تابع القسم الثالث من الجزء 132..
#العشق_المتمرد "عندما يزهر الليمون
#جمان_فريد
⏳...
ورانيا تصفق وهي مبتسمه بعيون مدمعات...
صاين صوب عرب واعدهم..
لانبعد لانشوف بعدهم....
وهما يردوا وراها بحماس..
سعيده..
جدي الريم قري فاتحته...جاب العين اللي جارحته...
زغرطوا بعدين قعدوا يردوا وراها ورانيا تضحك بخجل..
نعيمه..
سلم وليد الخال الداني...ماخلاها للبراني..
وهما يردوا بهياجه وحماس..
رزان..
نور العين قري فاتحته..والقلب الشاقي ريحته..
زغروطوا...
وقعدوا يردوا وراها...
رباب
سلم بوك معلي شطك
للموج الواطي ماحطك..
دلال..
وان شاء الله تزهي ياعين..
تعيشي مع غاليك سنين..
مريم..
رنو ياعرجون الفل..
غلاها يرقى ماينزل..
والكل يغنوا ويصفقوا يزغرطوا وفرحانين من قلوبهم..
🍁لكن..
رزان كانت فرحتها معكرة..لأن عمتها كفايه مش حاضرة يوم مهم زي هدا..رزان كانت محمله نفسها الذنب كله..
وعمتها..
تهيج فعرس بنت وحده من صاحباتها..
حطها مروان غادي هي ونور قبل ليمشي للجامع..
🍃القلب لما يحقد ويقسى يظلم..يظلم صاحبه قبل مايظلم الناس المحيطين بيه🍃
🍁🍁🍁🍁🍁
مشوا النساوين الكبار لحوش الحاجه مبروكه..
غادي بيعشوا الرجاله..
اما حوش خيري ماقعدش فيه الا البنات..
كانوا متلاقيات ع رانيا..
اللي تختارلها شن تلبس..
واللي اديرلها فشعرها فاللاسترا..
واللي تمكيج فيها..
يجهزوا لجية راجلها❤..
💕💕💕💕
تهبلي تهبلي..
عسل يافرخه..
هادي كانت آراء مريم ودلال فطلة رانيا..
ورانيا كانت مبتسمه بحماس وهي متوتره..
كانت لابسه قفطان فيروزي غامق ضابط ع جسمها المتناسق والحلو..
كان طويل ومخصر..
وكمامه طوال..
من القدام من لوطا مفتوح للركبه..
ومن فوق مصكر للعند الترقوة..
والظهر كان عريان لفوق النص بشويه..
لبسوها اكسرها سلسله للظهر لونها ذهبي منظرها حلو هلبه..
وشعرها مرفوع بطريقه حلوة..
ومكياجها كان مناسب ليها ناعم وحلو...
وفيدها اليمين بس لابسه دبله..
ع خشة رزان وهي مبتسمه قالت:راجلك جي هيا اطلعي..
رانيا:مش اوفر ولا؟
رزان:وين الاوفر؟!راك عروس..بعدين غمز وهي تقول..ووخيي يستاهل..
ضحكوا البنات..
ورانيا ضحكت بخجل..
رزان بضحكه:هي تعالي..
رانيا خدت نفس وابتسمت..
بعدين مشت مع رزان..
مريم تنهدت وقالت؛ياريتني مكانها..
نخصتها دلال وقالت:ماطوليش حتى انتي..
شبحتلها مريم بتفنيصه..
ودلال غمزتلها وهي تضحك..
وجه مريم احمر خجلا وهي مبتسمه..
💕برا..
وصلت رزان برانيا لفم المربوعه..
رزان بإبتسامه:خشي..
ضحكت رانيا بتوتر..
طقت الباب..
بعدين فتحاته وخشت..
ورزان صكراته وراها..
💕هو كان مقعمز يراجي ..
لما طقت الباب..
ساوا كشابيته وحول طرف عمامته عن رقبته..
لما انفتح الباب وخشت..
وشافها..
توسعوا عيونه اللي كانوا يشوفولها بإنبهار...
وقلبه ذاب ذوبان من كثر ماانفتن بيها...
طلعت منه تنهيده من وسط قلبه المفتون الذايب..
قعد مسهم فيها..
وهي كذلك واقفه فمكانها ومسهمه فيه..
لحظات..
ورمزي ناض وقف..
هي قعدت تشوفله كيف وقف..
ومركزه ع حركه صدره المضطربه..
ضحكت..
