Unicode
စာရေးသူ လွန်ခဲ့တဲ့ ၁၀ နှစ်လောက်တုန်းက ကြုံတွေခဲ့ရတဲ့ ကိုယ်တွေ့အဖြစ်အပျက်လေး တစ်ခု ပြောပြချင်ပါတယ်။
အဲ့တုန်းက စာရေးသူက နယ်မြို့လေးတမြို့မှာနေခဲ့တာပါ ။
နွေကျောင်းပိတ်ရက်ရောက်တော့ မေမေက စာရေးသူကို တရားစခန်းတစ်ခုမှာ ယောဂီအဖြစ် စခန်းဝင်ဖို့ ပို့ထားခဲ့တယ်။
အဲ့တရားစခန်းက စာရေးသူနေတဲ့ မြို့မဟုတ်ဘဲ တခြားမြို့ တမြို့ရဲ့ မြို့အစွန်တောထဲမှာရှိတဲ့ တကယ့်ကို ဆိပ်ငြိမ်တဲ့ ရိပ်သာလေး တစ်ခုပါ ။
မြစ်ကမ်းနံဘေးမှာ တည်ထားပြီး တကယ့်ကို အေးချမ်းလိုက်တာ လွန်ပါရော ။ ကျောင်းပေါ်ကနေ လှမ်းကြည့်ရင် မြစ်ပြင်ကျယ်ကြီးကို လှမ်းမြင်နေရတာ။ သဘောင်္ကြီးတွေ တရွေ့ရွေ့နဲ့ ဖြတ်သွားကြတာကိုက လွမ်းမောချင်စရာ ။
စိမ်းစိုနေတဲ့ သစ်ပင်ပန်းမာန်တွေနဲ့ အုံ့စိုင်းပြီး တောရိပ်တောင်ရိပ် အရသာကို အပြည့်အ၀ ခံစားရတာပါ ။
တရားစခန်းလေးရဲ့ သာယာပုံကို ညွှန်းပြတာ များသွားပြီ ။ ကဲ ... အဓိက ပြောပြချင်တဲ့
ဇာတ်လမ်းလေးက ခုမှစမှာ။
တရားစခန်းမှာ ရက်ပြည့်ပြီး ပြန်ကာနီးရက်ရောက်တဲ့အချိန်မှာတော့ အဲ့ကျောင်းမှာရှိတဲ့ ယောဂီတရားပြဆရာမ ဦးဆောင်ပြီး စာရေးသူတို့ကို မြို့ထဲသို့ သူမရဲ့ကားနဲ့ အလည်လိုက်ပို့ပါတယ် ။
အဲ့မြို့ထဲမှာကလဲ သမိုင်းဝင် ရှေးဘုရားတွေ ရှိတော့ ဘုရားဖူး လိုက်ပို့တဲ့သဘောပေါ့လေ။
အဲ့မှာ ညနေပိုင်း ၅ နာရီဝန်းကျင်လောက် ရိပ်သာကနေ ကားနှစ်စီးနဲ့ ယောဂီတွေ အပြည့်တင်ပြီး ထွက်လာခဲ့ကြတာပေါ့။
စာရေးသူတို့ စီးခဲ့တဲ့ကားက ဆလွန်းကားလေးဆိုတော့ ကားပေါ်မှာ လူ ၅ ယောက်လောက်ပဲပါပြီး နောက်တစီးကတော့ လိုက်ထရပ်ကားဆိုတော့ ယောဂီတွေ ၁၀ ယောက် ပါမယ်နဲ့တူတယ် ။
ရိပ်သာက တောထဲမှာရှိတာဆိုတော့ လမ်းမကြီးပေါ်ရောက်ဖို့ကို အနည်းငယ် လှမ်းပါတယ်။
YOU ARE READING
Ghost Diary {Completed}
Horrorဒီ Diary လေးထဲမှာ သရဲခြောက်ခံရတာတွေနဲ့ ပက်သက်ပြီး စာရေးသူ ကိုယ်တွေ့ကြုံခဲ့ရတဲ့ အဖြစ်အပျက်လေးတွေနဲ့ ကြားဖူးနားဝရှိနေတဲ့ အကြောင်းအရာလေးတွေ ပါဝင်ပါတယ် ။ စိတ်ဝင်စားတယ်ဆိုရင် အခုပဲ Diary လေးကို ဖွင့်ဖတ်ကြည့်လိုက်ပါ အသင်မိတ်ဆွေ ......
