Class Code: ERROR

Chapter 19: SAU Intramurals Opening Ceremony

==============

Bumangon ako agad na tila naghahabol pa rin ng hininga. Tumagaktak din ang aking pawis sa leeg na talagang kataka-taka kung tutuosin. Hindi naman ako nagjogging o kaya nama'y pinatay ang aircon sa dorm.

Rinig na rinig ko rin ang mabilis na tibok ng aking puso. Siguro sa pagkakataong ito ay binangungot na naman ako ng masamang bagay. Kahit nasa virtual world ako, wala pa rin akong takas sa mga panaginip at bangungot. Minsan pa nga'y pakiramdam mo nasa loob ka rin nito habang nilalakad mo ang isang pamilyar na lugar.

That kind of déjà vu feeling, everything's quite ubiquituous.

Pero, parang may mali yata.

Kanina kasi nasa rooftop ako kasama si Blaurei habang sinasabi niya sa'kin ang tungkol sa huling proseso ng Navillerian Metamorphosis at sa panaginip ko tapos...

Tapos bigla na lang uminit ang mga mata ko't nawalan na naman ng malay.

Para yatang nagkatotoo ang panaginip ko kanina tungkol sa babaeng nasa salamin na humawak sa mata ko. Ang weird. Everything seems to be true. Hindi ko maipaliwanag kung bakit ko sinapit ulit ang bagay na 'yon. Ngayon na kagigising ko lang ay wala lang nangyari.

Maliban ulit sa boses na aking narinig bago pa ako tuluyang nag-shut down.

Hay! Kailangan ko pang maghanda para sa opening ceremony ng intramurals ngayong araw na 'to.

Bumaba ako mula sa itaas ng double deck bed at dumiretso sa banyo. Siyempre, kahit nasa virtual world ka pa ay kailangan mo pa ring magkaroon ng daily routine lalo na sa kalinisan. I quickly get my bathrobe and black bath towel in my items vault and rushed to the things I have to do.

Matapos ang 45 minutes ay agad akong nagpatuyo at nagbihis ng damit. Natagalan ako sa pagligo dahil sa haba ng buhok ko. I chose to wear a gray crop top with turtle-neck and black harem along with the midnight blue denim jacket. May nakita rin kong varsity jacket ng Strelia Aurelis na ibinigay sa amin kahapon sa aking wardrobe settings. Basta na rin ako binigyan nito ng trainor ng badminton at arnis nang makapasok ako sa parehong team.

Ewan ko ba kung bakit pinayagang puwedeng magkaroon ng dalawang sports na sasalihan sa intramurals kahit isa lang dapat.

Siguro may ibang pakulo ang founder ng event na'to.

Lumapit agad ako sa malaking salamin na nasa tabi ng double-deck bed namin ni Mimi at nagsimulang mag-ayos ng buhok. Habang abala ako sa pagkuha ng aking mga tali sa buhok at pangtakip nito sa kulay asul na highlights mula upper hip hanggang sa may hita na. Minsan nga'y pinagtripan pa ako ni Ranzou at ni Mimi kamakailan lang kung bakit may malaking itim na siopao sa ulo ko. Kaya ang nangyari ay binatukan ko pareho.

Masasabi ko talagang hindi rin madaling itago sa kanila ang mapasailalim ka sa kakaibang metamorphosis na ito. Maliban sa huwag mo itong ipapahalata sa iba, huwag mo rin dapat ito ipagsabi kahit kanino, kahit pa 'yong mga kasamahan mo sa laro na alam na ang iyong virtual identity.

I tied my hair in a twin bun using a stretchable black hair holder and wrapped it using the black cloth and white ribbon. It was like a hairstyle derived from the character of Pucca but with a little change. Besides, ito rin naman ang hairstyle namin sa sayaw mamaya.

Pagkatapos kong mag-ayos sa buhok, natigilan ako saglit nang may napansin akong kakaiba. Right after I tied the white ribbon, I went closer to the mirror and check my eyes for a sec. Nang mas makita ko ito nang maayos, my eyes widened and gasped on what I just saw.