Unicode ‼️
Ghost Diary လေးထဲလဲ သရဲမှတ်တမ်းတွေ ရေးမှတ်ရင်း ရေးမှတ်ရင်းနဲ့ မှတ်တမ်း (၂၁ ) ထိ ရောက်လာခဲ့ပြီပဲ ဖြစ်ပါတယ်။
အခုတခါမှာလဲ ကိုယ်တွေ့သရဲနဲ့ဆုံစည်းဖူးတဲ့ ဖြစ်ရပ်မှန်လေးတွေကို စာရေးသူအား လာရောက်ပြောပြထားကြတဲ့ ညီမလေးတွေရဲ့ ကျေးဇူးကြောင့် အခုလိုပဲ စာဖတ်သူတို့အား Sharing လုပ်ပေးနိုင်ဖို့ အကြောင်းအရာသစ်လေးတွေ ရရှိခဲ့ပြန်ပါပြီ။
လိုက်ပါ စီးမျောခံစားကြည့်ကြပါဦးစို့။
✍️✍️✍️
သူမ အသက် ၅ နှစ်ကျော်ကျော်လောက်က ဖြစ်ခဲ့ခြင်းပါ။
သူမတို့ကလဲ မိသားစု ၄ ယောက်ပဲရှိတယ် ။ သူမရယ် အဖေရယ် အမေရယ် အစ်ကိုရယ် ။
မှတ်မှတ်ရရ အဲ့နေ့က အချိန်က ညနေဘက် ၆ ခွဲကျော်လောက်တော့ ရှိပြီ ။ အဖေ ၊ အမေ နဲ့ အစ်ကိုက အိပ်ခန်းထဲမှာ TV တူတူကြည့်နေကြတာ။
သူမတယောက်ထဲ အပြင်မှာ ကစားစရာ အရုပ်တွေနဲ့ ထိုင်ကစားနေတာ။
သူမတို့အိမ်ပုံစံက အပေါ်ထပ်ကို တက်လိုက်တာနဲ့ ခေါင်းရင်းဘက်မှာ ဘုရားခန်းနဲ့ ခြေရင်းမှာ ပြတင်းပေါက် ၂ ခု ရှိတယ်။
ပြတင်းပေါက်တစ်ခုရဲ့ ရှေ့မှာ စာရေးစားပွဲခုံတစ်လုံးချထားတယ်။ ပြတင်းပေါက်ကို ကပ်ပြီး ထားထားတာတော့ မဟုတ်ဘူး ။ စားပွဲနဲ့ ပြတင်းပေါက်ကြားမှာ လူတစ်ယောက် ဝင်ရပ်လို့ ရသေးတယ်။
သူမ အဲ့နေ့က ထိုင်တဲ့ပုံစံက ဘုရားခန်းဘက်ကို မျက်နှာမူပြီးတော့ ပြတင်းပေါက်နားက စာရေးစားပွဲကို ကျောမှီထိုင်နေတာ။
သူမကလည်း ငယ်ငယ်ကတည်းက အရုပ်တွေနဲ့ ကစားရင်ဖြစ်ဖြစ် ၊ ပျင်းတဲ့အခါကျရင်ဖြစ်ဖြစ် တစ်ယောက်တည်း အမြဲတမ်း စကားပြောလေ့ရှိတယ်။
အရင်နေ့တွေလိုပဲ အရုပ်တွေနဲ့ ကစားရင်း
တယောက်တည်း စကားပြောနေမိတာ။
အဲ့အချိန်မှာပဲ
သူမ အနောက်ကနေ "ရှူး... တိုးတိုး" ဆိုပြီး
ယောင်္ကျားသံတစ်ခု ကြားလိုက်ရတယ်။
YOU ARE READING
Ghost Diary {Completed}
Horrorဒီ Diary လေးထဲမှာ သရဲခြောက်ခံရတာတွေနဲ့ ပက်သက်ပြီး စာရေးသူ ကိုယ်တွေ့ကြုံခဲ့ရတဲ့ အဖြစ်အပျက်လေးတွေနဲ့ ကြားဖူးနားဝရှိနေတဲ့ အကြောင်းအရာလေးတွေ ပါဝင်ပါတယ် ။ စိတ်ဝင်စားတယ်ဆိုရင် အခုပဲ Diary လေးကို ဖွင့်ဖတ်ကြည့်လိုက်ပါ အသင်မိတ်ဆွေ ......