رمزي رفع حواجبه وقال:شن يضحك فيك؟
رانيا شدت ضحكتها ومشتله..
وهو يتبع فيها بعيونه ويمرر فنظره عليها..
وصلت فيه ومدت يدها وقالت وهي مبتسمه بغرور:مبروك عليك اني..
هو رفع حاجبه وشبحلها من فوق لتحت..
هي ضحكت وقالت:هيااا..يدي ممدوده..
شبحلها شويه..
وهي تشبحله وقلبها بيطلع من مكانه من قوة الدق..
فجأه..
شدها من ذراعها وجبدها ليه...
حط ذراعها ورا رقبته..
وهو يشوف لعيونها وهي هايمه فعيونه..
خدي يدها التانيه وحطها ورا رقبته..
وحاوطها بإيديه الزوز اللي حطهم ع ظهرها..
رانيا تشوفله وبس والقلب صايرة فيه حاله💓..
هو قرب منها..ودفن وجهه فرقبتهاوغمض عيونه..
يشم فريحتها..يحس بيها...
يتأكد انها ولت ليه وحلاله خلاص...
اما هي كانت تحضن فيه وهي مش مصدقه مازال مش مستوعبه..يعني خلاص ولت ليه وحلاله ومعاش فيه بينها وبينه اي حواجز!؟..
سألت وهي فحالة عدم الإستيعاب هادي:يعني رمزي خلاص.. عادي توا تحضني!؟
رمزي فتح عيونه وزاد ضمها وقال:مش غير الحضن بس اللي عادي تو..راك وليتي مرتي مرتي..ليا اني حلالي عطاك ليا ربي تمت خلاص..
رانيا :هههههههههههه..
رمزي بضحكه؛ليش تضحكي؟
رانيا بضحكه:من الفرحه..
هو ضحك وقال:هبله💓
💕💕💕💕
فوسط الحوش..
كانوا رزان ورفقه مقعمزات يهدرزوا..
رفقه باسف:ياخسارة ياعمتي كفايه...
رزان تنهدت بضيق وقالت؛تصدقي رفقه والله بديت نقول فخاطري ياريتني ماخديت عماد..
شبحتلها رفقه وهي متفاجئة..
رزان :ماتستغربي يارفقه..ايه نحبه ونموت عليه موت لكن مانبي نفرق بينه وبين امه..والله لو كنت نعلم ان هكي بيصير ماخديته..انتي شوفي الحال لوين وصل!معقوله فيوم كيف هدى ماتجيش؟!
رفقه ضمت شواربها لداخل وقالت:بكري حماة عمتي زينب نجيه سألت عليها وجه عمتي زينب تخضر وتصفر وهي تقوللها بنتها مريضه قعدت حداها ماقدرتش تجي..
رزان بضيق:لاحول ولاقوة الا بالله...
🍁🍁🍁🍁
مقعمزه جنبه..
شادين في ايدين بعض وهما يشوفوا لبعض ويهدرزوا..
رانيا بعشق:نحبك نموت فيك...نحبك هلبه هلبه هلللبه..
هو ضحك وقال:باهي فهمنا..
عقدت حواجبها وقالت:من توا مليت ؟؟
رمزي بضحكه:ياودي ماملتيش لكن من بكري وانتي تقولي وتعاودي فيها واني مانضمنلك روحي لهدا هدرزي فحاجه اخرى..
رانيا رفعت حواجبها وقالت بإستعباط:كيف يعني ماتضمنش روحك؟
رمزي حرك عيونه وشبح لوحده من زوايا سقف المربوعه..
رانيا شدت ابتسامتها ..
تنحنح بعدين قربلها وهو مازال يشبح لنفس المكان..
لما وصل في وجهها شبحلها..
هي حركت عيونها وشبحت لزاويه تانيه وقربت..
لين ولى معاش في شي يفصلهم عن بعض..
هي غيرت عيونها وشبحتله..
لقت عيونه مركزات ع مكان واحد فوجهها..
غير عيونه لعيونها..
لما كانوا خلاص حيوصلوا اللي يبوه..
رن تليفون رمزي..
انخلعوا الزوز وبعدوا عن بعض...
هي تنحنحت..
وهو كذلك..
بعدين طلع التليفون من جيب الفرمله الدخلاني..
شاف المتصل..
غمض عيونه بنفاد صبر..
رانيا حطت يدها ع فمها وهي تضحك..
فتح رمزي عيونه وفتح الخط..
حطه ع وذنه وقال بملل:نعم..
