" بيت ابو راشد "
نجود وهي تلعب بالمطر ومعها صبا
طلعت مايا بشنطتها وهي تحس مالها وجه بعد اللي صار لراشد بسببها
استوقفت نجود وهي تناظر لمايا اللي منزله راسها وتشيل شنطتها
نجود : بتروحين ؟
بلعت ريقها مايا بخجل : اي
نجود : احس ماله داعي تروحين هالشيء ربي كان كاتب انه يصير سواءً منك ولا من غيرك ف انا اقول رجعي شنطتس وادخلي
مايا : لا بروح لبيت جدي بجلس كم يوم وارجع
تقدمت نجود وهي تمسك يد مايا : مايا اتركي شنطتس وادخلي داخل وبنفتح صفحة جديدة معك بصراحة احنا ماشفنا منك انتِ وامك شر ودنا نفتح صفحة جديده ونصير مثل الخوات شرايك ؟
مايا بفرح : يشهد الله انه ماعمري كرهتكم صح حقدت عليكم بس ماكنت انلام وانا ودي اروح لبيت جدي كم يوم وارجع
نجود با ابتسامه : على راحتك ، يلا صبا ندخل
طلعت مايا وهي تطلع شنطتها معها بلعت ريقها من شافت راشد اللي نزل من سيارته وكان يناظر فيها ببرود
راشد : عساك تذوقين اللي ذقته
مايا : راشد !
وقف راشد وهو ينزل يده من على باب بيتهم اقتربت مايا منه : راشد قسم بالله ماكانت نيتي قشرا مثل ما انت تحسب والله كنت منقهره منكم ومن ظلمكم لأمي وكنت ابي امسك عليك أي مصيبه حتى لما شفت صورتها ماكنت ادري انها طليقتك !
راشد : خلصتي ؟
نزلت أنظارها للارض وهي تهز راسها بأي
راشد وهو يرفع سبابته : قسم بالله انك مو كفو احد يوقف معتس غرفتي اللي تخليت عنها شهور عشان تقعدين فيها طلعتي مو كفو بنتي اللي امنتها عند وحده مثلك انتِ تعمدتي تخربين حياتي وانا محذرتس من الدرج لاتفتحينه وبكل سهوله دعستي على كلامي وسويت اللي تبينه !
بكت بغصة وهي تشاهق بخفه
استرق نظراتها لها وهو يحس بشعور غريب اجتاحه حس انه رحمها
راشد : امسحي دموع الشر هذي بس !
مايا بعدم تحمل : ياخي كل تبن شوي !
وسع عيونه بصدمة وهو يسحبها من يدها : عيدي اللي قلتيه ؟!
تأوهت بألم وهي تناظر بعيونه اللي تطلق شرار : ماقلت شي !
دفها بخفه واردف بنبره حاده : غطي شعرتس جعلهم يغطونك بكفنك !
ارتجفت خلاياها من الدعوة سحبت شنطتها وهي تطلع لبيت جدها اللي قدام بيتهم
حوريه : اقول يا الهنوف متى بتجهزون للعرس تراه قرب والعروسه ماجهزت
الهنوف بتذكر : يوههه تو نسيت ان وراي عروسه اليوم ان شاء الله بنروح
الجدة ليالي : اي مير العرس قرب ماظنتي تتخلص الا اذا اسرعنا !
افنان بصوت شبه عالي : فوق هذا فستان العروس بنقعد ندجّ بالسوق على ما نلقى
حست با الانحراج وهي تشوف امير يناظرها وهو يضحك
حست انها مو قادره تنزل عيونها من عليه حست انها لوهله حس با الانجذاب له !
امير وهو ياكل زيتون : ماعليك يا اخت زوجتي مرتب كلشي بكرا ان شاء الله بنروح للرياض نجهز فستانها
قاطعه ضربة عصاة جده فز امير بخوف والم
امير : وش سويت !
الجد جابر : ياقليل المروة تتاخذها وانتم مابعد اعرستوا !
