" سُلاف "
الساعة ٣ كانت منسدحة على بطنها وهي ماسكة تلفون البيت وتنتظره يتصل ملت من قعدتها وحست انه بيسحب عليها استلقت على ظهرها وهي تفكر وش بتقول له ؟ فزت بسرعه من اتصاله وهي تسحب التلفون : الووو !
تنحنحت بخجل من سرعتها وهي تبعد التلفون وتسب نفسها قربت التلفون وهي تسمعه
بسام : السلام عليكم
سُلاف وهي ماسكة شعرها : وعليكم السلام
بسام : سُلاف ؟
سُلاف : الله الله
ضحك وهو يكمل : اسلمي شبغيتي وش موضوعتس ؟
سُلاف بنسيان : آي موضوع ؟
عقد حواجبه : موضوعتس وشنهو إللي بغيتيني فيه ؟
سُلاف : اهاا اءء تبي الصدق ؟
بسام : اي
سُلاف : ماعندي سالفه !
بسام : نعمم!
سُلاف بـ انحراج : والله
بسام : وليش معطيتني رقمك ؟!!
حست انها توهقت وصغرت من نفسها قدامه : اءء ك كنت بسألك عن قدركم
انفجر ضحك عليها وهو عارف انها تكذب تنرفزت سُلاف وهي ترد عليه : ضحكت من سرك بلاء ان شاء الله!!
بسام : سُلاف وش تبين بالضبط كلنا ندري انتس ماتبين تسألين عن القدر تبين تسألين عن راعيه
شهقت بغنج وهي تمسك صدرها : عنككك ! انت ! ليش اخوي ابوي زوجي ؟!
بسام وهو متخرفن على صوتها : ان شاء الله الاخيره
ابتسمت من داخلها بسعادة : شمعنى الاخيره ؟
بسام : مع السلامة مع السلامة
سكر وهو يضحك عليها ، انصدمت يوم سكر بوجهها تفلت على السماعة بقهر وهي ترجعه وتغصب نفسها تنام
" بيت ابو سلطان "
كانت تبكي ام سلطان بخوف على بنتها
ابو سلطان وهو خايف عليها ومنقهر : وينها وين راحت !
التفتوا على الباب وهي تدخل عليهم وهي تبكي قامت ام سلطان وهي تضربها بنعالها : وينتس وينتس فيه ! طار قلبي عليتس !!!
الرّيم وهي تبكي : انقفل علي ب باب المخزن ! وانتم مافقدتوني
نزلت النعال وهي تحضن بنتها : احسن عشان بعدين تنطقين با ارضتس !
سلطان بتلطيف للجو وهو يضحك : تصدقين ضعتي ولا ماضعتي مافرقت معنا
ابو سلطان : ادخلي غسلي وجهتس وارتاحي ولاتقعدين تحوسين ببيوت العالم
الرّيم بعصبية : قدرهم الله ياخذه هو اللي حبسني هناك مع نايف !
فز ابو سلطان بمجرد ماكان بيجلس التفت سلطان بقوه وطارت عيون امها عليها
ام سلطان : نايف !
ابو سلطان : شجاب سيرته !
سلطان بغيرة على اخته : تكلمي !!!
بلعت ريقها بخوف وهي ترقع على الموضوع : شدخل نايف الحين ! اقصد المفروض دام اخوهم كان برا المفروض ياخذه معه مو يقولون لي !!!
ابو سلطان با ارتياح : اشوى
سلطان وهو يطقطق عليها : كلب حيوان انا بقوله يشيل القدر عنك المره الثانيه
الرّيم بحدة : المفروض
-
" بيت جابر ال مسعد "
دخلت غرفتها وهي خايفه جلست على سريرها بخوف وهي تعض اظافرها بتوتر دعت ربها ان مايكون فيه شي وماتروح فيها
" جُمان وامير "
دخل غرفته وهو ينزل سلاحه وشماغه وينثر شعره بشكل جذاب دخلت عليه جُمان وهي تبتسم : السلام عليكم
رد عليها السلام ب. استغراب منها اول مره تدخل غرفته وب ارادتها بعد ؟!!
امير وهو مصغر عيونه ومتخصر : سمي ؟
توترت وهي تضحك برقه : سم الله عدوك
استغرب من ضحكها وهو يتأملها ويتأمل شكلها اللطيف :
الخلاصة ؟
جُمان : مابي شي بس بجلس معك وش بتمنعني ؟
طارت عيونه فيها بصدمه وهو يقيس حرارتها : روحي نامي شكلتس تعبانه
نزلت يده من جبينها : صدق !
ضحك بخفه وقال : امزح معتس حياك اجلسي
جُمان وهي تناظره بطرف عين : احسب بعد لأن مابخليك
ضحك بسخرية وهو يمسك خصرها : شبتسوين ؟
توترت من قربه وهي تبعده : ابعدد !
امير : تخافين ؟ قولي عادي
رفعت حاجبها بتحدي : انا اخاف منك ؟
هز راسه با اي انقهرت منه وهي تدفه وتمشي وتضحك وتعطيه ظهرها : ليتني خفت من احد يستاهل عاد
سحبها امير له وهو يمسك خصرها ويشده : اي لا واضح بيجي يوم وبتقولين ياليتني ماتفاخرت على اللي يسواني !
دفته وهي تبعده بغضب : الشرهه مو عليك ! علي انا اللي جيتك وقلت بجلس معك بس صدق ماتستاهل غير تراب رجولي ضحكت بسخريه : عاد اغلى منك ترابها
ضرب الجدار بقوه من كلامها المُستفز ! فزت بخوف بس مابينت له وهي تبتسم
امير بغضب وهو يمسك فكها بقوه : قسم بالله يا جُمان ان ضحكتك ذي لتصير كابوس لك !
دفته وهي تضحك بعدم مبالاة : اعلى مابخيلك اركبه ياروح الماما
اقترب منها ووو 🫦❤️🔥
-
" بيت هذال "
مهرة وهي تحط الثلج على خشم سياف وتبكي : ياقليب امك قلي يعورك ولا جعل اللي هبدك بحريقه ابك منهو !
سياف بألم وهم يمسك يد امه : اعوذ بالله اذكري اللع يالغلا بسيطة ان شاء الله
هذال : من اللي سوابك تسذا !
سياف : مدري دخلت الا واشوف اللي طار بخشمي
هذال : والله انك تسذوب شلون ماشفت قلي !
سياف بكذب : ماشفت يايبه
مشعل وهو يطق ابر السكر لأبوه : خلصنا يبه قم ارتاح وريح وخذ امي معك وارتاحوا وقعدتكم ذا عندي ماعليكم
الجوهرة : ياويلك من الله انا القعدة كيف صار ذا !!!؟
مشعل وهو يضحك : قومي قومي الله يصلحتس نامي
ВЫ ЧИТАЕТЕ
" في حروب الارواح مالقيت الا انتِ يالروح الندية "
Ужасыأهلًا وسهلا فيكم في رواية ( في حروب الارواح مالقيت الا انتِ يالروح الندية ) بينما تدور احداث الرواية بِرجُل متزوج ثلاث وعايشين بالديرة حيث ان كل يوم احداث وهواش بين الضرائر لكن يجي يوم وتصير كارثة في بيت ابو راشد ( صالح ) وهي جريمة قتل بين ( حري...