"وين هدا كله"
رمزي:ليش متصل شن تبي..
"تعالى بيحطوا العشي قالوا ماناش واكلين شي لين يجي العريس"..
رمزي بإستفزاز:قوللهم يراجو شوي..
"تبي نجي نجيبك من غادي نتسايروا فالطريق يعني ماعنديش مشكله"..
رمزي بضجر:ياودي باهي هاني جاي غير حل بس..
وصكر عليه..
رانيا بضحكه:هدا حاله دار هكي لرباب راهو..
رمزي بشي من العصبيه:يديره ع غيري الجو هدى..
رانيا ابتسمت وهي تتأمل فملامح العصبيه ع وجهه..
شبحلها وهو يحط تليفونه فجيب الفرمله..
هي رفعت حواجبها ..
هو شبحلها شويه بعدين قال:مكره فيه هاااه..
حاوط خصره بيده وجبدها ليه وباسها..
هي معاش عرفت تنصدم ولاتضحك ولاتبادله القبله..
لكن هو اللي هام فيها خلاها تهيم معاه..
وقعدوا عايشين لحظه قعدوا سنين يتمنوها ويحلموا بيها..
بعدوا عن بعض شويه وهما يشوفوا لبعض بعيون مدبلها الشوق والهيام...
هو قال بصوت هادي:مرتي راك عادي..
هي ضحكت وقالت بنفس نبرة الصوت:عارفه..
شبحلها شويه..بعدين تنهد وقال؛احسلي انعدي نلحق ع العشي..
هي ضحكت بخجل..
بعد عنها بالسيف وناض..
خدي نفس وزفر بعدين شبحلها وضحك...
وهي ناضت والضحكه ع وجهها...
رمزي:بعدين نهدرزوا هدرزة طويله..
رانيا بإبتسامه:اصلا غدوة ماوراي شي خديت اجازة اليوم وغدوة...
رمزي بإبتسامه وهو رافع حاجبه:كويس..
مشي..
وهي مشت معاه..
وصلوا لباب المربوعه..
وقفوا الزوز..
هو قعد يشبحلها وهي تشبحله...بعدين ابتسمت وقربت منه وباست خده بعمق..
وهو غمض عيونه وراح فيها 💓..
بعدت وهي تشوفله..
هو فتح عيونه وابتسم بعدين قربلها وباسها من خدها بقوة..
بعدين بعد وفتح باب المربوعه بسرعه وطلع..
هي ضحكت ومشت اتكت ع قفص الباب وهي تشوفله بإبتسامه..
هو لما فتح باب الحوش التفت شافلها..ابتسم ع جنب..
بعدين شبح القدام وطلع وصكر وراه الباب..
وهي حطت يدها ع صدرها وتنهدت وساحت ع الباب زي الزبده 💓
💕💕💕💕💕
🌴🌴🌴🌴🌴
الساعه 12:00ليلا..
مقعمزة فدار المعيشه ترقد فولدها..
انخلعت هي وياه لما سمعوا باب الدار متاع خوها انفتح بقوة..
شبحت للباب..
شافاته فايت وهو يمشي بعصبيه..
استغربت هلبه وهي تحاول ترقد ولدها :ارقد ماما ارقد..ياجبرارة ياجبرارة ياسكر مافيه مرارة...
الوليد رجع غمض عيونه ورقد..
ع خشة اختها فيدها صفرة فيها زوز فناجين نسكافيه..
وصونيه فيها زوز طروف سينابون كبار..
وصلت حداها وقعمزت..
مرام:خيره ضو؟
هاجر:والله مانعلم من لما روح من طرابلس العشيه وهو هدى حاله..يقربع ويخبط وخلاص..حتى لما جبتله غداه رده عليا وقال مانبيش..
مرام بقلق:زعمه خيره؟
هاجر:شكله كان يخوف ماقدرت نسأله عن شي..
شوي فات من قدام الدار اللي هما فيها وخش لدار وقربع الباب وراه بقوة..
انخلع عمار وناض..
مرام رفعاته لحضنها وهي تقول:ارقد ماما ارقد..نني نني جاك نوم امك قمرة وبوك نجوم..
وعقلها يفكر فحال خوها ويتسائل شن اللي صاير معاه؟
🍁🍁🍁🍁🍁
تاني يوم...
الساعه 12:00صباحا..
طلعت من الكوجينه وفيدها صفرة قهوة وحلويات وهي تسمع لخالتها شن تقول..
كفايه:مانيش متحمله نشوف خلايقهم هي وامها..
