DUWAG
Panibagong tula na naman ang aking sisimulan
Ikaw pa rin ang paksa ng aking piyesa
Kahit paulit-ulit ay hindi magsasawang
Isulat ang mga salitang hindi kayang ipagsigawan
Ayaw kong umamin kasi takot akong masaktan
Dahil baka itong aking nararamdaman
Ay isang maling akala na naman
Takot rin akong maiwan at mawalan
Kagaya ng pag-amin ng nararamdaman
Sa taong dapat ay kaibigan lamang
Mananatiling lihim at ayaw kong ito ay iyong matuklasan
Takot akong mabigong muli't malaman na ikaw ay may ibang minamahal
Kaya isusulat ko nalang
Saksi ang pluma at papel sa pagtulo ng aking luha
Dahil sa kawalan ko ng lakas ng loob at
Maduwag sa pagtuklas ng katotohanan
Bakit kailangan kong masaktan?
Nais ko lang namang magmahal
Palaging pinangungunahan ng takot at pangamba na baka mawalan
Ng matalik na kaibigan dahil sinubukang aminin ang nararamdaman
Hindi na ako aasa na baka posibleng parehas tayo ng nararamdaman
At sa huli malaman na ang lahat ay ilusyon lamang
Dahil ako ay isang kaibigan lang
Na minamahal ka kahit wala kang kaalam-alam
BINABASA MO ANG
Isang Daang Patak Ng Tula (COMPLETED)
PoetryIto ay antolohiya ng mga tula na tungkol sa pagmamahal, pagkasawi, pagpapaubaya, pagpapalaya at paghilom. Ang bawat pagpatak ng luha ay may katumbas na isang tula. Nawa'y magustuhan at maantig ang puso niyo sa mga tulang ito. Magawa sanang mayakap a...