امير : لا اله الا الله ! ياجدي مملك عليها وبعد كم يوم عرسنا وش له تطق فيني
الجد بعدم اعجاب لكلامه : لا لا هالشي ماهوب صاير سُرعان مارفع عصاته وهو يضرب فايز بخفه : وانت تتخليه ياخذ بنتك بدون مايعرسون ! وش بيقولون عنا الناس !
شرق فايز بالشاهي وهو يكح : اعوذ بالله يبه علامك حولت علي وبعدين بنيتي مب مع احد غريب مع ولد عمها زوجها مايحتاج لا زواج ولا شي خلاص ملكوا
الجد جابر : اني داري انه رجلها مير العربان وش بيحكون عنا لا روحت معه للرياض قبل عرسها بعدة ايام والله لينقدون علينا اسمع يارجال يا انك تاخذهم كلهم للرياض ولا تقعدون هنيا ماعندي خرابيط اخذ مرتي قبل العرس عشانا مملكين اوحيتني ! ( سمعتني )
امير برضاء : ابشر اجل اجهزوا بكرا ان شاء عقب صلاة العصر مشينا للرياض
ماجد ابو عُدي : انا مب رايح بجلس مع ابوي وبجهز حاجات الزواج من سيوف وعزايم وذبايح و عود وكلشي يخص العرس
فايز ابو جُمان : حتى انا بجلس معكم انا وصقر وعُدي وامير يروح معهم
صقر بتأفف : ياعيشتن قشرا ابك انا وين اروح لامنكم قعدتوني بالديره بذا الحر خلوني اروح معهم
ابو عُدي : تبينا نخطبلك ؟
كح بخفه وهو يستعدل جلسته : اءءء والله ي ياليت ت تخطبون لي لأني مليت من العزوبيه
انفجروا ضحك وهم يشوفونه متحمس
حورية : حاط عينك على وحده ولا تبي على نظري ؟
صقر بحماس : على نظرتس يابعيدي. بس متى ؟
رفعت يدها وهي تشرب قهوتها : لامنها حجت البقر على قرونها
انمسحت ابتسامته : بالله صادقه محمسين واخر شي لاحجت البقر على قرونها
الجدة ليالي : ماعليك من امك انا بخطبلك وش رايك ؟
صقر : تم ابشري بس منهي ؟
الجدة ليالي : عندي لك وحده باضا وشعرها حدر ذنبها تبيها مير انها مزيونه قليلة الاصل تهبلللل ياوكك يازينها تبيها ؟!!!
صقر : وش اسمها ؟
الجدة ليالي : مدري
عقد حواجبه وهو يناظر ف العيال : كيف ماتدرين البنت شسمها ياجدة ؟
الجدة ليالي : مدري ما اعرفها مير بعرس امير وجُمان بعزمها واخطبها لك منها جمعنا راسين بالحلال ومنها نخطبلك
انفجروا يضحكون وهم يشوفون وجه صقر اللي مايدري هي صادقه ولا تكذب عليه
فزوا بخوف من دخول مايا عليهم وهي تسكر الباب الخارجي ب اقوى ما اؤتيت من قوه
مناهل وهي تغص : اعوذ بالله ماء ماء !
الهنوف وهي تسحب المويه لا اختها : بسم الله عليك !
الجد جابر بفزع : وشفيتس امتس بها شي ؟
مايا بهدوء مرعب : لا مافينا شي بس بجلس عندكم ولا بتطردوني انتم بعد ؟!
حورية : عدلي اسلوبك واقعدي وقولي وش صاير بك !
مايا بعدم اهتمام : جدي ابوي ماراح يجيني ؟
استقفلهم الصمت وهم يناظرون بعض با استغراب من سؤالها لأنها ماقد سألت عن ابوها
حس الجد بشي وهو يناظر بعيونها : ماقد سألتي عن ابوتس من يوم وانتِ هالكبينات ( وانتِ صغيره اتوقع تنقال كذا )
اردفت بصوت متحشرج والدموع عالقه بعينها : واذا قلت اني بسأل عنه بتعاقبوني بتحرموني منه ؟
الجدة ليالي بخوف : لا ياقليبي ماراح نحرمتس منه ولا نعاقبتس ذا ابوتس ولتس حق تسألين عنه نفس ماهو يسأل عنك
مايا وهي تمسح دمعتها من خدها الناعم برقة : انا بروح لغرفة امي فوق لاتقولون للخدم ينظفون غرفتي
نزلت شنطتها وهي تدخل داخل البيت
-
( بيت ابو راشد )
سلطان وهو عند شباك هند تحت : انا مليت كلينا تبن لين قلنا بس كلما حددنا العرس كنسلتوها وشبلاكم انتم !