رباب بلوم:اقلها جيتي ع خاطر امي ياخالتي..انتي حطتيها فموقف خي راك
كفايه:كان امك فمكاني والله ماعفساته وانتي تعرفي..
زينب شبحتلها برفعة حواجب..
مدت رانيا لخالتها بش تاخد وهي تقول:تفضلي خالتي..
خدت كفايه الفنجان وقالت؛شهاده من دينك يازينب لو كنتي مكاني مش حديري زيي؟
سكتت زينب وهي تشوف لبنتها كيف تفرق فالقهوة..
رباب خدت فنجانها وقالت:ياخالتي امي معروفه من يومها طبعها واعر وتحمل فقلبها...لكن انتي عكسها
زينب شبحت لكفايه وهي تراجي فالإجابه
ابتسمت كفاية تهكما وقالت::من اليوم وبرا غادي اعتبريني زي امك واحرف..هدا اللي يمشي مع زماننا هو..
زينب رفعت يدها لبنتها لما جت بتمدلها..
ولت رانيا بالصفرة فمكانها وقعمزت وهي تقول:مش مشكله خلاص المهم انك جيتي اليوم...
ابتسمت كفايه وقالت؛سلمها ياربي..تنهدت وهي تقول.. غير ان شاء الله ربي يكفيك شر سعيده وبنتها..
شبحوا زينب ورباب لرانيا..
رانيا قالت:خلونا فعملية حناي هي الأهم توا..
زينب:صدقتي بنتي..
شربت كفايه القهوة بعدم اهتمام لتلميح زينب بعدين قالت؛العمليه الساعه 2بتوقيتنا..
رانيا؛ايه..
وزينب ورباب يشوفوا لكفايه بضيق...
🌴🌴🌴🌴🌴
لمياء!!؟
سعيده؛ايه..والله بعيوني هدين ريتهن ونشدت عنها اخت العريس قالت :امها تقرب لامي من بعيد..
حميده:هي امس جابها خوها..ايه وقالت حطني هنى وهو مروح بأمي..لكن شي ماجابت سيرة العرس..
سعيده؛بجديات اني مستغربه ليش ادرق فيها وماقالت..
حميده سكتت شويه وهي تفكر بعدين قالت لسعيده:خليني اني تو نعرف بروحي نبيك بس ماطلعي الكلام هدى لحد توا.
سعيده:اصلا ماقت لحد كان انتي..
"حميده"..
حميده؛فالكوجينه يافضيله تعالي..
شويه وجتهم خشت عليهم..
ابتسمت لما شافت سعيده ومشتلها وسلمت عليها سلام حار وهي تقول:مبروك.ع رمزي والفال للفرح إن شاء الله..
سعيده بإبتسامه؛يبارك فيك..تسلمي يافضيله..
بعدوا عن بعض وفضيله تقول:ريناهن الصور فصفحة رزان كل شي جي سمح..
سعيده بإبتسامه:الحمد لله رب العالمين..
فضيله:ان شاء الله بهناه وراحته والفال لما ياخد الشهاده حتى هي بنديرولها عرس بروحها..
سعيده بضحكه:تي مش غير عرس هو..
حميده بإبتسامه:يارب كيف نهار امس..
سعيده:آمين يارب العالمين..
🍁🍁🍁🍁
الساعه 3:00بعد الظهر...
فالعاصمه المصريه القاهره..
في احدى اكبر مستشفياتها الخاصه..
قدام غرفة العمليات..
كانوا موجودين غاليه وامينه وحميد وأصيل..
يراجو ع نار امتى اتم العمليه اللي كيف بدت للحاجه فاطمه ع عينها..
ومش هما بس اللي يراجو..
صغارها كلهم وكناينها واحفادها..
هي ممكن تكون عمليه مش خطيرة..
بس اللي يديرولها فيها اهميتها كبيره لدرجة انهم مايتحملوش فيها نخصة الشوكه..
🍃مر الوقت وهما ع أعصابهم ويراجو...
لعند ما واخيرا..
طلع الدكتور وبشرهم..
"الحمد لله العمليه ناجحه ومافيش اي مشاكل من نوع حصلت اثناء العمليه"..
تنفسوا الصعداء..
وارتاحت قلوبهم...
وبشروا احباب الحاجه فاطمه..
اللي حتى هما اطمنت قلوبهم..
🍃🍃🍃🍃🍃🍃
21\2\2017
الساعه 7:00مساءا..
