" في حروب الارواح مالقيت الا انتِ يالروح الندية "

البارت الرابع

عند دلال وسعاد الساعة ٣:٠٠
دلال : سوسو خلصتي
سعاد وهي تحط الكحلة
دلال : وشذا الجمال صدق انه اعمى يوم انه بيتزوج عليك
سعاد وهي تتأفف: اففف فكيني من هالطاري ولي يعافيك
دلال : ابشري ابشري ام جمال يام جمال
ام جمال : نعم يالعمة دلال
دلال : امسكي راشد وانتبهي له
سعاد : ام جمال حبيبتي اذا صاح عطيه رضاعته بحطها لك في الصالة
ام جمال : ابشري انتم روحوا شوفوا شغلكم وانا بنتبه لراشد
دلال: يلا ابطينا ترا
سعاد : بلبس برقعي وبجي
ام العنود: العنود يالعنود هذي للحين نايمه قومي قومي
العنود : هاه يمـه الله يهديك ماتخلين احد ينام
ام العنود : سعاد ودلال بيجون اكشخي
العنود وهي متوعدة بدلال : ان شاء الله
قامت تلبس وهي حالفة ماتخلي دلال
طق الباب
ام العنود : مين ؟
دلال : انا انا دلال
ام العنود : هلا حياكم
سعاد بإبتسامه شر : الله يحيّيك الله يحيّيك
ام العنود : ادخلوا شفيكم واقفين !
دلال : بندخل بندخل لاتستعجلين على رزقك
العنود وهي طالعة من الغرفة بإبتسامه : ياهلا ياهلا الله حيّيهم
سعاد عضت اسفل شفتها بغيرة منها : الله يحيك
ام العنود : تفضلوا
سعاد وهي تشرب القهوة : يام العنود حنا جايين نكلمك بموضوع والله وآنا أدري انكم داريين فيه مير بعلمكم
ام العنود : خير ان شاءالله وش موضوعه
دلال : الموضوع يخص بنتك العنود
العنود شرقت : انا وانا وشدخلني
دلال بضحكة : انتِ الشر كله يا سراقة الرجاجيل
ام العنود وهي تصغر عيونها : وشوو وش تقولين انتِ سعاد تسمعين اختك وش تقول !!!
سعاد : اي اسمع اختي ماقالت شي ماقالت إلا الصدز
العنود قامت : هوب هوب هوب هوب دخلناكم بيتنا واحترمناكم لكن تقولين عني سراقة رجاجيل لا ياعيوني العب بحسبتكم هنا
سعاد وهي تقوم : اي سراقة رجاجيل مغير تمشين وانتِ تتميعين قدام الرجال 
العنود وهي ترفع اصبعها : سعاااد والله وهذا انا حلفت كلمة زيادة اطلعك برا البيت
دلال وهي تنحني لأذن ام العنود: هااه يام العنود اشوفك سكتي
ام العنود وهي تدف دلال : اصص اصص بنتي ماتجيبينها على لسانك فاهمه لاوالله اقصه لك
دلال وهي تطلق ضحكاتها : اءءهه انا انا تقصين لساني معذورة مالقيتي احد يعرس على بنتك قلتي خليها تتميع قدام الله وخلقه
العنود وهي تضحك بأستفزاز : انا ياحبيبتي بطقة اصبع اصف لك عشر رجال واطب واتخير بينهم وانتِ ياسعاد العاجل جايه وبيتي وتتهميني اني سرقة زوجك منك افا بس افا
سعاد صرخت وهي تشد شعر العنود 
دلال وهي تزغرط دليل انها بتذبح العنود
ام العنود وهي تبعدهم عن بنتها
بس فجأة