BOOK 2: Confession of a Gangster (Completed)

Confession 23: Savage Chameleon 1

Confession 23: Savage Chameleon 1

 

Kris’ POV

 

Oo, desperado na akong tao para maisipang lapitan si Alice sa hindi ko rin malamang kadahilanan. Instinct ko lang ‘to na siya na ang lapitan dahil hindi maasahan si Coller sa mga panahon na ito. He’s damn missing in action! F*ck it! Kung kailan naman kasi kailangan namin siya bilang leader ng Temple Island saka naman hindi siya mahagilap sa kahit saan. P*nyeta pang cellphone at email niyang ‘yan dahil wala namang silbi sa paghahanap sakanya! Nakita ko ng minsan kung paano lumaban si Alice at alam kong matalino rin ito kaya kahit naman suntok sa ego ko ‘to, no choice but to swallow my pride and asked for her help.

At kung bakit ako ganito umarte ng malaman ko kay Tao ang mga banta sa buhay ni Tyra? Simple lang. Girlfriend ko kasi si Tyra Huang. At isa pang nakakagulo sa isip ko ay kung sino ang gagawa nito dahil wala na kaming atraso sa kahit na sinong gang. Tahimik na rin ang Arendelle Mafia kaya wala akong kahit na katiting na clue kung sino ang gumagawa ng mga threats na ‘to. I even plead para lang dito. Put*ngna lang talaga!

“Anong maitutulong ko?”

 

Parang gustong magdiwang ng kalooban ko noong marinig k okay Alice ang mga katagang ‘yan. Pinagmasdan ko muna siya na hindi kakikitaan ng kahit na anong emosyon, maging ang mga mata nito ay blangko pero wala na muna akong pakialam doon. Basta kailangan ko siya para matigil na ang mga threats na ito.

“Mamaya, magkita tayo sa place ni Tao. I’ll send you the address,” sagot ko sakanya na may tipid na ngiti.

Tumango lang ito at akmang aalis na ng napatigil ito at nanlaki ang mga mata habang nakatingin sa likuran ko kung nasaan ang pinto. Tumalikod na rin ako para tingnan ang dahilan ng ikinatigil niya ng mapansin ang dalawang tao.

“May kausap ka pala. Siguro next time na lang natin ituloy ang laro natin, may pupuntahan rin kasi ako,” sambit ng isang haponesa kay Alice bago sandaling ibaling ang tingin sakin. Ngumiti ito bago ibalik ang tingin kay Alice. “Biglaan kasi e,” nahihiyang dugtong niya.

Binaling ko naman ang tingin kay Oz Bezarius na matalim na nakatingin sakin habang nakakuyom pa ang mga kamay. Halata sa pagtagis ng panga nito na hindi niya gusto ang nakikita niya. I know what he’s thinking now but I don’t give a f*cking care anymore. Nagpunta ako dito na may malinis na intension kaya hindi ko kailangang magpaliwanag sakanya kung bakit nasa loob ako ng girl’s shower room kasama ang rumoured girl na idinedate niya. Pero as a token for Alice’s help, magpapaliwanag ako kahit na hindi naman kailangan. Ayoko lang maging dahilan ng away nila. May Tyra na ako for pete’s sake.

Humugot muna ako ng isang cigarette stick saka ito sinindihan bago mamulsa. I puffed twice at ibinaling ang tingin sa tatlong kasama ko na binabalot ng katahimikan. Pinagmasdan ko si Alice na blangko pa rin ang mukha, may tipid na ngiti naman ‘yong haponesa habang may maitim na aura pa rin si Oz.

“I came here to ask her for something, and that something is obviously none of you fishy businesses,” pacool na paliwanag ko na hindi inaalis ang tingin sa tatlo. “And I’m done asking her, so if you’ll excuse me may gagawin pa ako.” Hindi ko na sila inantay pang sumagot at dumiretso na palabas pero bago pa man ako tuluyang makalayo ay naramadaman ko na ang isang hawak sa braso ko na agad namang nakapagpatigil sakin sa paglalakad.