كان يوم مرواحة الحاجه فاطمه وغاليه وحميده لليبيا..
كان فإستقبالهم فالمطار..
هانيبال وميلاد ورمزي...
شافوا فاطمه كيف عينها مغطية بالشاش ولابسه نظارة طبيه..
قلوبهم انوجعت عليها..
لكن فنفس الوقت حمدوا ربي اللي جت ع هكي..
بعد السلام الحار بالاحضان والسؤال عن الأحوال..
طلعوا من المطار للسيارة وتوجهوا بطريقهم من مطار مصراته للبلاد
🍃عن طريق تونس مش مصر🍃
🌴🌴🌴🌴
حوش العيله معبي..
وكانوا دايرين عزومه عائليه لمرواحة ام العيله وسلامتها..
بإشراف فضيله...
اللي كانت تجري ع كل شي بمساعده سلفاتها وحماتها..
ولمياء بطق وتتفجر كانت فمرام وبلقيس وتو صبحت ففضيله اللي مش حيطلعلها معاها...
❤حناي جت..حناي جت..
مجرد سمعوا قصي..
مشوا كلهم طلعوا من باب الحوش القدامي..
منهم من وصل في المستراح ووقف فيه..
ومنهم من قعد واقف ع الركابه..
وعيون بناتها بشوق متلهفه لشوفتها..
نزل هانيبال ونزلها...
هي كانت لابسه حولي لونه موف غامق..
وحاطه فرشايتها المطبقه فيدها...
وشنطة يد فيدها التانيه...
بناتها طول مشولها بسرعه..
نعيمه وزينب ماحسوش برواحهم انهم يمشوا وهما حفايا..
وصلوا فيهل الأربعاء..
حضنتها زينب الأولى وهي تقول بدموع:حمد لله ع سلامتك يمي
فاطمه بإبتسامه:الله يسلمك يابنية روحي..
شافت لنعيمه لقتها واقفه جنبها ودموعها ينزلوا وتراجي..
مدت يدها وقالت:تعالن كلكن..
جوها طول وحضنوها مع بعض..
صغارهم وخوتهم ضحكوا برغم انهم متأثرين من الموقف..
اما غاليه اللي كانت مبتسمه وهي تمرر فنظرها ع الكل تعكرت ابتسامتها لما شافت مرام تبكي بصمت وهي تشوف لخواتها وامها..
تنهدت وقالت بصوت هامس:الله يرحم عمتي مرضيه..
🍁🍁🍁🍁
مع الساعه 9:00..
حطوا عشاهم للرجالة والنساوين..
واللي يعول ديما هو ياأخر من ياكل يامايلحق ع شي بكل وهدا كان حال فضيله...
كانت تشوف فحصص الغايبين...
لعند ماخشوا البنات...
رباب :مرت خالي خليتي لمؤنس...
فضيله وهي توتي في الصفر:ايه...
ع خشة بلقيس ورزان...
بلقيس:فيفي خليتي لمحمد ولا..
ضحكت وقالت:ايه..
رزان قعدت تشوفلها شويه بعدين قالت:مافضلش؟
فضيله:قعد حصتنا حني النسوان بس..
رزان:باهي حصتي اني خليها لعماد..
فضيله:قصدك جاي..
رزان:ايه قبل شوي كلمني وقال جاي..
فضيله:باهي كيف بتقعدي هكي؟
بلقيس:نقسم اني وياها..
رزان:والله ماك قاسمه حاجه خلاص...عادي مش لازم ناكل اي شي بعدين...
🍃عماد كان مسافر الفترة اللي فاتت وماكانتش رزان تعرف انه مروح اليوم..وهو كلمها وقال انه ضغط ع روحه بش يروح فهاليوم ويشوف حناه ولأنه كان شاك ماقدرش يقوللها🍃
🍁🍁🍁🍁🍁
وصل عماد بعد العشي..
اول ماجي خش لحناه طول وسلم عليها..
ولانها فمكان معبي بنساوين العيله..
سلم وطلع طول...
بعدين بعت رساله لمرته تويتله العشي..
يبي يتعشى قبل بعدين يمشي للمربوعه..
💕رزان وتتله عشاه...
وخدت الصفره ومشت بتطلع بيها من فم البوابه..
فتحت باب البوابه اللي كان مردود وطلعت بالصفره..
ناض بسرعه قدملها خداها منها وهو يقول:وزتي...
ضحكت..
شد يدها ومشاها شوي وقعمزها بعدين قعمز حداها..
