Fifty-fourth One
Hinatid ko muna si Julie sa location ng bridal shower niya. Gusto ko sana ihatid siya hanggang sa loob pero pinigilan ako nila Carly. No boys allowed daw. Hinayaan ko nalang. May tiwala naman ako sakanila. Ilang sandali palang at nakita ko si Sef na naghihintay sa isang private ba na pagmamay ari ni Enrique. Bumaba ako sa kotse.
"Akala ko hindi ka sisipot!"
Napailing ako. "Kung pwede lang sana eh."
"Tss. Saan ka ba galing?"
"Hinatid ko si Julie sa location ng bridal shower niya."
"Ano ba yan! Clingy mo ha! Tara na nga sa loob. Kanina ka pa nila hinihintay."
Pagkapasok ko sa loob nakita ko ang mga classmate ko nung college. Nandito silang lahat. Pati mga kapatid ko. At ang pinaka nakakagulat ay ang makita ko si Papa Jonathan kasama si Daddy na umiinom ng wine. Kumaway naman ako sakanila bago lumapit sa sa Daddy ko at kay Papa.
"Dad..Papa?"
Ngumiti sakin si Daddy. "Enjoy lang anak."
Tumingin ako kay Papa. "Oo nga Elmo. Wag mong isipin na binabatayan kita. Haha. Okay lang naman sakin ang mga ganitong bagay. Tska wala din naman sila Mama mo sa bahay."
"Salamat po. Sabi ko nga po na ayoko na ng ganito eh."
"Ano ka ba son! Kailangan yan. Haha. Sige na, mag enjoy ka na."
"Sige po. Papa?"
"Sige lang, wag mo kaming isipin dito. Mag enjoy ka kasama ang mga kaibigan mo. Wag ka masyadong iinom baka malasing ka."
Tumango naman ako. Nakipag sabayan nalang ako sa mga classmates ko noon. Kwento dito at kwento doon. Nagkantahan din kami. Nagkaroon din ng slide show nung bata pa ko. Ang agang throwback naman nito kaya walang humpay ang tawanan. Maya maya namatay ang ilaw. Nagkaroon ng Spotlight at tumapat sa isang tao na kakalabas lang galing sa CR.
"Oh no!"
May babaeng nagsasayaw. Sexy dance. Careless whisper pa ang kanta. Tinulak ako ng mga kaibigan ko papalapit sakanya. Nakita ko si Dad at Papa na tawa lang ng tawa. Hala. Hindi ba magagalit si Papa dahil may nagsasayaw na babae dito? Baka sabihin pa na lumalandi ako.
"Woah."
Napabalik ako sa pag-iisip ko ng hinawakan ako ng babae sa braso ko. Hindi ko masyadong makita ang mata niya. Umaatras ako pero pilit niya kong hinihila sakanya.
"Uhm, Miss, mahal ko kasi ang magiging asawa ko. Yung iba ko nalang na kaibigan."
Bigla siyang huminto. Humarap siya sakin at sinigawan ako.
"Ano ba yan tol! Hirap na hirap ako sa pagsasayaw sa harap mo tapos ibibigay mo ko sa iba! Ibang klase ka! Dun ka nga kay Julie!"
Nanlaki ang mata ko. Si Sef ba ito? Tiningnan ko siya maiigi. Oo! Si Sef nga.
"Sef?"
"Ewan ko sayo!"
Hindi ko na napigilan ang sarili ko at tumawa na ko ng tumawa. Kaya pala nawala siya. Kinunan naman siya ng maraming litrato ng mga kaibigan ko. Maya maya napagod na ko sa kakatawa kaya pumunta ako sa table kung nasaan sila Daddy.
"Kamusta? Nag eenjoy ka ba?"
"Yes naman po Dad."
"Good."
Tumayo muna si Dad. "Teka lang bigayan na ng regalo. Kukunin ko lang yung akin sa loob ng sasakyan."
Umalis muna si Daddy. Naiwan kami ni Papa Jonathan.
"Elmo."
"Po?"
Ngumiti siya sakin. "Gusto ko lang magpasalamat sayo. Salamat kasi binigyan mo ng panibagong pag-asa ang anak ko na makakahanap siya ng taong totoong magmamahal sakanya. Aaminin ko, nung naghiwalay sila ni Kyle? Sinabi ko sa sarili ko na kapag may nanakit ulit sa anak ko? Papatay na talaga ako. Masakit sakin bilang ama na makita si Julie na umiiyak sa harap ko at sabihin na niloko siya ng taong minahal niya."