هند وهي تهديه : ماعليه خيره ان شاء الله
سلطان : طيب سولفي لي ، وين تبين نروح لشهر العسل ؟
هند بحماس وتفكير : تصدق مدري بس شرايك نروح لندن احس عاجبتني ب الحيل!
سلطان وهو يضرب الشباك بحماس وفرح : ابد ابشري لندن لندن
ضحكت وهي تلعب بشعرها
سلطان ب انهبال : والله لو اقدر اخذتس بعبايتس خذيتس وانتِ ماتشوفين الدرب
هند : لأنك حيوان
سلطان : افا !
هند : امزح امزح ترا انا مليت كلشي جهزته بس باقي فستان الزواج !
سلطان : وشرايك نروح نشتريه ؟
فزت هند بحماس : صدقق ؟
سلطان : اي صدق
ابو راشد وهو رافع عصاته وورا سلطان همس بنفسه وهو يقول : ياحمار القايلة صدز الناس تمّرح وترتاح وذا قاعد لي غزل ياكلب ! رفع عصاته وهو يطبعها على ظهر سلطان
فز سلطان بصراخ وهو يصرخ بنبرة صوت بنت
فزت هند وهي تحني ظهرها بخوف من ابوها
وسع عيونه بصدمة وهو يكتم ضحكته رفع عصاته وهو ناوي يضربه بخفه بعد لين ثلاث وصيح مثل الرجال
سلطان : تم
ابو راشد : 1 , 2 , 3 رفع عصاته وهو يضربه تألم سلطان وهو يصرخ بغير عن نبرته الاولى
ابو راشد وهو يربت على كتفه : اي زين صرختك ذي
سلطان وهو يعدل اكتافه : والله ؟ نعيدها
رفع عصاته وهو يتحلف فيه : قسم ان مارحت لا اخلي هالعصاة تلعب على ظهرك سامع
سلطان بتحدي : تقدر ياعم ؟
رفع عصاته وهو يركض وراه فز سلطان وهو يرفع ثوبه ويركض وقف ابو راشد وهو يوقف ويرمي عليه عصاته ويدخلها بين رجوله سُرعان ماطاح وهو يوقف : ارجعها
ابو راشد : اي جبها
تقدم سلطان وهو يمدها له : تفضل
ابو راشد : مشكور ياوليدي
سلطان : اسولف معها ؟
ابو راشد بتمثيل : اي روح واخذها بعد يلا وش تحتري ؟
سلطان بتصديق وهو يحب راسه : مشكور ياعم ومايحتاج بالزواج المعاريس انا باخذها الحين والعرس بكيفكم سويتوه ولا ماسويتوه شدخل امنا
ابو راشد بغضب : ايا السربوتي قم قم اذلف لا والله اكنسل العرس وأجله ! لا بارك الله فيك من معرس
-
" بيت ابو سلطان "
دخل البيت وهو متنزفز من ابو راشد وبنفس الوقت يضحك
ابو سلطان وهو يتقهوى : علامك ؟
تقدم وهو يحب راس ابوه وامه ويجلس : ابد والله مغير خويك ذا لسع فيني لين قلت بس حلال للي يمسكه ثم يدقه دق !
عقدوا حواجبهم با استغراب
الرّيم بصدق : انت مجنون انت تضحك ولا متضايق وجعه تصكك خل نحدد اللي بك !
ام سلطان بخوف : وجع يوجع العدو ان شاء الله علامتس على ولدي !
ابو سلطان بملل : كمل من اللي داق خشمك حرام بالله انه رجال من ظهر رجال!
سلطان : ابو راشد صالح !
