BY THE WAY, HIS NAME IS JACK FROST

[15] A Good Friend

Hindi ko ma-explain ang reaksyong meron ang babaeng may luhaang pisngi habang nakatingin sa akin. Itinago ko ang kamay kong kumakaway at awkward na ngumiti sa kanya. Inis siyang tumingin sa gangster na kasalukuyang nakatalikod sa kanya at nakaharap sa akin.

"Until when Jack? Until when are you goin' to push me away? Until when are you goin' to tell everybody that this girl is your girlfriend? I know you very well, Jack. When will you stop?"

Hindi umimik ang gangster sa tanong niya at umastang walang narinig at saka lumapit sa akin. Nagulat ako nang bigla niya akong hablutin sa may wrist ko.

"Let's go," utos niya at saka hinila ako paalis ng kama pero agad ko naman siyang pinigilan.

"Teka lang! Masakit!" inda ko nang maramdaman ang pagkirot sa may paa ko.

Napatingin siya sa paa ko at nakitang nababalutan ito ng bandage.

"You've sprained your ankles?" kunot noong tanong niya.

Awkward akong tumingin kay Jasmine na masamang nakatingin sa akin.

"Ako kasi 'yung nakabanggaan niya. Nahulog kami parehas sa hagdan," naiilang na sagot ko.

Akala ko ay makakatanggap ako ng mura o kahit anong salita mula sa kanya dahil nang dahil sa katangahan ko ay nabalian ang babaeng 'he cares for more than anything else' pero laking gulat ko nang bigla na lang niya akong binuhat katulad ng sa mga bagong kasal.

"A-Anong ginagawa mo?" hindi makapaniwalang tanong ko.

Hindi siya umimik at magsisimula na sanang maglakad paalis habang buhat ako nang magsalitang muli si Jasmine.

"Until when, Jack? Until when are you goin' to do this to me?! Until when?"

Saglit na natigilan ang gangster sa pag-alis. Sa palagay ko'y kahit nakatalikod siya sa kanya ay alam niyang umiiyak ito. Iniangat ko ang tingin sa mukha niya at nakita ko ang mariin niyang pagpikit bago tila nagdadalawang isip na ipinagpatuloy niya ang pag-alis habang buhat-buhat ako. It was obvious something was holding him back pero mas pinili niyang umalis.

"Why are you doing this?" tanong ko habang patuloy siya sa pagbuhat sa akin.

Hindi niya ako inimik at ipinagpatuloy lang ang paglalakad palabas ng clinic.

"I don't understand you, gangster. Why are you doing this?" pangungulit ko dahil gulong gulo na rin ako sa mga nangyayare.

Saglit siyang huminto sa paglalakad at inilipat ang malamig na tingin niya sa akin.

"You don't have to understand me. I don't need you to understand me. So will you shut the hell up?" sagot niya at saka ipinagpatuloy ang paglalakad.

Hindi ko alam kung bakit tila isang matalim na bagay ang mga salitang binitiwan niya at nasugatan ako.

Pagkalabas namin ng clinic ay nagulat ako nang napakaraming tao ang naabutan namin na tila mga chismoso't chismosa na nag-aabang sa labas. Halos sabay-sabay ang lahat na napanganga nang makita akong buhat-buhat ng gangster paglabas.

"Huy! Akala ko ba'y si Jasmine ang pinuntahan niya?"

"Diba si Jasmine ang nahulog sa hagdan?"

Punong-puno ng bulungan ang paligid habang tila balewala lang naman sa gangster na ito ang nangyayare at tila inaasahan na niya ang ganitong scenario.

"Siya ata 'yung babaeng kasama ni Jasmine na nahulog sa hagdan!"

"Edi ibigsabihin siya 'yung pinuntahan ni Frosty, hindi si Jasmine?"

"So totoong sila ni Summer at hindi lang siya ginagamit ni Jack para tigilan ni Cherry at pagselosin si Jasmine?"

"Kung si Jasmine at Summer ang nasa loob, ibigsabihin si Summer ang pinili ni Snowman over Jasmine?!"