Uminom siya ng wine. Nakikinig lang ako sakanya.
"Kaya nga nung pinakilala ka niya sakin, hindi agad ng process sa utak ko ang sinabi niya na mahal ka niya kaagad. Mabilis ang pangyayari pero nung nanindigan ka para sakanya. Doon ako naniwala na baka ito na nga ang tamang tao para sa anak ko."
"Papa.."
"Wag mo siyang sasaktan ah? Minsan may pagkabayolente yun so pagtyagaan mo na."
Natawa naman ako. "Opo Papa."
"Wala kasi akong anak na lalaki. Puro babae ang anak ko at iiwan na ko ng isa sa mga prinsesa ko. Pero naisip ko, okay lang yun kasi alam ko na gagawin mo siyang reyna."
Tumango naman ako. "She's my queen, Papa. Hinding hindi na po magbabago yun."
"Salamat. Konting konti nalang, ikakasal na kayo. Alagaan mo ang anak ko ah?"
"Makakaasa po kayo."
May kinuha siya sa bulsa niya. Inabot niya sakin ito.
"Alam ko na kaya mo siyang ibili kahit sampu pa niyan pero sana tanggapin mo pa din. Gusto ko kasi ikaw ang unang makaalam. Alam ko naman na magugustuhan mo din ang regalo ko kahit ang sa tingin kong mas magiging masaya dito ay si Julie"
"Bakit? Ano po ba ito Papa?"
"Susi yan ng bagong store niya. Hindi naman ito ganun kalaki at hindi din naman ito ganun kaliit. Tama lang. Gusto ko kasi na tumulong sa pagtupad ng pangarap niya na magkaroon ng isang clothing store. Yan lang ang binili ko kasi alam ko na gusto niya na magsimula sa maliit lang."
Napangiti naman ako. "Masaya na po ako sa regalo niyo samin Papa. Wag po kayong mag-alala sigurado ako na magugustuhan ito ni Julie."
"Salamat, Elmo. Paano ba yan? Nauna na ko. Kailangan mo na pumunta doon sa unahan para sila naman ang magbigay sayo ng regalo."
Natawa naman ako at tumango.
"Sige po, Papa. And Papa?"
"Hmm?"
"Salamat po at pinagkatiwala niyo po sakin ang anak niyo. Pangako ko po na mamahalin ko siya hanggang sa mawalan na ko ng buhay."
Tumango naman siya at ngumiti. Bumalik na ko sa mga kaibigan ko. Sila Kuya Frank at Arkin nagbigay sakin ng isang malaking unan. May nakasulat doon na, Best brother. Natawa naman ako. Yung iba kong mga kaibigan nagbigay ng kung ano anong damit. Yung iba wine.
"Ako naman ang magbibigay."
Lumapit sakin si Sef. Inabot niya sakin ang isang box. Maliit lang ito. Ngumisi siya sakin. Binuksan ko ito at halos ihagis ko sakanya pabalik.
"Walangya ka talaga, Sef!"
Natawa naman siya. "Kakailangan niyo yan ni Julie."
Napailing nalang ako. Paano ba naman nagregalo siya ng condom. Baliw talaga. Yung iba naman boxers. Sinakyan ko nalang ang trip ng barkada. Mga baliw talaga. Lumapit naman sakin si Daddy.
"Son."
"Dad."
Ngumiti siya. "Una muna sa lahat gusto kong sabihin sayo na proud ako sayo. Natupad mo kung anong pangarap mo. Tingnan mo nga naman, isa ka sa pinaka mayaman sa buong asia. Mas mayaman ka pa sakin!" Biro niya.
Natawa naman ang lahat.
"Pero ayun nga, basta palagi mong tatandaan na proud ako sayo. At sana maging masaya kayo ni Julie. Ireregalo ko na sayo ang hacienda ng Mamita mo. Alam ko naman nung bata ka palang gustong gusto mo na ang hacienda doon."
Natuwa naman ako ng malaman ko yun.
"Thank you Dad!"
"Welcome Son."
Matapos ang bigayan ng regalo lumayo muna ko sakanila para kamustahin si Julie. Tumawag ako sakanya pero walang sumasagot. Hindi pa rin tapos ang bridal shower niya? Maya maya pa sumagot na ito.
"Yam!"
Walang nagsalita.
"Yam?"
"Mmmm..ahhh..mmmm.."
Nanigas ako sa narinig ko. Anong nangyayari? Bakit umuungol si Julie?
To be continued..h