

Pababa na ako ng hagdan ng biglang mag-tunog ang cellphone ko.

May nagtext.

One new message...
From: Ms. S
Tapos ka na? Asa labas na ako ng bahay namin.
8:12 am

Shoot. Alas-otso na pala. Grabe antagal ko pala.

Naunahan nya pa ako.

Nagmadali naman akong lumabas ng bahay. Since may lakad din si mommy ay tiyak na naliligo na yun kaya di na ako makakapag-paalam.