" في حروب الارواح مالقيت الا انتِ يالروح الندية "

البارت السابع والخمسين

شهقت جُمان وهي تدفه وتسحب شنطتها وتدخل بسرعه ضحك بسخرية امير وهو يعدل شماغه ويتجه لمجلس الرجال دخلت جُمان با انحراج من نظرات جدتها لها جلست بجانب امها
" البنات "
هنادي بسخرية : شوفي شوفي جلست عند الحريم مسرع ؟
ضحكوا منها ومن جُمان اللي متوتره اعتلى صوت ابتهاج : ياعروسه تعالي
ابتسمت جُمان وهي تجي لهم سُلاف : والله وتزوجنا ياجمون !
جُمان بابتسامة : بتلحقوني قريب
-
" المستشفى "
دخل راشد غرفة العمليات وهو يسوي العمليه انصعق من شاف اللي بغرفة العمليات " طليقته "!! دارت الدنيا فيه يوم شافها نائمه بهدوء وجمالها الطاغي تصاعدت انفاسه سُرعان مانزل القلوفز وهو يطلع برا الغرفة لحقه بهاج : راشددد راشد ! ولدد وقف
وقف راشد وهو ينزل الكمامه ويتنفس بسرعه هائله شد على اسنانه بقوه : وين وفاء !!! المريضه وفاء كيف صارت المها !
عقد حواجبه بهاج : المها ؟ اسمها ! انت تعرفها ؟؟
راشد بشبه صراخ : رددد !
بهاج : والله مدري انا دخلت زيي زيك ماعرفها
اشتدت قبضة راشد وهو يضرب الجدار بقوه : ياحيوانههه !
""طلعت المها اللي بتسوي العمليه بس كانت متفقه مع اختها انها تاخذ بيناتها قبل ماكان فيه تركيز على البيانات مثل الوقت الحالي "عمليتها اللي بتسويها برجلها ""
" نعود للحاضر "
بهاج بتردد : والعمليه ؟
راشد بعصبيه : بحريقة جدي تحرقها وتحرق اختها ماراح اسوي العمليه كلم الدكتوره هيا سالم تسوي العمليه شد على كلمته الاخيره " لايقربها رجال !!!"
بهاج بطاعه : ابشر
طلع راشد لمكتبه لكن بعد دقائق دخل عليه المدير وهو معصب
المدير : دكتور راشد !!
رفع راسه في حال سماعه لصوته قام بحدة : نعم ؟
المدير: تسوي العمليه الان سامع المريضه بتموت ورانا عمليات اخرى لاتعطلنا ارجوكككك !
راشد ببرود عكس النيران اللي بداخله : عادي كلً ويومه نعترض على قدرة ربي؟!
ضرب المدير يده على الطاوله : راشد لاتحدني على فعل الشر سو العملية ازين لك !
ارتفعت نبرة راشد بغضب : واذا ماسويتها ؟
المدير : بتحصل شي مايعجبك! الافضل تروح تسويها !
راشد : علي بالحناث اني ماسويها وخل اشوف كلمة مين اللي تمشي انت تحسب انك تقدر تهددني تدري اني بشكوى وحده انهيك ياطلال ؟ تحسب اني ناسي الشكاوي اللي جت على ظهرك من المرضى والدكاتره ومابقالك غير شكوى ويفصلونك ! عدل اسلوبك ياطليل وخل الليله تعدي على خير لا اقلب مستشفاك ومرضاك وانت معهم
التزم الصمت طلال بقهر وهو يطلع ووراه الدكتوره هيا اللي بتسوي العملية بدال راشد
بهاج : اذا طلعت بتكون مشرف على حالتها لأن فواز ماخذ اجازة له اسبوع
راشد بجمود : يصير خير !
-
" بيت جابر ال مسعد "
" مجلس الرجال "
اشتبت روائح العود الازرق والقهوة العربية السعودية
تقدم جابر وهو يرحب بضيوفه : الله حيهم الله حيهم
هذال : الله يحيك يابو ماجد
ابو صالح : الله يحيك يابن الاجاويد ويسلمك
الجد جابر با ابتسامه: مرحبابكم وتو مانور مجلسي بهالوجوه الطيبه يا اجاويد وانا عازمكم على الغداء اليوم بمناسبة زواج امير ماجد وحفيدتي والله يجعلها فاتحة خير علينا وعليهم  ويرزقهم الذرية الصالحة
ابو البندري : مبروك ياولدي واعذرني ماجيت عرسك لكن حصلت لي ظروف
امير بهيبه وابتسامه : معذور ياعم
فايز : حياكم يارجال على الغداء قاموا الرجال وهم يتجهون لصالة الغداء
" العيال "
تركي : راشد وراه ماجاء ؟
نايف : راح للرياض عنده عمليه
سلطان : بيرجع قريب ؟
نايف : اي بيرجع وراه ملكه !
استغرب تركي : ملكه ؟
نايف : اي بيملك على بنت مرت ابوي
شرق امير من سمع اسمها : مايا ؟
احتدت نظرات نايف وسليمان : وراك شرقت ؟
امير : ابد بس كيف امك وافقت انها تزوجه بنت طبينتها ؟
نايف بجمود : والله هذي علوم حريم مدري لك عنها ياخوي