ام سلطان : وش مسوي انت ؟
سلطان : ماسويت شي والله اني اسولف معها عند الشباك مادريت غير من لسعته يوم لسعني بظهري!
انفجرت الرّيم وهي تضحك بقوتها وامها معها
ابو سلطان بضحك : والله اني داري مير تستاهل!
ام سلطان : وانت قرد يوم انك ناط بشباكهم
الرّيم : الحب ومايفعل يمه لو يمشي على جمره ماهمته الجمره
سلطان بتذكر لضحكة هند : اههه بس جعلني فداها !
فز ابو سلطان وهو يرمي عقاله عليه : اكل تبن ! وقم رح لسىق جب لنا خبز قم !
قام سلطان وهو يضحك من ردة فعل ابوه
ام سلطان : الرّيم قومي جيبي جمر وحطيه بالحوش خل نشوف ابوتس اذا للحين يحبني ولا ؟ وان ماكان يحبني مثل اول ! المحكمة قدامه والخلع امامه
جلست تضحك من ابوها اللي يبرر لأمها انه يحبها والحب مو لازم يكون فعل
" العنود "
وصلت البيت وهي تدخل تسلم على عيالها
سُعاد بصراخ : العنوددددد !
فزت العنود وهي تركض لها وهم يحضنون بعض : علومتس يالطبينة ؟
سُعاد بفرح : علومي زينه بس اقعدي !
نزلت نجود وهي تضم امها وسُلاف وهند معها
العنود بوله عليهم : وين العيال ؟
هند : راشد على حاله ونايف عند الحلال وسليمان
قاطعتها سُلاف : عند العاشقة الولهانه والله انه بس يصبح ويمسي على صوتها
العنود : ياقلبي عليه ان شاء ان الله احيانا خطبت له نسرين هالاسبوع
نزلت رحاب وهي متفاجئة من رؤيتها للعنود اللي واقفه بكشختها المعتاده وبشموخها : انتِ ماتستحين فوق ما انه مطلقك جاية لبيتي بعد !
نجود : اقول اندفني بغرفتس لا ادفنتس با ارضك !
العنود بسخرية : خليها خليها اصلاً انا ما اشوفها لأن انا عيني ماتشوف الا الزين ولا هي مثلها مثل نعالي اللي لابستها بس صبولي قهوة يا اني مشتاقه لسوالفكم وانتِ اذلفي لغرفتس طالعة لناس مايبونتس ؟
كانت بترد رحاب بس دخل ابو راشد
لبست برقعها العنود وهي جالسة
ابو راشد : السلام عليكم
ردوا عليه السلام ابو راشد : ام سليمان عندنا اليوم ؟
العنود بحدة : اي عندكم !
ابو راشد بحنية : يالله انك تحييها ، رحاب امتس دقت علي تقول تبيتس تجينها عاد البسي عباتك وروحي
-
" بيت ابو تركي بن هذال "
مهرة وهي تصب القهوة لهذال : وراك مارحت لصالح ماعنده تشاء اليوم ؟
سحب الفنجال وهو يشرب : سلمتي ، لا والله قلت له يأجله لبكرا على مانرتب نفسنا ثم نروح لهم
هنادي : بيت عمي صالح جنب بيتنا ياعمي ؟
هذال : اي يابنيتي ، رجلتس وينه فيه ماشفته صلى المغرب بالمسجد !
هنادي : تعب علينا فجأة وصلى بالبيت
فزت مهره بخوف : ليش شفيه تركي ؟
هنادي بتطمن : ماعليك ياعمه بخير هو بس لفحة هواء
مهره : زين الحمدلله مايشوف شر ان شاء الله
الجوهرة وهي تلهث : وجع صدق وحده تساعدني منكم مو معقوله اشيل هالسجاد لحالي !
قامت هنادي وهي تضحك من حالها وهي لابسه قميص روز ازرق والورد منثور عليه بعشوائية وفاكه شعرها الويڤي ورابطة الطرحة على راسها من الم الصداع
مهره بضحك : نادوا ابتهاج تجي تساعدكم
الجوهرة : ابتهاج تمسح الكنب والطاولات بالحوش
نايف : اسمع وانا أخوك المها ربي ماكتب لك تكمل معها نص حياتك انا اقول لو تتزوج وحده غيرها ازين لك !
