Unicode ‼️
ကြောက်တတ်သူများ မဖတ်ရ 😱😱
တနေ့ကပေါ့ ညနေ ၅ နာရီလောက် ...
မမှောင်သေးပေမဲ့လဲ ရာသီဥတုက မိုးရိပ်ကြောင့် ခပ်မှိုင်းမှိုင်းနဲ့ပေါ့လေ ...ဆိုင်ကယ်လေးစီးပြီး အေးအေးဆေးဆေးသွားနေတုန်း
မီးပွိုင့်တခုမှာ မီးနီမိသွားတော့ ဆိုင်ကယ်အရှိန်လေးလျော့ပြီး မီးစိမ်း စောင့်နေမိတယ် ။အဲ့မှာ ကိုယ့်ရှေ့က ဆိုင်ကယ်မှာက အန်တီကြီးတစ်ယောက် ၊ ခပ်၀၀နဲ့ ။
မီးကလဲ မစိမ်းသေးတော့ စိတ်ရှည်ရှည်စောင့်ရင်း မျက်လုံးက ဟိုဒီလျှောက်ကြည့်နေမိတုန်းမှာပဲ ဗြုန်းကနဲ အကြည့်ရောက်သွားတာက ထိုအန်တီကြီးရဲ့ ဆိုင်ကယ် မှန်ထဲမှာ ပေါ်နေတဲ့ သူမရဲ့ မျက်နှာပုံရိပ်ဆီကို ။
ဒါပေမဲ့
အဲ့အချိန် ရုတ်တရက်တွေ့လိုက်မိတာက ထိုအန်တီကြီးရဲ့မျက်နှာအပြင် သူမမျက်နှာဘေးမှာ ဖြောင့်စင်းနေတဲ့ ဆံနွယ်ရှည်ကြီးနဲ့အတူ ဖြူစုပ်စုပ်၊ ဖျော့ဖတ်ဖတ် မိန်းမပျိုတစ်ယောက်ရဲ့ မျက်နှာတစ်ခုကိုပါ ထပ်ပြီး အထင်းသား မြင်လိုက်ရတယ် ။
"အား....."
လူက လန့်ဖျန့်ပြီး ကြက်သီးတောင် ထသွားတယ် ။
"ဒါ .... ဒါ ဘာလဲ .... မှန်ထဲမှာ ပေါ်နေတာ သရဲလား ၊
ငါ့ကို ခြောက်နေတာလား" တွေးပြီး လူက
ကယောင်ခြောက်ခြားဖြစ်နေပြီ ။ဟိုတွေးဒီတွေး စိတ်တွေက အစိုးမရနိုင်ဖြစ်ပြီး ကြောက်အားလန့်အားနဲ့ ....။
မီးကလဲ မစိမ်းသေး ၊ မျက်နှာကြီးကလဲ
မှန်ထဲမှာ ပေါ်နေတုန်း ။အဲ့လိုကနေ ကြောက်စိတ်သက်သာရာ ရလိုရငြား ဘေးမှာရှိတဲ့ လူတွေနဲ့အတူ ဟိုဟိုဒီဒီသို့ လျှောက်ကြည့်လိုက်မိတော့မှ
.
.
.
.
.
.
.
.လက်စသတ်တော့ တွေ့ပါပြီ တရားခံကို ....။
အဲ့တာကတော့ လမ်းဘေးမှာ ထောင်ထားတဲ့ ကြေငြာ
ဆိုင်းပုဒ် တစ်ခုက အစပြုခဲ့တယ်..။ဖြစ်ချင်တော့ ထိုဆိုင်းပုဒ်မှာ ပြသထားတာက အနက်ရောင် Backgroundပေါ်မှာမှ ခေါင်းလျှော်ရည် ကြေငြာနေတဲ့ မော်ဒယ် တစ်ယောက်ရဲ့ ပုံရိပ် ဖြူဖြူလွလွ ။
YOU ARE READING
Ghost Diary {Completed}
Horrorဒီ Diary လေးထဲမှာ သရဲခြောက်ခံရတာတွေနဲ့ ပက်သက်ပြီး စာရေးသူ ကိုယ်တွေ့ကြုံခဲ့ရတဲ့ အဖြစ်အပျက်လေးတွေနဲ့ ကြားဖူးနားဝရှိနေတဲ့ အကြောင်းအရာလေးတွေ ပါဝင်ပါတယ် ။ စိတ်ဝင်စားတယ်ဆိုရင် အခုပဲ Diary လေးကို ဖွင့်ဖတ်ကြည့်လိုက်ပါ အသင်မိတ်ဆွေ ......