HUSBAND AND WIFE

Chapter 11

CHAPTER 11

Thaddeus Art

Palihim akong nakamasid at nakikinig sa bahay nina Eren. May kung ilang araw ang lumipas na hindi ko siya nakikita. Gustuhin ko man siyang tawagan o i-chat ay nag-aalala akong pagmulan pa iyon nang 'di nila pagkakaunawaan. Wala naman akong matanong dahil mukhang pinaalis na rin ang katulong. Kahit pa wala naman akong karapatang mag-alala ay hindi ko maiwasan. Napakabuti ni Eren para makaranas nang ganoon.

Humugot ako ng malalim na buntonghininga at isinarado na ang pinto. Parating na asawa ko. Kailangan ko na ring umayos at matutong 'wag na makialam sa isyu ng ibang tao.

Aakyat na lang sana ako sa ikalawang palapag nang biglang mag-ring ang aking cell phone.

Si Eren!

Dali-dali ko iyong sinagot. "Hello, Eren—"

"Thad, help me... Please, help me..." umiiyak pang aniya.

"I'll be right there!" walang pagdadalawang-isip kong sabi sabay nagtatakbo palabas ng bahay papunta sa ikalawang pinto.

Nakabukas na iyon at naabutan ko si Eren na nakaupo sa sahig...

Duguan.

Shit.

"Help me, please... M-my b-baby, Thad... Ang b-baby ko..." umiiyak na pagmamakaawa pa niya.

"Be strong, Eren. Be strong..." naaawang bulong ko sabay pangko rito papunta sa sasakyan ko.

Kulang na lang ay paliparin ko ang aking sasakyan papunta sa Greene's Hospital. Nang makita ang dugo sa damit ko ay saka na lang nag-sink in sa akin ang nangyari.

I really hope I was wrong.

Tahimik akong naupo sa isang sulok habang hinihintay ang doctor. Nang makalabas ito sa operating room ay malungkot na mukha ang isinalubong nito sa akin.

"I'm so sorry... We tried our best... but she lost her baby. I'm sorry..."

Malungkot akong tumango at nagpasalamat dito. Nasisiguro kong magluluksa nang husto si Eren. She desperately wanted her baby to live.

Wala ako sa sariling naupo sa isang tabi at tumingin sa kawalan. Sinulyapan ko ang cell phone ni Eren at nakita ang isang missed call doon galing sa asawa nito. Hindi ko na rin narinig kanina sa sobrang taranta.

Nagtipa ako ng maikling mensahe at agad na itinago iyon. Siguro naman ay naintidihan na niya ang ibig kong sabihin.

Pero hindi pa man ako nagtatagal sa pag-upo ay humahangos na lumapit sa akin si Christoff. He must be somewhere near, huh?

"How is she?!" tarantang tanong pa niya. "I was busy at work and I didn't hear her calls—"

"Fucking asshole..." bulong ko sa kawalan.

"What did you just say?" kunot-noo pa nitong baling sa akin.

Sa halip na sumagot ay umiling lang ako at humugot ng malalim na buntonghininga. Alam kong hindi rin matutuwa si Eren kung magkakagulo pa kami ng asawa nito.

Nang mag-ring ang cell phone ko ay ganoon na lang din ang gulat ko.

Shit. Si Lauren!

Sinagot ko ang tawag at dumistansya muna kay Christoff.

"I'm sorry, hon... Nasa GH ako..."

{What?! Ano'ng ginagawa mo sa hospital? May nangyari ba sa 'yo?!} magkakasunod pa niyang tanong.