ULIT
Nakakatawang isipin na nawala lang ako saglit
Naging masigla pa kayo sa dati.
Mas marami ring gawi na hindi ako kasali
Para bang hindi ako kabilang sa samahan natin.
Ang galing!
Para akong anino na hindi mapansin
At para ring baliw na kapag dumating tatahimik
Iniiwasan rin na tila ba ay may nakakahawang sakit
Napakasakit isipin na kailangan ko na naman itong danasin
Ang mangapa sa dilim kung saan sa akin walang sasagip
Hahawakan ang kamay ko na parang isang paslit
Na naiwan, natatakot sa dilim at humihikbi
Siguro ganito nga talaga, sa umpisa bumabalik,
Mag-isang maglalakbay at ang kasama lang ay ang sarili
Hindi kailangang may kasama para ngumiti
Hindi kailangang marami ang katabi.
Ngayong gabi iiyak na namang muli
Sapagkat sumisikip na naman ang dibdib
Habang yakap yakap ang kumot at mga unan sa tabi
Naiwan na namang mag-isa ulit.
YOU ARE READING
Isang Daang Patak Ng Tula (COMPLETED)
詩歌Ito ay antolohiya ng mga tula na tungkol sa pagmamahal, pagkasawi, pagpapaubaya, pagpapalaya at paghilom. Ang bawat pagpatak ng luha ay may katumbas na isang tula. Nawa'y magustuhan at maantig ang puso niyo sa mga tulang ito. Magawa sanang mayakap a...