راشد بهدوء : الحمدلله على اللي كاتبه ربي واذا قصدك على الزواج
قاطعه سليمان بتقليد لنبرة راشد : واذا قصدك على الزواج ف انا اعشق المها احب المها مقدر اتزوج غير المها ! ياخوي خلاص درينا انك تحبها وهي تحبك بس خلاص تزوج غيرها ربي ماكتب لكم تكملون مع بعض !
راشد وهو يضرب فخذ سليمان بقوة : انا اقول كل تبن وخل اكمل كلامي ! اذا على الزواج ف انا ناوي اتزوج غير المها خلاص المها حطب وانحرق
وسعوا عيونهم بصدمه لكلامه
نايف بتلعثم : المها المها تخطيتها ؟ خلاص
سليمان : تكفى قل انك تكذب المها ماتبيها خلاص ؟!!
ناظرهم راشد بقرف من طاريها ومنهم : لا مقدر اتخطاها اكسجيني هي انفاسي ياشيخ كل تبن انت وياه ماهي اغلى من امي وابوي اي اتخطاها واتخطى عشر من امثالها والحين دز ود ثيابي للمغسلة وانت رح للحلال طلع الشاة اللي وصاك عليها ابوي واذبحها ولا اقولك انا بسلخها
نايف برفض تام : حرام بالله ماتسلخها خلها علي انا بسلخها وانت بس اغسل الحوش دامه كبير نظفه من اوله لا اخره وانت دز على المغسلة وخذ ثيابي وثياب ابوي معك
-
" بيت ابو راشد "
دخل سليمان وهم مشمر اكمام ثوبه ويغني تفاجأ من اللي امامه وهي رافعه يدينها بمعنى ضمني
بلع ريقه بفرح : يمههه !
ركض لها وهو كله لهفة وشوق لأمه نزل على رجولها وهو يبوس رجولها وهي تبكي بحنيه عليه
العنود : بس ياحبيبي بس
نجود بتأثر : سليمان حسبي الله على بليسك بتبكينا معك !
هند : خليه ينبسط بشوفة امه
رفعت سُلاف يدينها بغرور وثقه بمعنى احضني
استقام وهو يبوس راس امه ويسأل عن حالها : شلونتس يابعد الدنيا عساك بخير ومرتاحه ؟
العنود : بخير جعلك دايم انت واخوانك بخير
عقدت حواجبها العنود من منظر سُلاف وهي رافعه يدها : هاو علامك تجمدتي ؟
لف سليمان وهو يضحك ويحضنها : لاتفلينها ترا بس عشان امي
دفته سُلاف بخفة : انقلع بس !
سُعاد : وين اخوانك ؟
سليمان : برا
سُعاد : وراهم مادخلوا ؟
سليمان : انا والله كنت جاي اجيب ثيابهم عشان نروح نغسلها ومنها نحط نايف عند الحلال يجيب الشاة اللي وصاه عليها ابوي
العنود با استغراب : وش شاته عندكم عزيمه ؟
سُعاد : اي بكرا ان شاء الله عرب هذال بيجونا اليوم على انهم عشاهم الليله بس اعتذر ابو تركي وقال خلوها القابلة " بكرا " على مانرتب امورنا
هند : خالتي بتجين ؟
العنود : ماظنتي لأن بروح لمرت اخوي كلمتني اليوم تقول تعالي لي
" بيت الجد جابر ال مسعد "
دخلت رحاب وهي تسلم عليهم
مناهل : يالقاطعه من يوم تزوجتي وانتِ قاطعه فينا !
الهنوف : والله لو درينا انها بتقطع كان قفلنا عليها بغرفتها
ضحكت رحاب : يووهه يالكذب واللي يجيكم كل اسبوع مين مب انا ؟
الجدة ليالي بمزح : الباب على الباب وانتِ راعية هالبيت معقوله كل اسبوع تجين بدال ماتجين كل يوم
رحاب : والله مستعده اسنتر عند بابكم مير الرجال ماعنده زوجة غيري عنده وحدة ثانيه بالبيت والثاني ياخوفي يرجعها على ذمته
الهنوف : هو صدق طلقها ؟
رحاب : اي طلق اللي يطلق البلا في راسها !
