NAPUNDING KANDILA
Ako'y hindi na maligaya
Sa mga bagay na dati'y nagbibigay ng galak
Matapos maloko dahil sa tuwa
Sinabihan mong peke at walang katotohanan
Pampalubag ng loob lang ang tinatamasa
Nawala bigla ang apoy sa kandila
Namatay, nandilim at bumigat ang pakiramdam
Matapos kong buohin at paghirapan ang mga obra
Bumabalik muli sa kagubatan ng pagdududa
Nandito na naman sa isang sulok at nasasaktan,
Umiiyak dahil sa simpleng salita
Na gumuguho sa aking sistema
Wala sa huwisyo at nakatulala
Patuloy na tinatanong kung totoo ba?
Bakit? Paano? Ano ang dahilan?
Mga tanong na walang kasagutan
Hindi malaman ang katotohanan
Hindi maitanong ng harap-harapan
Walang lakas upang harapin ang pinagdaraanan
Natatakot sa maaaring kalabasan
Na baka nasa isip lang pala
At walang katuturan
Na masyado ko lang dinadamdam
At ang nararamdaman ay imbento lamang
BINABASA MO ANG
Isang Daang Patak Ng Tula (COMPLETED)
PoetryIto ay antolohiya ng mga tula na tungkol sa pagmamahal, pagkasawi, pagpapaubaya, pagpapalaya at paghilom. Ang bawat pagpatak ng luha ay may katumbas na isang tula. Nawa'y magustuhan at maantig ang puso niyo sa mga tulang ito. Magawa sanang mayakap a...
