Unicode
ဒီအပိုင်းလေးမှာ အစုံသုပ် လို့ပဲ ဆိုမလား စာရေးသူ ကြုံတွေသိရှိခဲ့တာတွေ ကြားဖူးနားဝရှိခဲ့တာတွေအကုန်ကို ပေါင်းစပ် ဖော်ပြပေးသွားပါ့မယ် ။
1) ဦးစွာဖော်ပြပေးမှာကတော့ သရဲခြောက်ခံရတဲ့ အကြောင်းအရာမဟုတ်သေးဘဲ ဗဟုသုတအနေနဲ့ လိုက်နာစရာ မှတ်သားစရာ ဇာတ်လမ်းလေးတစ်ခုကို တင်ပြပါ့မယ် ။
အပင်လေးတွေ နဲ့ ပက်သက်တဲ့ အကြောင်းပါ။
တစ်ခါတုန်းက ကျေးရွာလေး တရွာမှာ ကိုယ်ပိုင်ခြံဝန်းလေးထဲ သီးနှံပင်လေးတွေ စိုက်ပျိုးရင်း အေးချမ်းသာယာ ပျော်ရွှင်စွာနေတဲ့ ဇနီးမောင်နှံလေး ရှိသတဲ့ ။
သူတို့ဇနီးမောင်နှံမှာ အဖိုးမဖြတ်နိုင်တဲ့ ရတနာလေးဖြစ်တဲ့ လသားအရွယ် သားငယ်လေးလဲရှိတော့ ပျော်စရာမိသားစုကမ္ဘာလေးလို့ ဆိုရမှာပေါ့ ။
သူတို့ ခြံဝန်းထဲမှာ သီးနှံစုံ စိုက်ထားပြီး အိမ်နောက်ဖေးမှာတော့ ငှက်ပျောပင်တွေ စိုက်ထားတယ်တဲ့လေ ။
ငှက်ပျောပင်တပင်ရဲ့ ခြေရင်းတဝိုက်မှာတော့ ရေပုံးတွေ ရေဇလုံကြီးတွေချပြီး ရေချိုးအဝတ်လျှော်ဖို့ နေရာလေးလုပ်ထားတယ်။
အဲ့ဒါအပြင် သားငါးဟင်းသီးဟင်းရွက် ဆေးတာကိုလဲ ထိုနေရာလေးမှာပဲ လုပ်တယ်တဲ့။
ပီးတော့ သားငါးဆေးရာကနေ ထွက်လာတဲ့ သွေးရည် အညစ်အကြေးတွေ ဘာတွေကိုလဲ ထိုငှက်ပျောပင်လေးကိုပဲ လှမ်းပက်သတဲ့လေ ။
အဲ့လိုကနေ အချိန်ကာလတွေ ကြာလာတဲ့အခါမှာ ထိုသွေးရည်တွေစုနေတဲ့ ငှက်ပျောပင်လေးဟာ မကောင်းတဲ့သွေးဓာတ်တွေ စီးဝင်ပါများပြီး အသက်ဝင်လာပါလေသတဲ့ ။ မကောင်းဆိုးဝါး အနေနဲ့ပေါ့ ။
အဲ့ဒါကို ထိုဇနီးမောင်နှံကတော့ မသိရှိခဲ့ပါဘူး။
ငှက်ပျောပင် မကောင်းဆိုးဝါးကတော့ အချိန်တိုင်း သွေးဆာပြီး ထိုဇနီးမောင်နှံရဲ့ သားငယ်လေးကို ဆွဲစားနိုင်မဲ့ အခွင့်အရေးကို ချောင်းနေခဲ့တယ် ။
တစ်နေမှာတော့ အမျိုးသားက အပြင်သွားနေ၊ ဇနီးက ငှက်ပျောပင်ခြေရင်းမှာ အဝတ်လျှော်နေပြီး သားလေးကတော့ အိမ်ရှေ့က ပုခတ်ထဲမှာ အိပ်ပျော်နေသတဲ့ ။
YOU ARE READING
Ghost Diary {Completed}
Horrorဒီ Diary လေးထဲမှာ သရဲခြောက်ခံရတာတွေနဲ့ ပက်သက်ပြီး စာရေးသူ ကိုယ်တွေ့ကြုံခဲ့ရတဲ့ အဖြစ်အပျက်လေးတွေနဲ့ ကြားဖူးနားဝရှိနေတဲ့ အကြောင်းအရာလေးတွေ ပါဝင်ပါတယ် ။ စိတ်ဝင်စားတယ်ဆိုရင် အခုပဲ Diary လေးကို ဖွင့်ဖတ်ကြည့်လိုက်ပါ အသင်မိတ်ဆွေ ......