الجدة ليالي : استغفرالله ! مايجوز تدعين على المره ترا الدعوة توصل للسماء وترجع لراعيها ! استغفري
رحاب : استغفرالله ، البنات وين ؟
الهنوف : بالمقلط حق الرجّال
" عند البنات "
كانت جُمان منسدحة على بطنها وحاطه ماسك وماسكة المجلة وتشوفها
افنان : الله ياخذه من خياط ! شوفي كيف حاط لي القماش يععع !
مايا : متى شريتي انتِ مو بتروحون مع امير كلكم بكرا للرياض مسرع ماشريتي !
افنان : قبل اسبوعين رحت لجدة وشريت هالقماش عشان اسوي نفس الموديل اللي ببالي بس الله لايوفقه خربه علي !
مسك : افنان الله ياخذك طلعي لفافاتك نشبت بشعري !
انفجروا ضحك عليها وهي تبكي وشعرها منتفش
افنان بضحك : ضحكتيني وانا بعز ضيقتي الله يسعدتس
جُمان بتمثيل ودلع : افف اف ازعاج ! انا عروس مايصلح لي هالتوتر اطلعوا برا بليز !
سحبت السليبر مسك وهي تبكي وترميه على جُمان بخفه : وع وع عدلي لسانك لا كف ترا !
كانت بترد السليبر على مسك بس لعلها جات بجبهة جدتهم
الجدة ليالي بفزع : وجع يوجعتس ان شاء الله
حورية فزت وهي تمسك راس امها : بسم الله عليك سمي سمي يابعيدي !
فزت جُمان بهلع : اسفه اسفه ياجدة ماكان قصدي بس الهدف جاء عليك
ضحكت مناهل : ماعليه ياخالتي تعيشين وتاكلين غيرها
الجدة ليالي : كلاك الدود علامك علي
وسعت عيونها بصدمه : اعوذ بالله ياخالتي شبلاك علي !
الجدة ليالي : اجلسوا اجلسوا وجيبوا القهوه هنا
رحاب : ابشري بس جهزوا الجلسة وترا بكرا بروح معكم الرياض
مسك بمزح : كم تدفعين خلاص انتِ الحين خارج العائلة
ضربتها رحاب بخفه : وجع ! متى تتزوجين ونفتك منتس ؟
مسك : قاعدة على قلبك ياعميمة !
نايف بفرح : السلام عليكم
قامت العنود وهي تسلم عليه : هلا بولدي هلا
نايف : شعلومك يامرت ابوي العنود : من متى تقولي مرت ابوي دايم خالتي ؟ضحك نايف : امزح ياخاله والله انك مثل امي بس امي اغلا ضحكت العنود وهي تربت على كتفه : عسى الله يخليها لك وين راشد ؟ دخل راشد بهيبته وحدة صوته : السلام عليكم ردوا عليه السلام وهو يسلم على امه وخالته سُعاد : تحب الكعبة يانظر عيني
العنود : وشلونك وشلون صحتك عساك بخير ؟
راشد ابتسم : بخير جعلك بخير انتِ شخبارتس من عقب ماطلعتي لامريتي ولا سألتي عنا العنود : والله انكم على بالي بس الله كريم الا قولي بكرا عمك هذال جاي هو واهله نايف : اي بالله بكرا عشاه عندنا هند وهي تصب شاهي لنايف : معزمين واجد انتم ؟سليمان : ابو نسرين وابو صالح وابو بسام وعمي هذال وعياله وعمي جابر وعياله واحفاده وعرب صنهات ومصلح سُعاد : اجل عرب صنهات رجعوا من القصيم ؟سليمان : اي لهم اسبوع راجعين بس ولدهم وبنتهم الكبيرة ماجو بالقصيم والبنت بالمدينة نجود : ليش ماجو ؟ راشد : الكبار متزوجين واللي جايين الصغار
" بيت ابو سلطان "
