Kabanata 12
Kagaya ng pinangako niya kay Athos kagabi, ay tinupad ito ni Samuela. Nakaupo siya ngayon sa kotse at kasalukuyang nakikipagbakbakan sa traffic ng Manila.
Nakaupo sa tabihan niya si Pong habang si Tyler ang nagmamaneho. Tahimik silang tatlo at tanging ang mahihinang kanta mula sa radyo ang kanyang naririnig.
"Ma'am. Nandito na po tayo sa hospital." Ani Tyler at lumabas na.
Tumango siya at lumabas na din. Agad na dumikit sa kanya si Tyler at Pong pqra gabayan siya sa elevator papaakyat sa clinic ni Dra. Abarintos.
"Sigurado ba kayong magaling si Dra?" Tanong niya habang pinapanood ang pagakyat ng palapag base sa mga numero.
"Isang beses lang po namin nakita si Dra. Abarintos, Ma'am. Pero ang alam ko po, head po siya ng psychiatric ward dito."
"Okay. Mabuti naman." Iyon lang ang sinabi niya at ngumisi.
Tumunog ang bago niyang phone sa mensahe ni Major. Maaga itong umalis para sa ilang impormasyon na nakalap niya tungkol sa nightshade.
Mamaya ay pupuntahan niya ito sa opisina ng binata pagkatapos niya sa evaluation. Dumating sila sa ward. Nakangiti ang ilang nurses sa kanila. Hindi niya mawari kung dahil ba sa kanya o sa mga kasama niyang makikisig.
"May appointment kami kay Dra. Abarintos." Seryosong dumungaw si Tyler.
Pinagmasdan kong naaligaga ang nurse at nanginginig pang tumipa sa kanyang keyboard.
"Montecillo po? Pwede na po kayong pumasok, Sir." Aniya.
"Thanks." Simpleng sabi ni Tyler at ginabayan ako papunta sa opisina.
"Pinagbabawal na sumama kami sa loob, Ma'am. Kapag may problema kayo. Tumawag lang kayo. Dito lang kami ni Tyler." Sabi ni Pong.
Nag-okay sign lamang si Samuela at pumasok na sa loob. Kulay puti at asul ang opisina ng doctora.
Umupo siya sa couch. Lumapit ang isang assistant sa kanya.
"Ms. Montecillo? Wait lang po. Bumaba lang po saglit si Dra para sa ilang files." Ngiti nito.
"Okay. Thank you, Miss."
Kumuha si Samuela ng magazines para kahit papaano ay malibang siya. Hindi pa rin siya sanay sa amoy ng ospital. Sa talambuhay niya, tatlong beses pa lang niyang naamoy ang ospital. Una ay ang pagkamatay ng panganay niyang kapatid, sumunod ay sa kaibigan niya, pangatlo ay sa kanyang pinakamamahal na ama.
Nagpapasalamat siya na sa pagkamatay ni Serge, hindi niya naranasan ang amoy ng hospital. Kung hindi, ay wala na siyang magiging lakas pa, para magpakita dito.
"Magandang umaga."
Napalingon siya sa pintuan kung nasaan ang doktora na malawak ang mga ngiti sa kanya.
Tumikhim siya at binaba ang magazine para maglahad ng kamay.
"I am Samuela Montecillo." She smiled.
YOU ARE READING
Battle Scars (Querio Series #2)
General FictionMajor Athos Prescott Querio, is the pride of the Special Forces Unit. He's one of a kind. His records are all excellent, not even a single failed mission. He spent many years living in the mountain ranges, hunting terrorist and vigilante groups for...
