Unicode ‼️
ညဘက်ချိန်ခါကြီးမှာ သားစိမ်းငါးစိမ်းတွေ သယ်ပြီး မသွားရဘူးဆိုတာနဲ့ ပက်သက်ပြီး ညီမတစ်ယောက်ပြောရတဲ့ ဖြစ်ရပ်မှန်လေး တစ်ခုကို Ghost Diary စာအုပ်လေးထဲမှာ ရေးမှတ်ဖို့အတွက် ရောက်ရှိလာခဲ့ပြန်ပါပြီ ။
ဟိုအရင်ကလဲ အမဲသားစိမ်းထုတ်ကြီးကိုင်ပြီး အိမ်ပြန်လာလို့ လမ်းမှာ သရဲက ထိုအမဲသားထုတ်ကို ဝင်ဆွဲတဲ့အကြောင်း အရှေ့က အပိုင်းတစ်ခုထဲမှာ ဖော်ပြခဲ့ဖူးပါတယ်။
အခုကတော့ ဤသို့ဤနှယ် ဇာတ်ကြောင်းသာ ဖြစ်ပါတော့တယ်။
ထိုအမျိုးသမီးလေးရဲ့ ဖြစ်စဉ်ကတော့ ညနေစောင်းဘက်ကြီး စျေးဝယ်ထွက်ခဲ့မိခြင်းကနေ စတင်ခဲ့ပါတယ်။
ဖြစ်ချင်တော့ သူမက ပုံမှန်ဆို ဟင်းချက်စရာဈေးဝယ်လေ့ မရှိပါဘူး။ သူမရဲ့ အမေပဲဈေးသွားပြီး အကုန်ချက်ပြုတ်နေကြမို့ မီးဖိုချောင်ကိစ္စကို သူမ တာဝန်မယူခဲ့ရပေ။
သို့ပေမဲ့ သူမ အမေက ဘုရားဖူး ခရီးထွက်သွားဖြစ်ပြီး သူမတို့လည်း အမေ မရှိတဲ့ ရက်ပိုင်း အတောအတွင်း ချက်စားရမှာလည်း ပျင်းတာနဲ့ ဝယ်စားရင်စား (ဒါမှမဟုတ်) ဖြစ်သလိုပဲ ရှိတာနဲ့ စားကြတယ်။ အထူးတလည်ဈေးမသွားဖြစ်ဘူးပေါ့လေ။
အဲ့ဒါနဲ့ပဲ တရက်မှာတော့ မနက်ဖြန်ဆို ဆွမ်းချိုင့်ပို့ရမယ့်နေ့ရောက်လာတယ်။ ပုံမှန်ဆို သူမ အမေ ကပဲ မနက်ဖြန်ဆွမ်းချိုင့်နေ့ ဆိုရင် ဒီနေ့ကတည်းက ကြိုတင်ပြီး အကုန်ဝယ်ခြမ်းနေကျပေါ့။
အခု သူမ အမေ အိမ်မှာမရှိတော့ အားလုံးကလဲ မနက်ဖြန်ဆွမ်းချိုင့်ပို့ရမှာကို သတိမရဘဲ မေ့နေကြတယ်လေ။
အဲ့လိုကနေ ညနေပိုင်းလောက်မှ သူမက ရုတ်တရက် သတိရသွားတယ်။ မနက်ဖြန်ဆွမ်းချိုင့်ပို့ရမှာပါလားပေါ့။
ပုံမှန် ကိုယ့်မိသားစု ပဲဆိုရင်တော့ ဘယ်လိုစားစား ရပေမယ့်ဆွမ်းချိုင့်ဆိုတော့ကား သေသေချာချာ ချက်ပြုတ်ပို့မှပဲ သင့်တော်မယ်ပေါ့ ဘာညာ တွေးတောရင်းနဲ့ ညနေရုံးဆင်းအပြန်ကျရင်တော့ စျေးဝင်ဝယ်ရမယ်ဆိုပြီး ဆုံးဖြတ်ခဲ့တယ်။
YOU ARE READING
Ghost Diary {Completed}
Horrorဒီ Diary လေးထဲမှာ သရဲခြောက်ခံရတာတွေနဲ့ ပက်သက်ပြီး စာရေးသူ ကိုယ်တွေ့ကြုံခဲ့ရတဲ့ အဖြစ်အပျက်လေးတွေနဲ့ ကြားဖူးနားဝရှိနေတဲ့ အကြောင်းအရာလေးတွေ ပါဝင်ပါတယ် ။ စိတ်ဝင်စားတယ်ဆိုရင် အခုပဲ Diary လေးကို ဖွင့်ဖတ်ကြည့်လိုက်ပါ အသင်မိတ်ဆွေ ......