ابرقت السماء وهلّ المطر على اهل الديرة وكان من اشد الامطار اللي نزلت طلعت الرّيم وهي تشر الملابس برا
ام سلطان : ادخلي ادخلي وجيبي الملابس ارعدت السماء وامطرت ! ساعدت امها وهي تشيل الملابس
ام سلطان : نسرين يا امك حركي البصل على النار لاتحرق واحنا بنشيل الملابس نسرين : تم ابشري
ام سلطان : بشروك بالجنة ، اعجلي يالرّيم جيبي الملابس
-
" بيت الجد جابر ال مسعد "
دخل الجد جابر وعياله وراه صقر وهو يتحلطم : قسم بالله اني تعبت ياجدي اقلع احفادك عني ! الجد جابر : شمسوين ؟ صقر بغضب : غمسوني بالطين لين ماكليت تبن ! عُدي : يعقب ماعليك منه يالغالي ماجد ابو عُدي : امير رح جيب الشاهي داخل امير وهو يحط شماغه على كتفه ومشمر اكمام ثوبه دخل المطبخ وهو يتنحنح كانت موجودة جُمان وهي تمسح وجهها من الماسك وشعرها الناعم منثور على اكتافها وكانت فاتنه بمعنى الكلمة : في احد ! رجع امير على وراء وهو على باله افنان : افنان روحي نادي جُمان ابيها الله لايهينتس ضحكت بخفة جُمان وهي تطلع له : حيوان ! حتى صوتي ماعرفته ماتوقعتها الصراحة ! بلع ريقه من منظرها الفاتن وهي لابسه بجامة سوداء حرير واكمامها ريش ومبرز جمال جسدها وخصرها المنحوت عقدت حواجبها با استغراب من صمته : شفيك ؟ امير بتلعثم : اءء للا م مافي شي بس في شاهي ؟ جُمان : اي فيه تبي اسويلك يعني ؟ امير : اي سوي ثلاجه بوديها لجدي هزت راسها وهي تروح تسوي الشاهي دخل وهو يسكر باب المطبخ ويتأملها توترت من هدوئه نطقت بسخريه وتوتر : شفيك تطالعني ؟ امير : ابد اتأمل انتاج عمي وخالتي لفت عليه وهي تتخصر : عساه مو عاجبك ؟! امير وهو يغمز لها : انشهد انها موتن حمر ! ابتسمت بخفه وهي تحاول تخفي ابتسامتها : على بالي بعد!
الموظفة : تمام هو الحين مشغول عنده مرضى اشوفه لك الحين اذا فاضي استوقفت وهي تشبك يدينها ببعض ومتوتره لمحت فارس وهو طالع من غرفة المريض بلعت ريقها بخوف وهي تتقدم له : فارس !
-
امير وهو ناوي يحرجها : تتوقعين كيف انتاجنا ؟
بلعت ريقها وهي تحس بحرارة تسري بجسدها : كيف اتوقعه بيكون حلو ومتأكده بعد
امير وهو كاتم الضحكة : ورا خدودتس وردت ؟
جُمان با انحراج : امير اطلع برا ! بسرعه
ضحك وهو يقرب منها ويمسك خصلات شعرها : والشاهي ؟
وخرت يده وهي تدف صدره بخفه : اذا خلص بناديك
ابتعد عنها وهو يضحك : طيب طيب
-
" فارس & نجود "
طلعت نجود من البيت وهي رايحة المستشفى بالليل بدون محد يدري عنها
وقفت تاكسي وهي تركب وتوصف له مكان المستشفى
-
الدكتورة ترف : دكتور فارس !
لف فارس عليها : هلا دكتورة ترف ؟
الدكتورة ترف : في مريض يسأل عنك ويقول جيبولي الدكتور فارس
هز راسه وهو يدخل يدينه باللابكوت توجه لغرفة المريض وهو يلقي السلام عليه : شلونك ان شاء الله انك احسن اليوم ؟
المريض : انت مو دكتور ؟ اكيد تعرف اني بخير او لا وشذا المصاخه ليش موظفينك !
