Battle Scars (Querio Series #2)

Kabanata 43

Kabanata 43

Nagmadali siya para bumalik sa kwarto niya. Bumisita siya sa mansyon ngayong araw dahil nabalitaan niyang hindi maganda ang pakiramdam ni Uno. May plano sila ni Athos at kailangan niyang maaccess ang study ni Uno kaya napagpasyahan niyang gawin ito ngayon.

Tinaon niya ito kung saan may sakit ang ama para hindi na magtaka ang organisasyon. Polo's not here. Nasa hospital ito kaya may masasabi na rin siya sa oras na itanong ni Uno kung nasaan ang kanyang 'asawa'. Civil na sila sa isa't-isa matapos nang nangyari sa meeting.

Ayaw ni Samuela na idamay si Polo sa lahat ng plano niya. This was hers and Athos' problem to solve.

Nagpahinga siya sa kanyang silid matapos magpakita kay Uno. Kailangan niyang planuhin ito ng mabuti.May ilang kasambahay ang bumabati sa kanya.

She was drinking water sa kitchen ng makita niya ang isa at bagong katulong roon. Ngumiti ito sa kanya at nagpatuloy sa pagpupunas ng mga wine glass.

"Nasaan si Uno?" she asked the maid.

"Nasa kanyang study po." magalang na sagot nito.

"Bago ka rito?" she asked again.

Tumango ang kasambahay.

"Who's holding the key for my Papa's study?" tanong niya.

Parang nagulat ang kasambahay sa sinabi niya. Binaba nito ang wineglass.

Seryoso pa rin si Samuela. Kailangan niyang mabuksan ang study nang sa ganoon ay maisagawa niya ang plano. Ayon sa kanyang obserbasyon ay nasa isang safe vault ang lahat ng mahahalagang papel ni Uno.

Kailangan niyang maaccess ang lahat ng ito.

"Naku, Ma'am Samara... hindi po ako puwede pa doon dahil bago pa ako. Sina Mayordoma lang po ang maaari."

Napapikit si Samuela doon. Ang mayordoma rito ay mahigpit ayon na rin sa ilang buwan niyang pananatili dito. Mukhang matapat kaya ganoon na lang kung mapagkatiwalaan ni Uno.

Kung naririto ang susi ay malabo niyang makuha ito ng hindi iyon nagsususpetya. Tuta ng kanyang ama ang mayordoma.

"It's good to know that. Thank you. Tapos na ako sa pag-inom, you may wash it." Nilapag ni Samuela ang wineglass at lumabas na doon sa kitchen.

Naglakad siya papalapit sa hall kung nasaan ang study. May ilang katulong ang naglilinis ng mga antique doon. Makaluma ang mansyon na ito kumpara sa bahay nila sa Forbes noon.

May ilang napapatingin sa kanya. Diretso ang lakad niya hanggang sa pintuan ng library katabi ng study. Hindi pa niya nabubuksan ay bumukas na ang pintuan ng study. Lumabas doon ang mayordoma na may dalang tray ng gamot at tubig.

Nagkatinginan silang dalawa nito.

"Señorita Samara," pagbati ng matandang mayordoma.

Hindi gumalaw si Samuela sa kinatatayuan at pinihit na lamang ang pintuan ng study.

"Nasa loob ng study si Papa? He drank his meds?" she asked.

Tumaas ang kilay ng mayordoma sa kanya at unti-unting tumango. Naguguluhan dahil ito ang unang pagkakataon na nagpakita ng pakialam sa ama.

"Mabuti na ang Señor Uno, Señorita. Ayaw niyang magulo sa oras na ito."

Hindi na siya binigyan ng pagkakataon na magsalita at umalis na.

"So, rude." Samuela whispered.

Umirap si Samuela at pumasok na lang sa library para magbasa. Isang oras ay narinig niya ang pagsara ng study at ang mabigat na yabag. Ang pamilyar na tunog ng baston ni Uno sa kahoy na sahig at umaalingangaw.