" في حروب الارواح مالقيت الا انتِ يالروح الندية "

البارت السادس

انتهت الخطبة سعاد وهي في بيت دلال
سعاد وهي تبكي : اقولك اليوم خطبها
دلال : شسوي
سعاد بصدمه : شلون شتسوين اقولك خطبها
دلال : انتِ مو قلتي لاتتدخلين بحياتي
سعاد : مشكورة ياختي مشكورة
طلعت سعاد وهي ذاهبة الى بيتها حاملة بين يديها ابنها راشد ودموعها تنهمر على خديها
صالح  وهو داخل البيت وهو يغني سمع صوت ام جمال وهي تدعي عليه
صالح : ام جمال
ام جمال بفزع : اءءءء اببو راشد
صالح بغضب : ماهقيتها منك يام جمال والله
ام جمال بترجي : سامحني ياعمي سامحني والله ما اعيدها بس حزنتني عمتي سعاد
صالح : ام راشد وين
ام جمال هزت كتفيها بعدم معرفه
سمعوا صوت الباب إلا سعاد داخلة
سعاد ودمعها بعينها : مبروكين
صالح : سعاد امسحي دموعك والله انك غالية عندي بس هذا شرع الله
سعاد بصراخ : قلي انا وش قصرت به معك !
صالح : افا ياسعاد انا تصارخين علي
سعاد : لأنك ماتستاهل طيبتي وبكرا زواجك على العنود
-
عند بيت ام العنود :
العنود : الرجال وكبشنا عليه باقي دلال
ام العنود : يابنتي بعدي عن المشاكل ربك ووفقك تبين تخربين عرسك
العنود : اجل انا تقول عني سراقة رجاجيل
ام العنود بضحكة : هااه انتِ خذيتي رجل اختها
العنود وهي تضحك : تصدقين عاد ليتني خذيت رجل دلال بس شايب ما ابيه
-
بعد ثلاث شهور
زواج صالح & العنود
ام العنود والحريم وهم يزغرطون ويرمون الورد على العنود
مشت العنود وهي مُقبلة على الكوشة قام صالح وهو يُقبل رأسها  ابتدت الطيران تقرع واصوات الزغاريط ورائحة البخور ورائحة الحنا
اخوان صالح وهم يستقبلون الضيوف
مشاري : مبروك عرس ابو راشد
صقر اخو صالح بإبتسامة : الله يبارك فيك وعقبالك ان شاءالله
السيف اخو صالح : العشاء بيحطونه الحين
صالح هز رأسه بنعم : اقلطوا الله يحيكم على العشاء
عند الحريم  تهاني : الله يحيكم ياحريم بدو الحريم يتعشون توجهة تهاني الى ام العنود : يام العنود
لفت ام العنود لها : هلا يمه
تهاني بإبتسامه : وين العنود بروح اسلم عليها
ام العنود : اجل تعالي معي
-
عند العنود وهي تبكي 
ام العنود بتسارع : العنود شفيك يا امي تبكين
العنود : يمه ما ابيه ما ابيه
ام العنود وهي تضحك بصدمة : تمزحين صح الله يقطع مزحك الثقيل يلا مسحي دموعك وانزلي الرجال ينتظرك برا بتروحون بيتكم
العنود وهي تصرخ : ما ابيه ما ابيه يمهه
صفعتها امها وهي تقول : ليش ليش تفشليني ليش وافقتي من الاساس لييييش
جلست العنود وهي تبكي : وافقت عشان أحر دلال
ام العنود وهي تدور حوالين الغرفة : ياراسي يافشيلتي انتِ تدرين وش سويتي فشلتيني قدام الناس الحين شنقول للرجال اللي محزني عليه انه فرحان حرام عليك
خربتي بيته حراااام
العنود وهي تمسك يدين امها : لا يمهه لا انا مب خرابة بيوت بس والله بلحظة غضب وافقت فجأة شافوا
-

تهاني دخلت اقتربت من العنود وهي تصفعها : انتبهي تكسرين قلب اخوي
العنود وانظارها بالارض وهي تشاهق : انتِ سمعتيني ؟
تهاني : خربتي بيت اخوي وتبين تكسرين قلبه وهو ينتظرك ؟!
ام العنود : تهاني امسحيها بوجهي بس اكيد البنت متوترة
العنود بصراخ  وهي تجلس : لا مب متوترة ما ابيه ما ابيه مو غصب ما ابييييهه
تقدمت تهاني وهي تُمسك بمعصمها : قسم بالله اذا مانزلتي لافضحك وانتم تعرفوني زين اسمعي يام العنود دقيقتين وهي نازلة ولا والله لتشوفون شي مايعجبكم
-
خرجت وهي ذاهبة لأخيها : العروس شوي ونازلة
ام العنود وهي تمد برقع العنود لها : امسكيه البسيه بتنزلين لرجلك الحين
العنود باستسلام وهي تخرج
تعالت الزغاريط والطيران وهم بيزفونها للسيارة
ركبت وهي تبكي ومشوا
تهاني وهي تربت على كتف ام العنود : زين لك انك عقلتيها
ام العنود بتنهيدة: الله يوفقهم
في بيت الشيخ سامي
ابو سعاد وهو يردد: لاحول ولا قوة الا بالله لاحول ولاقوة الا بالله اهدي شبلاك تصيحين
سعاد : قهرني يايبه قهرني يتزوج علي بعد ماجبت له الولد
دلال : ماعليه ياخيتي ماعليه ان مانويت لها نوايه وانا بنت ابوي
سعاد وهي تتمسك بطرف كم دلال : تكفين وش ناويتلهم
دلال : تعالي ياوخيتي لحضني
ابو سعاد وهو يربت على كتف ابنته : ماعليه يابوي انتِ هو ماسوا شي حرام احمدي ربك تزوج وانتِ تدرين مو من وراك