نزل راسه فارس وهو يهمس بداخله : عز الله كدينا خير !
لا انا دكتور وانت الحمدلله اشوفك بخير وتقدر تطلع خروج بس يجي اخد من اهلك عشان يكتب إجراءات الخروج
المريض : وليش تنتظرون احد من اهلي انا موجود ومسؤول عن نفسي هات الورقة اشخبط عليها واطلع
فارس : تشخبط عليها هذي عند امك يوم تشخبط ببيتكم هنا في إجراءات !
دخلت نجود بتوتر وهي تتقدم للريسبشن : دكتور فارس موجود ؟ الموظفة : اي الدكتور فارس موجود مين انتِ ؟ نجود : شدخلك ؟ الموظفة : نعم !نجود : اءء اعتذر اقصد ابي اشوفه
استوقفت وهي تشبك يدينها ببعض ومتوتره لمحت فارس وهو طالع من غرفة المريض بلعت ريقها بخوف وهي تتقدم له : فارس !
لف عليها وهو يبتسم : سمي ؟
نجود : عرفتني ؟
فارس وهو يرفع راسه ويضحك بخفه : اي عرفتس نجود بنت عمي صالح
ابتسمت بخجل : اءء ابي اكلمك بموضوع ضروري
فارس : الحين ؟
عقدت حواجبها وهي تنطق : مشغول ؟
فارس : ابد بس اسأل الزبدة حياك
مشت وراه وهي تدخل مكتبه جلس وهو يشيل السماعة الطبيه من على عنقه : اسلمي وشهو موضوعتس المهم ؟
نجود : قبل اسبوعين تدري وش صار لما جينا عشان عملية مرت ابوي
استغرب من رجوعها للسالفه : اي ادري ليش فيها شي مرت ابوك ؟
نجود : لا حية ترزق بس وقتها انت قلت انك بتبلغ الشرطة ! سكتت ثواني وهي تناظر عيونه اكملت بهدوء وخوف : بلغت ؟
رجع ظهره على ورا وهو يجلس با ارتياح : اولاً هذا مو شغلك لو ببلغ او لا لأن اللي بيتحاسب انا !
غمضت عيونها بخوف وهي تشد على اسنانه بقوه : بلغت !
فارس : لا مابعد كلمت الشرطه
نجود : بتبلغ يعني ؟
فارس وهو يزفر انفاسه بهدوء : اي ببلغ على الجريمة الاولى والثانيه !
اعتلت انفاسها وصدرها ينزل ويهبط من الخوف : تكفى لاتبلغ ! حملتي المسؤولية بس لا تقول للشرطه عن اللي صار !
حس بشي وهو يشوفها تتنفس بقوه : نجود انتِ تدرين عن شي مدري عنه انا ؟
وقفت نجود و بصراخ خفيف : مالك دخل ! لا بالجريمة الاولى ولا الثانيه خلاص سالفة وعدت ليش مُصر انك تبلغ ياخي فكنا من شرك !
قام وهو منصدم من انفعالها : نجود ترا اذا قلتي لي ماراح افضحك بالعكس بساعدك !
حسن بغصة وهي موقادره تكمل الكلام انكتمت بمجرد تفكير هابط اجتاح عقلها وخوفها من امها بالسجن : ليتك تدري باللي احس فيه !
فارس : قولي وبستر عليك يابنت العم وعلى شنب رجال بعد بس قولي
نجود بداخلها : "الله وهالشنب عاد كل الناس عندها شنب شفيك محسسني ان الشنب ارتسم عليك لحالك !"
ترددت بخوف : تستر علي ؟ فارس : اي واحلف لك بعد
لمحت المصحف الشريف اللي على مكتبه وهي تسحبه وتمده له : احلف لي على القران ! تنهد وهو يحلف امامها حست بالرجفة والخوف بدون سابق انذار انهارت بالبكاء امامه اقترب منها وهو متناسي انها ماتحل له ووو
" ادعموني بنجمة وتعالوا انستا : wjaff60 انزل بشكل يومي 🩵🪽✨