THIRD PERSON__
It's been three days pero mahimbing pa rin ang tulog ng kambal, hanggang ngayon ay hindi pa rin sila nagigising. Nasa loob pa rin sila ng Vaughn Village, iyon ang naging usapan ng dalawang alpha para na rin sa kaligtasan nila.
Ngayon ay parehong nagbabantay ang dalawang alpha habang seryosong nakaupo at pinagmamasdan ang kambal na natutulog sa magkaibang kama. Nasa guest room sila ng Vaughn Mansion.
"Ahem." Tumikhim si Alpha Andreighus.
Napalingon naman sa kaniya si Alpha Tyler at napacross arms. Seryoso niyang tinitigan si Alpha Andreighus dahil alam niyang may sasabihin ito sa kaniya.
"Well, about the prophecy. I know you are aware of it." Panimula ni Alpha Andreighus.
Napaayos naman ng upo si alpha Tyler at gaya kanina ni Alpha Andreighus ay napatikhim din ito pagkarinig sa salitang 'prophecy'.
"Then?" Seryosong tanong ni alpha Tyler.
"I am planning to talk to someone." Seryosong sagot din ni alpha Andreighus.
"The Prophecy Keeper?" Mahina ngunit sapat na tinig upang marinig ito ni Alpha Andreighus.
"Yes." Simpleng sagot ni Alpha Andreighus.
"When?" Tanong ni Alpha Tyler.
"Tomorrow." Sagot ni Alpha Andreighus na sinundan ng isang malalim na buntong-hininga.
"Sasama ako sa iyo." Sagot ni alpha Tyler na ikinalingon ni alpha Andreighus sa kaniya.
********
Kinabukasan........
ANDREIGHUS' POV
"Ang gulo naman dito, sigurado ka bang ito ang daan papunta roon?" Naiiritang tanong ni Alpha Tyler.
Nasa daan na kami para puntahan ang Prophecy Keeper. Medyo magulo nga rito, galing kaming kagubatan tapos ngayon ay may tunnel na puno ng ugat ng puno na nakapalibot dito, hindi madilim dahil sa mga butas sa itaas na parang sinadya talagang butasan upang magkaroon ng sapat na liwanag sa loob. May mga halaman din at syempre basura na hindi naman karamihan.
"Oo sigurado ako." Sagot ko naman. Kaming dalawa lang ang pumunta upang may magbantay sa dalawang pack at sa kambal.
Sa ngayon ay wala pang ginagawang move si Alpha Gordon at hindi ko pa kinokompronta si Gamma Rufus, dahil gusto ko muna makasiguro at mapatunayan talaga na siya ang namumuno sa pagtatraydor sa akin, sa pack.
"Tsk. Ilang oras na tayong naglalakad. Malayo pa ba?" Tanong muli ni alpha Tyler.
"To be honest........" Sabi ko.
Tinignan naman ako ni alpha Tyler ng may pagtataka sa mukha.
"..... This is my first time na puntahan siya." Dugtong ko sa naunang sinabi ko.
"What?!" Hindi nakapaniwalang nasabi ni Alpha Tyler na may nanlalaking mga mata.
"I know the place, pero never ko pang napuntahan." Sagot ko.
"How? Ibig kong sabihin, paano mo nalaman kung hindi ka pa nakakapunta?" Curious na tanong ni alpha Tyler.
"I saw the letter from my dad's office before. They often met to update the prophecy." Kibit-balikat na sagot ko.
"Pambihira. Bilisan nalang natin." Sabi ni alpha Tyler at nauna nang maglakad palabas ng tunnel.
Alam ko naiirita na siya dahil ilang oras na kaming naglalakad, at muntik pa maligaw ng daan. Alas singko kami umalis ng pack at ngayon ay almost 8 na ng umaga. May dala naman kaming sasakyan pero hindi iyon magiging useful sa daan papunta sa Prophecy Keeper.
Paglabas namin ng tunnel ay isang napakagandang tanawin ang bumungad sa amin, isang malawak na garden na maraming mga lumilipad na mga butterflies and birds. Halos lahat ng klaseng bulaklak ay narito at naka organize. Malalago rin ang mga damo at napakalinis tignan dahil sa kulay. May fish pond rin akong nakita na nakapalibot sa isang napakalaking puno sa gitna na may bahay sa itaas na gawa sa woods.
"Wow." Halos sabay na sabi namin ni Alpha Tyler dahil sa kamanghaan.