عماد:جعان موت..
رزان :بعيد السو ياروحي..تعشا..
ابتسم وبعتلها بوسه طايره..
هي ضحكت..
عماد:ايه شن دايرة مع غريمي..
رزان بضحكه:يلعب داخل من تو..
عماد:شكله بيجي شيطان الشياطين..
شدت ذراعه وقالت:حرام عليك معاش تقول هكي..
عماد وهو يقلد فصوتها:معاش تقول هكي..زرياكه..
ضحكت..
ابتسم وبدي ياكل..
هي كان خاطرها فيه بس اللي قعد يدوب يسد راجلها اللي مروح تاعب من جري نهار كامل..
شبحلها وقال:تاكلي قلبي..
رزان:لالاالا كليت بكري لين قريب طلع من عيوني..
عماد بإبتسامه:صحتين ع قلبي ني..
🍃يقولوا ماحد يحسك زي امك..
بس الوقت يثبت ان مش كل شي ينقال نصدقوه ونديروه اية قرآنيه لاتحريف لها ولاتبديل ولايمكن تكون كذبه..
لان في من يحسك اكثر من امك..في والله في...
في من زوجات حبوا ازواجهم اكثر من امهاتهم..
في من زوجات كانوا لأزواجهم امهاتهم فعلا..
في من زوجات يشفقوا ع حال ازواجهم اكثر من امهاتهم..
مافيش ايه قرآنيه وحده قالت ان الام لايمكن في حد يحب ابنائها زيها...
الآيات اللي ذكرت حق الأم..ماتكلمتش ابدا ع العواطف والمشاعر..
مافيش ايه قال فيها الله تعالى ان البني آدم مش حيلقى حد يحبه اكثر من امه...
وهني رزان بحنها وعطفها كانت احن من كفايه علي عماد.. اللي مافكرتش تنوض تشوف شن صاير فيه بعد روح تاعب فهالوقت من سفر ودوشة طويله عريضه فجرة الاجراءات وعذاب انتظار الرحلات...🍃
🍃🍃🍃🍃
بعد مرور يومين...
الساعه 4:00عصرا..
طالعات من الكوجينه مع بعض ويتكلموا..
غاليه:مع العصر ماتعرفيش من يخش علينا مانبوا مشاكل..
حميده:ياودي باهي غير اسكتي..
وصلوا الزوز للدار..
وخشوا ع لمياء اللي كانت مقعمزة تتفرج ع التلفزيون..
كل وحده فيهم مشت قعمزت فتركينه..
حميده:امتى يروح عمر من زليطن؟
لمياء:المغرب قال..
حميده:اها... بعدين ضيقت عيونها وقالت..ايه حقه لميا بننشدك..
لمياء عقدت حواجبها وقالت؛على شني..؟
حميده؛يقربولك عيت *******
غاليه ركزت ع وجه لمياء اللي انقلب لونه للأصفر..
لمياء حاولت تخفي ربكتها لما قالت وهي تتكلم عادي:ايه..تعرفوهم؟
حميده؛هادم امهم.خالة ابتسام مرت سليمان خو سعيده.
لمياء قريب ماتت..
ومع هذا دارت روحها متفاجئة وهي تقول بإبتسامه:الله!منك نسمع...
حميده؛غريبه كيف ماتعرفيش..
لمياء؛علاقتنا بيهم مش قويه اقارب من بعيد وخلاص..
غاليه رفعت حاجبها.
حميده:اها..اني نحساب امك جت تحضر عرس ولدهم..
لمياء حست ان في شي يعرفوه:مش قتلك امي جايه ع خاطر خالتي..
حميده شبحت لغاليه وقالت؛معناها سعيده مشبهه عليهم..
انصدمت لمياء..
غاليه:اكيد..كان مشيتي راك قتي..
بلعت لمياء ريقها وقالت:اكيد مالا شنو علاش بندرقها؟!
غاليه هز راسها وقالت:حتى حني قلنا هكي..
"ياعيله"..
غاليه:هدي خالتي الزايرة..صبن صبن..
ناضت..وحميده ناضت معاها وطلعوا..
ولمياء ناضت ع مهلها وهي تقول فنفسها"شكلها شافتني ياغبارتي السودا وقالتلهم..وسعيده عاد تراجيلي فيها اكيد زبطت ان ماشيه بالدرقه حيي عليا كان يعرف عمر!!..
لازم نتغدا بيهم قبل ليتعشوا بيا"..
ومشت طلعت من الدار...
...يتبع...
