SAKIT SA BAWAT PAGPIKIT
Sumapit na naman ang gabi
Impit ang paghikbi
Hindi maalis ang hapdi
Inaalala ang iyong mga sinabi
Nakitang may katabi
Masaya ka sa kaniyang piling
Tila ba'y nawaglit na sa isip
Na ako ay naghihintay pa rin
Nasa isang gilid lang nagmamasid
Kailan ka kaya aalis sa kaniyang tabi
Tatalikod at magbabalik sa akin
Gugunitain at muling ngingiti
Sasabihing ako pa rin
Ang iyong pinipili
Ang palaging hahanapin
Umaasang ako pa rin ang iyong iibigin
Pero ito'y isa lamang panaginip
At nagawa ko muling umidlip
Dahil sa aking paghikbi
Napapagod ang pusong pinupunit.
YOU ARE READING
Isang Daang Patak Ng Tula (COMPLETED)
PoetryIto ay antolohiya ng mga tula na tungkol sa pagmamahal, pagkasawi, pagpapaubaya, pagpapalaya at paghilom. Ang bawat pagpatak ng luha ay may katumbas na isang tula. Nawa'y magustuhan at maantig ang puso niyo sa mga tulang ito. Magawa sanang mayakap a...