Napakaganda dito at napakatahimik, nakakarelax ang atmosphere. Napakasariwa rin ng hangin na kay sarap langhapin kaya napapikit ako.
"Hindi tayo nagpunta rito upang magliwaliw, alpha Andreighus." Napamulat ako ng mga mata dahil sa sinabi ni alpha Tyler.
"Oo nga pala. Sorry." Nasabi ko nalang.
Tama, nandito kami ngayon dahil sa kambal. Hindi para magrelax at mamasyal. Haaay. Umayos ka Andreighus. Tsk.
"Tara na." Aya ni Alpha Tyler.
Naglakad na kami papunta sa harapan ng malaking puno. May hagdan na gawa rin sa wood na nakadikit sa kahoy ng puno.
"Aakyat ba tayo, Alpha Tyler?" Tanong ko.
"Joke ba 'yun, Alpha Andreighus?" Masungit na tanong din pabalik ni alpha Tyler.
"Sabi ko nga aakyat tayo." Sabi ko at nauna nang umakyat.
"Isip din alpha Andreighus. Alangan mag-antay tayo ng siyam siyam sa ibaba hanggang makita tayo ng prophecy keeper. Tsk." Sabi ni alpha Tyler na nakasunod sa akin.
Hindi nalang ako umimik. Nagpatuloy nalang ako sa pag-akyat dahil wala ata sa mood si Alpha Tyler.
Sa itaas ay may maliit na teresa ito, kulay white ang pintuan pati ang bubong at ang teresa, pero brown ang pader ng tree house. Hindi ito kalakihan, parang pambata pa nga ang dating e. Talaga bang dito nakatira ang prophecy keeper? O naligaw lang kami? Eh!
Paglingon ko kay Alpha Tyler ay seryoso itong pinagmamasdan ang kabuuan ng tree house, parang pinag-aaralan nito ang bawat detalye ng bahay.
Nagkibit balikat nalang ako at humarap sa pintuan, wala dapat kaming sayangin na oras. Kailangan makabalik kami kaagad sa pack bago mag-gabi.
*knock knock knock*
Kumatok na ako sa pintuan. Pero mukhang walang tao sa loob, napakatahimik sa loob. Walang maririnig na kahit anong ingay.. Kumatok akong muli pero wala pa rin nagbubukas ng pintuan.
"Wala atang tao." Sabi ko.
"Ha?" Sabi naman ni alpha Tyler.
Sumilip kami sa bintana, napakaliit ng loob at hindi mukhang prophecy keeper ang nakatira.
"Tama ba napuntahan natin, alpha Andreighus?" Tanong ni alpha Tyler.
Kinuha ko ang papel at chineck itong muli. Paulit-ulit ko itong tinitigan, at walang mali. Tama naman ang address na napuntahan namin.
"Tama naman." Sagot ko.
Lumapit siya sa akin at parehas namin chineck ang papel, wala kaming makitang mali sa nakasulat. Pero bakit walang tao rito? Nasaan ang prophecy keeper?
"Sino kayo?"
Napatalon kami sa gulat ni alpha Tyler. Lintik! Sino bang nanggugulat na ito? Pambihira. Tsk.
Pagharap namin ay natulala ako sa aking nakita. Isang babae na nakasuot ng white cloak, natatakpan ng tela ang kalahati ng mukha niya. Nakasuot ito ng mahabang bestida na hanggang sakong at may kulay na puti rin. Wala itong sapin sa paa ngunit mukhang napakalinis ng mga paa niya kung titignan. Mukha siyang cold goddess.
"I am Alpha Tyler Klaude Vaughn from Dark Sky Pack and he is Alpha Andreighus Sheridan from Moonlight Pack." Natauhan ako pagkarinig sa sinabi ni alpha Tyler. Siya na ang sumagot sa babae.
"Sheridan? Ikaw ba ang anak ni Agustus Sheridan?" Tanong ng babae.
Hindi naman siya mukhang mataray pero napakacold ng boses at pati ng expression niya.
"A-ako nga." Sagot ko.
Tinitigan niya akong mabuti. Bigla naman bumilis ang tibok ng puso ko.
May hindi tama rito.
"Tara sa loob." Seryosong sabi nito at nilagpasan na kami.
Nagkatinginan kami ni alpha Tyler. Siya ba ang prophecy keeper? Bakit ang bata naman yata niya?
"May hindi tama." Sabi ko.
"Anong ibig mong sabihin?" Tanong naman niya.
Mahina lang ang boses namin, nasa loob na ng tree house ang prophecy keeper.
