•••••••••မှတ်တမ်း ••••••••
2) အခုကတော့ ကိုယ့်အသိ ဦးလေးတစ်ယောက် ကြုံခဲ့ရတဲ့ "သရဲနဲ့ဆုံတွေ့ခဲ့တဲ့ ညနေခင်း" ဆိုတဲ့ အကြောင်းလေး ပြောပြပါမယ်
ဟိုတုန်းက စာရေးသူက မန္တလေးမြို့မှာနေတာမဟုတ်ဘဲ နယ်မြို့လေးမှာနေခဲ့ဖူးပါတယ်။
အဲ့တုန်းက နေခဲ့ဖူးတဲ့ အိမ်လေးကို ရောက်ဖို့က လမ်းနှစ်သွယ်ရှိတယ်။
လမ်းမကြီးကနေသွားရင် ဝေးလို့ စာရေးသူတို့ကတော့ များသောအားဖြင့် ဖြတ်လမ်းကနေပဲ သွားခဲ့ကြတယ်။
အဲ့ဖြတ်လမ်းလေးကို သရက်လေးပင်လမ်းလို့ ခေါ်တယ် ။ ဘာလို့လဲဆိုတော့ လမ်းအလယ်လောက်မှာ သရက်ပင်လေးပင် ထင်ထင်ရှားရှား ရှိနေလို့ ။ လမ်းက အဖြောင့်ကြီးမဟုတ်ဘဲ အဲ့သရက်ပင်နားမှာမှ အကွေ့အကောက်လေး။ တောလမ်းလေးလိုပဲ ကျဉ်းကျဉ်းလေးရယ်။ သရက်ပင်အောက်မှာလဲ ခြုံပုတ်တွေလဲ ရှိပြီး သရက်ပင်ကြီးတွေကလဲ ကြီးကြီးမားမား အုပ်အုပ်စိုင်းစိုင်း ညို့ညို့မှိုင်းမှိုင်းကြီးပေါ့ ။
စာရေးသူကသာ အဲ့လမ်းသွားနေကျမို့သာ မကြောက်တာ ။ သူငယ်ချင်းတွေကို တခါတလေ အိမ်အလည်ခေါ်သွားလို့ အဲ့လမ်းကနေဖြတ်ရင် သူတို့ခဗျာ ကြောက်ကြတယ်။ လမ်းရဲ့ပုံစံကိုက လူသူကင်းမဲ့ တိတ်ဆိတ်ပြီး ခြောက်ခြားစရာကောင်းနေတာ ။
အဲ့မှာ ဒီလမ်းလေးနဲ့ ပက်သက်ပြီး ဘာထူးခြားသလဲဆိုတော့ အဲ့သရက်လေးပင်နားက
သရဲခြောက်တယ်လို့ အပြောများကြတာပါပဲ ။ကိုယ်က အဲ့တုန်းက မကြောက်ခဲ့ဘူးရယ် ။ ခုမှ ပြန်တွေးရင်း ကြောက်နေမိတာ ။
ကဲ ခုစပြောတော့မယ်နော် ကိုယ့်အသိကြုံခဲ့တဲ့အကြောင်းကို။
တစ်နေ့ အဲ့ဦးလေးက မှောင်စပျိုးချိန် ညနေခင်းကြီးမှာပေါ့ အိမ်အတွက် အမဲသားစိမ်းတွေဝယ်ပြီး ပြန်လာသတဲ့လေ။
သူကလဲ မကြောက်မလန့်နော်။ညနေကြီး အသားစိမ်းတွေ သယ်လာရတယ်လို့။
အဲ့လိုနဲ့ သရက်လေးပင်နားရောက်တော့ ပထမသရက်ပင်ကို ကျော်သွားတော့အဟုတ် ဒုတိယအပင်နားလဲရောက်ရော အပင်ပေါ်ကနေ မဲမဲကြီးက ဝုန်းဆို ဆင်းချလာတယ်တဲ့လေ ။
YOU ARE READING
Ghost Diary {Completed}
Horrorဒီ Diary လေးထဲမှာ သရဲခြောက်ခံရတာတွေနဲ့ ပက်သက်ပြီး စာရေးသူ ကိုယ်တွေ့ကြုံခဲ့ရတဲ့ အဖြစ်အပျက်လေးတွေနဲ့ ကြားဖူးနားဝရှိနေတဲ့ အကြောင်းအရာလေးတွေ ပါဝင်ပါတယ် ။ စိတ်ဝင်စားတယ်ဆိုရင် အခုပဲ Diary လေးကို ဖွင့်ဖတ်ကြည့်လိုက်ပါ အသင်မိတ်ဆွေ ......
Diary {3}
Start from the beginning