"Ewan, bumilis ang tibok ng puso ko at parang hindi makahinga ng tinitigan niya ako." Paliwanag ko.
Pero walang reaction si Alpha Tyler. Imbes magulat o magtaka ay iba ang nasaksihan ko. Bigla siyang ngumiti kasunod ang ilang ulit na pag-iling.
"Why?" Takang tanong ko.
Pero tinapik niya lang ang balikat ko at umalis na siya, pumasok na sa loob ng tree house at iniwan akong may confusion sa mukha na nag-iisa.
Naiiling na rin ako, wala man lang ba siyang nararamdamang kakaiba? Manhid ba siya? Seryoso ako dito ay. Tsk.
Wala na akong nagawa kundi ang sumunod na sa dalawa. Pero laking gulat ko ng pagpasok ko sa loob ay ibang iba sa nasilip ko sa bintana sa labas. Pati si alpha Tyler ay gulat na gulat din.
"Bakit ganito?" Nausal ko sa kabiglaan.
Lumabas ako at maliit ang tree house, pumasok ako at napakalawak na bahay. Ilang ulit ko iyong ginawa hanggang sa mapagod ako sa labas pasok na ginawa sa tree house.
Sa loob ay napakaraming libro na nakaayos sa isang malaking bookshelf. Marami ring kemikal na para ata sa mga potions. Maraming gamit at kasangkapan ang narito. Kahit maraming gamit, napakalinis parin ng loob at nasa ayos ang lahat.
"Ang tree house na ito ay nasa ilalim ng spell kaya ibang iba ito sa loob kumpara sa labas." Paliwanag ng prophecy keeper.
"What's your name?" Tanong ni Alpha Tyler.
Napalingon naman ako sa babae, wala na ang suot nitong cloak pero natatakpan parin ng buhok ang kalahati ng mukha, parang itinatago niya sa amin ang buong mukha niya.
"Ako si Herisha Neville." Seryosong sabi ng babae.
"Herisha Neville?" Sabay na sabi namin ni alpha Tyler.
Sinilip ko ang papel, Herisha Neville ang pangalan niya? E sino itong nasa sulat na pangalan?
"Sino si Letecia Neville?" Tanong ko.
Hindi ito sumagot. Tinitigan niya lang kami ng seryoso. Nailang ako sa mga titig niya, hindi ko magawang sabayan ang bawat titig na pinupukol niya sa amin ni alpha Tyler.
"Ang aking namayapang ina." Seryosong sagot niya.
Nagkatinginan kami ni alpha Tyler na gulat. Patay na ang ina niya na binibisita ng aking ama noon? But how? And when?
Tumalikod ito sa amin at may kinakalilot. Hindi namin makita kung anong ginagawa niya, basta nagpakabusy na siya.
"Alam kong gusto niyo malaman kung bakit at kailan, halata sa mukha niyo." Biglang salita nito.
"Ahem." Napatikhim ako.
"Well...." Tanging nasabi ni alpha Tyler.
"Dalawang taon na ang nakalipas. May dumating dito na nababalutan ng kadiliman ang awra, pilit niyang inaalam ang isang bagay na ayaw sabihin ng aking ina. Dahil sa hindi mapaamin si Inang Letecia ay pinatay ito at sinunog ang aming tahanan." Kwento ni Herisha. Still cold voice.
"Nasa loob ako ng tahanan at nagtatago dahil sa utos ng aking ina. Nang sunugin ang bahay namin ay hindi ako agad nakalabas dahil narito pa sila. Kailangan ko silang mapaalis muna kundi pati ako ay papaslangin nila." Dagdag niya at humarap na sa amin.
Hindi kami nagsasalita ni Alpha Tyler, wala kaming balak na sumingit sa sinasabi ng babaeng nasa haraoan namin. Nakikinig lang kami sa kwento ni Herisha.
"Nang mawala sila ay doon ako lumabas sa ilalim ng kama na pinagtataguan ko. Lumapit ako sa aking ina na naghihingalo. May inabot siya sa akin at ibinilin bago siya mamatay. Bago ako makalabas ng bahay ay nadaganan ako ng kahoy na nasusunog. Kaya ganito ang nangyari sa akin." Sabi pa ni Herisha at unti-unting hinawi ang buhok na nasa mukha.
Napasinghap kami sa nakita, nasunog ang kalahati ng mukha niya pero kahit ganoon ay napakaganda pa rin niya sa paningin ko.
"Si Gordon Bertram ang may gawa." Sinabi ni Herisha na nakitaan ko ng galit sa mga mata.